I Kọrinti 5:9 - Edo Bible (E Baibol Ẹdo) Version 1996

⁹ Vbe ebe ne I ka gbẹn gie uwa, I tama uwa ne uwa ghẹ gha gu iran ni gbe alama mu obọ.

I Kọrinti 5:9 ပူးပေါင်းရင်းမြစ်များ

Itan 9:6

Ladian vbe uwu ẹbu emwa ni ma rẹn ne a ye, ne u gha rre agbọn. Wẹ lele odẹ irẹnmwi.”

I Kọrinti 5:10

Ẹ i re iran ni ma yayi, ni gbe alama, ra ni zuan ra ni gbe olighi, ra ni ga ẹbọ, ọre I kha. Wa gha wẹ ne uwa gha lẹ ne iran, ọnii rhie maa ighẹ te uwa ghi ra kpao hin agbọn na rre fẹẹrẹ.

I Kọrinti 5:2

De ne uwa ghi tọn egbe mu ba nian? Vbe ẹmwata, te ọ kere ne uwa gha khiẹ, ọmwa ne ọ ru emwi na, ne uwa si ẹe ladian hin uwu ẹbu uwa rre.

I Kọrinti 5:7

Wa rhie eyist ọwiẹyi orukhọ na hi ehe ne uwa ye rre, ne uwa miẹn ehe na huan fo. Ẹghẹ nii, wa ghi do ye vbe ẹlubọ ne a ma he rhie eyist yi, I rẹnrẹn ighẹ egbe emwi vberriọ ọre uwa khin. Rhunmwuda a le evbare Alagberra mwa nẹ nian, ugbẹn vbe a miẹn wẹ, a ya Kristi ne ọre Oteghe Ohuan Alagberra mwa, zọ ese nẹ.

II Kọrinti 6:14

Wa ghẹ gha gu iran nimayayi winna kugbe, vbene a miẹn wẹ ọkpa wa khin, rhunmwuda, ẹ i gie a ru. Vbe emwi ne ọ gbae kevbe ne ọ ma gba khian sẹtin gba gha si egbe obọ khian hẹ yi? Vbe uwanmwẹ vbe ebiebi khian gba die ihọkpa ya hẹ yi?

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

II Tẹsalonaika 3:14

Emwa eso sẹtin gha rre evba ne ẹ i ra zẹ ye ẹmwẹ ne ima gbẹnnẹ ye ebe na. A deghẹ ọ ye rriọ, wa ye ẹre ẹro ne uwa ghẹ gu ẹe mu obọ hiehie, ne ekhue miẹn ehe na muẹn.

II Tẹsalonaika 3:6

Ma ya eni Nọyaẹnmwa Jesu Kristi yi iyi ma uwa etẹn mwa, wa gha bi egbe ne avbe etẹn ni lo ẹdẹ iran hia ye oroho ne a si, iran ne ẹ i ya ẹmwẹ ne ima tama iran ru emwi.