I Kọrinti 7:5 - Edo Bible (E Baibol Ẹdo) Version 1996

⁵ Wa ghẹ gha ya emwi hin egbe unu, sokpan a ma wẹ wa gba ta ẹe nẹ wẹ ne uwa ru vberriọ la omwa ẹghẹ eso, ne uwa miẹn ehe na na erhunmwu, sokpan wa ghi vbe dọlegbe suẹn gha ru emwi ọdọ vbe amwẹ, ne a ghẹ gie ne ẹ i sẹtin ziengbe ya de ye edanmwẹ e Setan.

I Kọrinti 7:5 ပူးပေါင်းရင်းမြစ်များ

Ẹksọdọs 19:15

E Mosis keghi khama iran wẹẹ, “Wa ghi mu egbe irakhuẹ. Okpia vbe okhuo ghẹ miegbe vbe uwu ẹghẹ na.”

Ẹksọdọs 21:10

“A deghẹ ọ ghi rhie okhuo ọvbehe, ọ ghi ye gha rhie ne nokaro nii egbe evbare kevbe ukpọn ne ọ ka rhie nẹẹn yi, ke egbe ihe ne ọ ka ye de yi zẹ vbe okhuo ne ọ rre owa ọdọ.

Joẹl 2:16

Mu iran egbe ye otọ khẹ iko nọhuanrẹn viọ avbe ọmaẹn rre, si avbe ibiẹka koko, kevbe emobọ negiẹrẹ, ya sẹ egbe ọdọ vbe amwẹ ni da rọnmwẹ egbe, wẹ ne iran kpa vbe owa rre ne iran gha dee.

Zẹkaraia 7:3

kevbe ne iran vbe nọ avbe ohẹn kevbe akhasẹ ọta na wẹẹ, “Te ọ kere ne ima ye gha khiẹ ye ẹmwẹ Ọgua Osa ne a guọghọ ua vbe ekpa ne ima gha na gha yo aguẹ vbe uki ne ogisẹn vbene ima ka ru ẹe ke ukpo nibun ni gberra gha dee?”

Matiu 17:21

Sokpan erhunmwu kevbe aguẹ ọkpa ọre ọ sẹtin khu egbe ọna ladian, emwi ọvbehe i rrọọ ne ọ gha sẹtin.]”

Matiu 19:11

Jesu wanniẹn tama iran wẹẹ, “Iruẹmwi na i re ọ ghe umiẹnmwumiẹn vbe ẹ i re iran ne Osanobua rhie ẹre na.

Matiu 4:10

Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

I Kọrinti 7:4

Amwẹ ma ghi yan egbe ẹre ọvbehe, sokpan ọdọ ọre ọ yan rẹn, erriọ vbe nọ zẹẹ, ọdọ ma ghi yan egbe ẹre ọvbehe, sokpan amwẹ ọre ọ yan rẹn.

I Tẹsalonaika 3:5

Ọnii ọre ọ si ẹe ne I na gie Timoti, I ma ghi sẹtin zin ẹnrẹn, ọ re I na gi ẹe ne ọ do ghe vbene iyayi uwa ghi ye hẹ. Vbene aro na da ẹe, ẹ i sẹtin gha re wẹ, te Esu do danmwẹ uwa ghe, te ẹsọn ne ima miẹn hia wa la ọ rhiae rrie.