I Kọrinti 6:3 - Edo Bible (E Baibol Ẹdo) Version 1996

³ Wa ma rẹn ighẹ ma ọre ọ khian bu ohiẹn avbe odibosa ra? Inu inu ghi nọ ne emwi agbọn na?

I Kọrinti 6:3 ပူးပေါင်းရင်းမြစ်များ

Psalm 17:14

fanmwẹ ye otọ vbe obọ iran ne emwi agbọn na ne iran ho hia, sẹ ọre obọ. Ya usẹ ne u ghae ye otọ khẹ iran rri iran oya. Te ọ gha vbe sẹ avbe ivbi iran obọ vbọ ne a ye vbe sẹ eso rae khẹ eyẹ iran.

Daniẹl 7:22

Ẹre rẹn ni ne ọ wa rrọ ẹdẹdẹmwẹdẹ na rre, ọ keghi bu ase ne emwa Osanobua ne ọ Sẹehia. Ẹghẹ sẹe nẹ ne emwa Osanobua gha na gha mwẹ ẹtin ọba.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Iyẹn ne ọ Maan Ọghe Luk 8:14

Emwiokọ ni dele ye uwu igban mudia ye ihe iran ni họn ẹn sokpan orueghe, ẹfe kevbe orhiẹnrhiẹn agbọn keghi siẹn yan rẹn, iran keghi yẹn ọnrẹn gbua, ọ ma ghi hin obọ arowa.

Ebe ne Pọl gbẹẹn gie emwa Rom 6:16

Rhunmwuda, wa rẹnrẹn wẹ, wa gha zẹ egbe uwa obọ zẹ vbe eviẹn, ne uwa gha ru vbe ne ọmwa ọkpa kha re, eviẹn arowa ne uwa ru vbene ọ kha re ni, ọre uwa gele khin vbe ọ ghe ẹmwata, ọ sẹtin gha re orukhọ ne a miẹn wẹ uwu ọre ọ ke ẹre ikian, ra a họn ẹmwẹ ne a do gha la ekpa ẹre ka ọmwa ye ọmwata vbe odaro Osanobua!

I Kọrinti 6:15

Wa rẹnrẹn wẹ efẹn ọkpa vbe egbe Kristi ọre uwa khin. Te imẹ ghẹ ghi mu efẹn ọkpa vbe egbe Kristi ne I ya ku ẹe gbe ba egbe igberagia ra, awua!

I Kọrinti 6:16

Ra wa ma rẹn ighẹ ọmwa ne ọ ku egbe ẹre kugbe ba igberagia ighẹ ọ ye egbe ẹre khian ọkpa ba ẹre nẹ? Ebe wa tae sẹsẹsẹ wẹ, “Iran eva ghi do gha re egbe ọkpa.”

I Kọrinti 6:19

Wa ma rẹn ighẹ owa Orhiọn Ne Ọ Huanrẹn ọ re egbe uwa khin, Orhiọn Ne Ọ Huanrẹn ne Osanobua rhie ne uwa, ne ọ rre uwu uwa? Wa i ghi re ọghe egbe uwa, ọghe Osanobua ọre uwa khin.

I Kọrinti 6:4

Adeghẹ ẹmwẹ vberriọ sunu, te uwa ghi ra muẹn bu iran ne ẹ i mwẹ ukpo ne ọ ye vbe esọsi ra ne iran bu ẹre ne uwa?

II Timoti 2:4

Ovbiyokuo ne ọ ye yo igbinna, te ọ gha ho ne ọ ru emwi ne ọ gha yẹ arowa ne ọ gbe aro ghe iran, rhunmwuda ọnii, ẹ i khian gha gbe egbe avbe emwi ne emwa kẹkan ni rre ẹvbo ru.

II Timoti 4:10

Rhunmwuda agbọn na rhiẹnrhiẹn mu e Demas ukpẹ nẹ, ọ kpao sẹ mwẹ rae, ọ kpao gha rrie Tesalonaika, e Kresens rrie Galatia, e Taitọs rrie Dalmatia.

II Pita 2:4

Rhunmwuda Osanobua ma ya bọ avbe odibo ni ru orukhọ, sokpan te ọ filo iran ku uwu ẹrinmwi erhẹn, ehe ne a na khui iran ye uwu ebiebi hin re khẹ Ẹdẹ Ibuohiẹn.

Ebe ne Jud gbẹẹn 1:6

Ye iran ne avbe odibo Osa rre, iran ni ma gbe ye egbe, vbe ehe ne a rhie ẹtin ne iran sẹ, sokpan, iran keghi kpao sẹ ehe ne a rhie ne iran gha ye rre. Osanobua hẹ iran ku uwu ebiebi ne ọ rre ototọ, a ya eghan etẹbitẹ de iran khẹ Ẹdẹ ne ẹdẹrriọ ne a gha bu abe gbe iran.