I Kọrinti 5:2 - Edo Bible (E Baibol Ẹdo) Version 1996

² De ne uwa ghi tọn egbe mu ba nian? Vbe ẹmwata, te ọ kere ne uwa gha khiẹ, ọmwa ne ọ ru emwi na, ne uwa si ẹe ladian hin uwu ẹbu uwa rre.

I Kọrinti 5:2 ပူးပေါင်းရင်းမြစ်များ

II Ọba 22:19

U na roiro fi uyinmwẹ werriẹ, u na mu egbe rriotọ vbe odaro mwẹ, u keghi sọ ukpọn ruẹn uan, u na gha viọ vbe u họn vbene I wẹ I gha rri e Jerusalẹm kevbe emwa ni rrọ oya hẹ. I gha ru ọ yan aro ua ye evba, ehe ne eni ẹnrẹn gha na khian ne a ya tie ihẹn. Sokpan, I họn erhunmwu ruẹn nẹ.

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Nọmbas 25:6

Ehe ne iran na mudia vbe onurho Owa Ukpọn Ile gha khiẹ nii, ọkpa vbe uwu ivbi Izrẹl keghi sirra e Mosis kevbe avbe emwa nii hia rhie okhuo Midian ọkpa la uwu owa ukpọn rẹn.

I Kọrinti 4:18

Eso vbe uwu uwa tọn egbe mu, iran ro wẹ I i ghi dee do miẹn uwa ro.

I Kọrinti 5:13

Osanobua ọre ọ ra bu ohiẹn iran sokpan wẹ ma rẹn ighẹ ọ kere ne uwa gha hu ohiẹn emwa ne uwa gba rre otu? Zẹ vbene ebe kha re, “Wa yuo ọmwa dan ni hin uwu ẹbu uwa rre.”

II Kọrinti 12:20

Afianma fian mwẹ wẹ, I gha sẹ evba, ẹ i re vbene I ho ne uwa gha ye I ra na do vba uwa, wa tobọ uwa ghi vbe miẹn wẹ, ẹ i re emwi ne uwa te ho ne imẹ gha khin ọre I khin. Afianma fian mwẹ wẹ, I gha do vba ẹzọ, oya ọmwa da ọmwa, ọkpankpan, arẹn ne egbe mwa ọkpa, ọtakhọ, kevbe ewẹwẹwẹ, uhiomwẹ kevbe otighi.

II Kọrinti 12:21

Afianma fian mwẹ I gha ghi dọlegbe rre, Osanobua mwẹ gha wa sirra uwa hia fa mwẹ uan, I ghi gha viẹ egbe ba ẹmwẹ emwa ni bun ni ru orukhọ vbe ẹghẹ ne ọ gberra, ne ọma he ye ro iro fi uyinmwẹ werriẹ, vbe uyinmwẹ osọnnọ ne iran yin, alama oghẹ kevbe orriarria.