I Kọrinti 4:2 - Edo Bible (E Baibol Ẹdo) Version 1996

² Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

I Kọrinti 4:2 ပူးပေါင်းရင်းမြစ်များ

II Ọba 12:15

Emwa ni gha dọlọ ẹe yi, keghi wa gha re emwa ni i gbe emwi rhu, rhunmwuda ọnii, a ma ghi vbe gha tie iran ne iran do gha kha vbene iran lo igho hẹ.

II Ọba 22:7

Iran ni winna iwinna na kegha re emwa ni mwẹ ekhọe esi rhunmwuda ọnii, a i vbe zẹdẹ tie iran ne iran do kha vbene iran lo igho hẹ.”

Itan 13:17

Emwa ne a gie ẹre uhunmwu, otighi ọ re iran si rre vbe iran a gha re emwa ne ẹ i gie a mu ẹtin yan, sokpan, ọfumwegbe ọ re iran ni gie a mu ẹtin yan rhie rre.

Nọmbas 12:7

Sokpan I gha gue Mosis ne ọguọmwadia mwẹ guan, ọ lughaẹn. I rhie ẹre ye ne ọ gbe aro ghe izrẹl ne emwa mwẹ nẹ.

Matiu 25:21

Arowa ẹre keghi tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na, I gha mu igho ne ọ kọnkọn nuẹn gha gbe aro ghe. La owa ne u do gunmwẹ ku obọ ye uwa.’

Matiu 25:23

Arowa ẹre tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na. Rhunmwuda ọnii, I gha mu igho ne ọ kpọlọ nuẹn gha gbe aro ghe, la owa ne u do gunmwẹ ku obọ ye uwa.’

Iyẹn ne ọ Maan Ọghe Luk 12:42

Nọyaẹnmwa wanniẹn wẹ, “Gha ọre ọguọmwadia ne ekhọe esi kevbe ne ọ waan? Rẹn ọrọre ọmwa ni ne arowa ẹre mu owa nẹẹn gha su, ne ovbe gha ghae evbare ne eguọmwadia ne kpa vbe ẹghẹ a sẹ.

I Kọrinti 4:1

Wa ghi gha ghe ima zẹ vbe eguọmwadia Kristi ne a viọ ẹmwata ne ọ rre oro Osanobua nẹẹn hẹmwẹ.

I Kọrinti 4:17

Rhunmwuda ọnii ọre I ra na gie Timoti bu uwa gha dee. Ọmọ ne ọ ghan kevbe ne ọ gie a mu ẹtin yan, ọre ọ khin mwẹ re vbe uwu Nọyaẹnmwa. Ọ gha ma uwa owẹ ne I vin ne I ru emwi lele vbe ẹdẹ agbọn mwẹ vbe uwu Kristi Jesu, ne I vbe ma emwa re vbe esọsi hia vbe ehe hia.

I Kọrinti 4:3

Ẹmwẹ ne uwa gha bu ohiẹn mwẹ ma kan mwẹ. Mẹ tobọ mwẹ i vbe bu ohiẹn egbe mwẹ.

I Kọrinti 7:25

Ẹn hẹn, vbe ekpa ẹmwẹ iran ni ma rọnmwẹ ọdọ, Nọyaẹnmwa ma rhie iyi rhọkpa yọ mẹ, sokpan I gha guan ẹmwẹ obọ mwẹ yọ zẹ vbe ọmwa ne a sẹtin rhie ẹmwẹ ọnrẹn, vbe ekpa itohan Nọyaẹnmwa.

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

Kọlose 1:7

Ẹpafras, ọguọmwadia ne ogieva mwa ne ọ ghan, ne ọ ye ẹko ata winna ne Kristi ọre ọ ma uwa ẹre ne ima.

Kọlose 4:17

Wa khama Akipọs wẹ, “Ghẹ i mwẹ u ma winnaẹn fo ighẹ okhuo ne a fian nuẹn vbe iwinna Nọyaẹnmwa.”

Kọlose 4:7

Taikikọs ne ọtẹn mwa ne ọ ghan, ogieva mwẹ ne ekhọe esi, ọmwa ne ima gba re ọguọmwadia vbe uwu iwinna Nọyaẹnmwa, gha ta vbene emwi hia ghi ye mwẹ hẹ ma uwa.