I Kọrinti 5:3 - Edo Bible (E Baibol Ẹdo) Version 1996

³ Zẹ vbe ọghomwẹ, a gha rhe miẹn ighẹ I khian rrei ne uwa vbe ekpa ọghe egbe, sokpan I gu uwa rre evba vbe ekpa ọghe orhiọn, vbe eni Nọyaẹnmwa Jesu, mẹ bu ohiẹn ọmwa na ne ọ ru emwi ne ọ mu ohan vberriọ nẹ, vbene a miẹn wẹ te I gu uwa rre odọ.

I Kọrinti 5:3 ပူးပေါင်းရင်းမြစ်များ

I Kọrinti 5:12

Emwi ne ọ khian ọrọre wẹ, ọ ma kan mwẹ kan iran ne ẹ i rre otu mwa ne I gha bu ohiẹn iran.

II Kọrinti 10:1

Mẹ ne Pọl wa tobọ mwẹ rinmwian uwa, mẹ ne a wẹ re I gha gu ọmwa mudia, I ghi gha re ọmẹhẹ, sokpan I gha kpao vbe ehe ne uwa ye rre nẹ, I ghi gha khọ mu uwa, I ye ufumwẹ kevbe itohan Kristi rinmwian uwa.

II Kọrinti 10:11

Ọ kere ne emwa vberriọ rẹn wẹ alughaẹn i rrọ ne ebe ne ima gbẹn kevbe emwi ne ima gha ru vbe ima a sẹ ehe ne uwa ye vbe evba.

II Kọrinti 13:2

I ho ne I tama uwa hia ni ru orukhọ vbe ẹghẹ ne ọ gberra, kevbe iran nekpa hia, I ka tae vbe ẹghẹ ne I na rre ukpogieva, I gha ye vbe dọlegbe tae nian, vbe nana miẹn ighẹ I i ghi rre ehe ne uwa ye na. I gha ghi dọlegbe rre, orhiọnkpa ne oya na re gha la ban ẹ i rrọọ.

Kọlose 2:5

Rhunmwuda, a gha rhe miẹn wẹ vbe ekpa ọghe orhiọn, I vbe ghọghọ vbe I miẹn vbene uwa tọn ighighian owẹ ye otọ ya gba gha ya egbe khian hẹ vbe iyayi vbe uwu Kristi.

I Tẹsalonaika 2:17

Zẹ vbe ọghe ima etẹn mwẹ, ẹghẹ ne ima na kpao vbe ehe ne uwa ye vbe ẹghẹ kherhe, ẹ i re vbe ekpa ọghe orhiọn, sokpan vbe ekpa ọghe egbe, umiẹn vbene ẹmwẹ uwa gha da ima hẹ, ma keghi wa gha ho ne a dọlegbe miẹn uwa aro.