I Kọrinti 2:9 - Edo Bible (E Baibol Ẹdo) Version 1996

⁹ Sokpan vbene ebe kha re: “Emwi ne ehọ ma he họn, ne aro ma he miẹn, emwi ne a ma ro ighẹ ọ gha sẹtin sunu ẹdẹ, ọre Osanobua mwamwa ye otọ khẹ iran ni họ ẹmwẹ ọnrẹn.”

I Kọrinti 2:9 ပူးပေါင်းရင်းမြစ်များ

Psalm 31:19

Umiẹn vbe ehia mose hẹ ighe avbe emwi esi ne u hẹ ye otọ, khẹ iran ni ya ọghọ ne uẹn. Agbọn hia rẹnrẹn vbene u ma hẹ. A miẹn vbe u viọ iran ni mu ẹtin yan ruẹn lẹre hẹ khuankhuan an khuan.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Aizaia 65:17

E Nọyaẹnmwa khare wẹẹ, “Mẹ wa yi agbọn ọgbọn nian, kevbe avbe ẹrinmwi ọgbọn. A gha mianmian emwi ni sunu vbe ẹghẹ ne ọ gberra hia fẹfẹẹfẹ.

Matiu 20:23

Jesu wanniẹn tama iran wẹẹ, “Ẹmwata nọ ighe wa gha wọn vbe uwu ukpu mwẹ. Sokpan, mẹ i mwẹ asẹ ne a ya zẹ ọmwa ne ogha tota ye obọ erha ọmwa kevbe obọ iye ọmwa mwẹ. Avbe emwa ne Erha mwẹ rhie ẹre ye otọ khẹ ọre ọ yan rẹn.”

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

Hibru 11:16

Sokpan, ẹvbo ne ọ maa sẹ ọnii ọre iran rhie aro yi, ẹvbo ẹrinmwi. Rhunmwuda ọnii, ekhue ẹre i mu Osanobua vbe ọ wẹ ne iran gha tie irẹn Osanobua iran, rhunmwuda, ọ rhie ẹvbo ye otọ khẹ iran nẹ.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.

I Jọn 4:19

Ma mwẹ aho ẹmwẹ ọmwa, rhunmwuda Osanobua ọre ọ ka ho ẹmwẹ mwa.