I Kọrinti 4:4 - Edo Bible (E Baibol Ẹdo) Version 1996

⁴ Ekhọe mwẹ i gun mwẹ gui, sokpan, ọnii ma rhie maa ighẹ I i mwẹ orukhọ. Nọyaẹnmwa ọrọre ọmwa ne ọ bu ohiẹn mwẹ.

I Kọrinti 4:4 ပူးပေါင်းရင်းမြစ်များ

Job 15:14

“A gha miẹn ọmwa ne ọ gele wa huan fo ra? A gha miẹn ọmwa ne ọ wa gba na vbe odaro Osanobua ra?

Job 25:4

A gha miẹn ọmwa ne ọ re ọmwata kevbe ne ẹ i mwẹ iruẹn vbe odaro Osanobua ra?

Job 27:6

“Te I ra gha ta ẹe khian ighẹ I ma rukhọ; ekhọe mwẹ ma bu abe gbe mwẹ.

Job 9:20

I ma rẹn ọkpa, I ma rẹn eva, ekhọe mwẹ vbe dia. Sokpan, ẹmwẹ mwẹ ghi yevbe irri abe. Ẹmwẹ ne I ta hia ghi yevbe ne ọ bu abe gbe mwẹ.

Psalm 130:3

Wẹ gha wẹ ne u ka orukhọ mwa ye ima owẹ, de ọmwa okpa ne ai ra bu abe gbe?

Psalm 143:2

Ghẹ danmwẹ imẹ ne ọguọmwadia ruẹ ghe; a i miẹn ọmwa ne ọ fo na vbe odaro ruẹ.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Psalm 26:12

I fe vbe obọ ẹbe hia, I rho e Nọyaẹnmwa vbe uwu ẹbu iko emwa rẹn.

Psalm 50:6

Ẹrinmwi ya ẹe go wẹ, ọmwata ọ re Osanobua khin wẹ rẹn tobọ ẹre ọrọre nọbuohiẹn.

Itan 21:2

U sẹtin gha ro wẹ emwi ne u ru hia ọ re ọ wa gba, sokpan ye rre wẹ iro ne u zẹ u ke ya ru emwi ọ re Nọyaẹnmwa ghe.

Itan 29:26

Agbọn hia ọ re ọ ho ne ọmwa ne ọ rre asẹ gha ho ẹmwẹ ọnrẹn, sokpan obọ e Nọyaẹnmwa okpa ọ re a na mian ẹmwata.

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

Iwinna 23:1

Pọl keghi ziẹn aro ye emwa iko ni aro, ọ wẹẹ, “Etẹn mwẹ, orhiọn mwẹ ma bu abe gbe mwẹ hiehiere vbene uyinmwẹ mwẹ ye hẹ vbe odaro Osanobua do sẹ ẹdẹnẹrẹ na.”

Ebe ne Pọl gbẹẹn gie emwa Rom 2:13

Rhunmwuda ẹ i re rhunmwuda ighẹ a họn ẹmwẹ nene Uhi ọre a ya rri asẹ vbe odaro Osanobua, sokpan ne a gha ru vbene Uhi ni kha re.

Ebe ne Pọl gbẹẹn gie emwa Rom 4:2

Akpawẹ avbe emwi ne ọ ru ọre a ya kae ye ọmwata vbe odaro Osanobua, rẹn gha miẹn emwi ne ọ gha ya gha rhuọ. Sokpan rẹn i sẹtin rhuọ vbe odaro Osanobua.

I Kọrinti 4:3

Ẹmwẹ ne uwa gha bu ohiẹn mwẹ ma kan mwẹ. Mẹ tobọ mwẹ i vbe bu ohiẹn egbe mwẹ.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.