I Kọrinti 5:4 - Edo Bible (E Baibol Ẹdo) Version 1996

⁴ Wa gha do iko, mẹ gha vbe gha rre evba vbe ekpa ọghe orhiọn, vbekpa ẹtin Nọyaẹnmwa Jesu ne ọ gu ima rre evba.

I Kọrinti 5:4 ပူးပေါင်းရင်းမြစ်များ

Matiu 16:19

I gha viọ isanhẹn Arriọba ẹrinmwi nuẹn, emwi ne u wẹ ne a ghẹ ru vbe agbọn, a wẹ ne a ghẹ ru ẹe vbe ẹrinmwi. Emwi ne u wẹ ne a ru vbe agbọn, a wẹ ne a ru ẹe vbe ẹrinmwi.”

Matiu 18:20

Rhunmwuda arhin eva ra eha gha si uhunmwu koko nẹ vbe eni mwẹ, mẹ wa gu iran rre evba.”

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Jọn 20:23

Ọmwa ne uwa ya orukhọ bọ, a ya ẹe bọ ẹe, ọmwa ne uwa ma ya bọ, a ma ya ẹe bọ ẹe.”

Iwinna 16:18

Ikpẹdẹ ni bun ọre ọ ru emwi na la, egbe ẹre ghi wọ Pọl sẹrriọ wẹẹ ọ keghi fi egbe werriẹ, ọ tama orhiọn nii wẹẹ, “Vbe eni Jeru Kristi, I tama ruẹn ne u ladian vbe uwu ẹre rre.” Vbe ọwarọkpa nii, orhiọn nii keghi la hin uwu ẹre rre.

Iwinna 3:6

Pita wanniẹn tama rẹn wẹẹ, “I i mwẹ igho vbe emwa, sokpan emwi ne I mwẹ, I gha rhie nuẹn, Vbe eni Jesu Kristi ovbi e Nazarẹt, I tama ruẹn kpaegbe ne u khian.”

Iwinna 4:30

Nien obọ ruẹ ladian ne u ya ẹe mu emwa egbe rran, vbe rhie ne ima ne a gha ye eni Jesu, Ọguọmwadia ruẹ ne ọ huanrẹn winna iwinna ama kevbe ọyunnuan.”

II Kọrinti 13:10

Ọnii ọ si ẹe ne I na gbẹn ebe na vbe I i rre ehe ne uwa ye, otọe ẹre nọ wẹ, I gha ghi rre, ne I ghẹ ye obọ ne ọ tọn mu uwa vbe i a gha lo asẹ ne Nọyaẹnmwa rhie mẹ, asẹ ne a rhie mẹ ne I ya ye uwa digiẹ ighẹ ẹ i re ne I ya duẹ uwa sẹ otọ.

II Kọrinti 13:3

Emwi ne uwa ho ne aro uwa sẹ ne uwa miẹn ehe na rẹn ighẹ Kristi gele gun mwẹ guan. Wa gha miẹn ọẹn. Ọ gha mu uwa rueghe, ẹ i vburriẹ, sokpan, ọ gha rhie ẹtin ẹnrẹn maa vbe adesẹ uwa.

II Kọrinti 2:6

Oya ne uwa ni bun rri ọmwa ni re vberriọ, ọ sẹ nẹẹn.

Ẹfisọs 5:20

Gha kpọnmwẹ Osanobua ne Erha emwi hia vbe ẹghẹ hia, vbe eni Nọyaẹnmwa Jesu Kristi.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

II Tẹsalonaika 3:6

Ma ya eni Nọyaẹnmwa Jesu Kristi yi iyi ma uwa etẹn mwa, wa gha bi egbe ne avbe etẹn ni lo ẹdẹ iran hia ye oroho ne a si, iran ne ẹ i ya ẹmwẹ ne ima tama iran ru emwi.

Jọsua 22:15

Iran keghi sẹ otọe Giliad, iran na tama emwa Riubẹn, e Gad kevbe odẹ ahọ vbe ẹgbẹe Manasẹ wẹẹ.