I Kọrinti 7:2 - Edo Bible (E Baibol Ẹdo) Version 1996

² Sokpan, ugbẹn vbe a ghi miẹn nian wẹ ẹmwẹ oghẹ tua gbe, ọ kere ne dọmwadẹ okpia gha mwẹ amwẹ, kevbe ne dọmwadẹ okhuo vbe gha mwẹ ọdọ ẹre.

I Kọrinti 7:2 ပူးပေါင်းရင်းမြစ်များ

Itan 18:22

Gualọ okhuo rhie, emwi esi ọ re u miẹn rhie; ọ rhie ma wẹ Nọyaẹnmwa wa ru uwẹ ẹse.

Itan 19:14

Ọmwa sẹtin miẹn ukhu owa kevbe igho re vbe obọ erha ẹe sokpan, e Nọyaẹnmwa okpa ọ re ọ rhie okhuo esi ne ọmwa.

Malakai 2:14

Wa nọ emwi ne ọ zẹẹ ne ẹi ghi na rhan obọ miẹn rẹn. Emwi ne ọ sii ẹe ọrọre wẹ ọ rẹnrẹn wẹ, wa ma ghi mu eyan nii sẹ, ne uwa yan ma okhuo ne uwa rhiere ẹkpo ne uwa na rre igbama. Egbakhian ruẹn ọ re irẹn gha khin, u ma mu eyan ne u yaan ma rẹn sẹ egbe ne a ya miẹn wẹ odaro Osanobua ọ re u na yan wẹ wẹ i ra rhie aro ghe ehe ọvbehe.

Matiu 5:32

Sokpan mẹ tama uwa nian wẹẹ, deghẹ ọmwaikọmwa khu amwẹ ọnrẹn vbe ne okhuo ni ma na ghẹẹ, rẹn ọre ọ gie ẹre oghẹ, deghẹ okhuo ni ya rọnmwẹ ọdọ ọvbehe. Ọmwa ne ọ rhie okhuo ne a khu ni rọnmwẹ, ọ vbe ru oghẹ.

I Kọrinti 6:18

Wa gha lẹ ne oghẹ, orukhọ ke orukhọ ọvbehe ne ọmwa a rhirhi ru, ẹ i mwẹ emwi ne ọ ru ikinnegbe re, sokpan ọmwa ne ọ ru oghẹ, ikinnegbe ẹre ọre ọ ru khọ.

I Kọrinti 7:1

I ra guan yan emwi ne uwa gbẹn ebe ẹre gun mwẹ. Ọ wa maa a deghẹ okpia wẹ rẹn i rhie okhuo.

I Kọrinti 7:3

Ọ kere ne okpia gha ru emwi ọdọ kevbe ne okhuo vbe gha ru emwi amwẹ, ne iran gba gha ru ne egbe vbe ne iran gha na sẹ egbe ọkẹn.

I Kọrinti 7:9

Sokpan adeghẹ u i ra sẹtin ziengbe, ya rhie okhuo, a rhie okhuo ọre ọ fu egbe sẹ ne a gha rri ororo ba ẹmwẹ emwi ne ọ khọn ọmwa.

Ẹfisọs 5:28

Te ọ kere ne ikpia gha ho ẹmwẹ amwẹ iran, zẹ vbene iran ho ẹmwẹ ikinnegbe iran. Okpia ne ọ ho ẹmwẹ amwẹ ọnrẹn, egbe ẹre ọ re ọ ho ẹmwẹ ọnrẹn. (

Ẹfisọs 5:33

Sokpan avbe ta ẹe gie uwa, ọ kere ne dọmwadẹ ọdọ gha ho ẹmwẹ amwẹ ọnrẹn, zẹ vbe egbe ẹre, dọmwadẹ amwẹ ghi vbe gha ye ọghọ ne ọdọ ẹre.

I Tẹsalonaika 4:4

Dọmwadẹ ọghọe vbe uwu uwa ne ikpia, ghi ruẹ vbe ne a ya ọghọ vbe ute rhie okhuo rọnmwẹ hẹ.

I Timoti 4:3

Emwa na ọre ọ ta ẹe khian wẹ, ọ ma kei ne a gha rhie okhuo, ọ ma kei ne a gha rri evbare eso. Sokpan te Osanobua yi avbe evbare na ne avbe emwa ni yayi, ni vbe rẹn ẹmwata nẹ, ne iran gha rri ọẹ vbe iran a ghi na erhunmwu ekpọnmwẹ yọ nẹ.

Giọgis 21:22

A deghẹ erha iran ra etẹn iran ghi rre do gui, ma gha sẹtin tama iran wẹẹ, ‘Wa lahọ, wa sẹ iran rae ne ima, ẹ i re okuo ma na munọ iran do ya khian amwẹ ima. Vbene a ghi na miẹn wẹ wa ma ya iran ne ima, wa ma rri ihẹn ne uwa vẹn!’ ”