I Kọrinti 2:8 - Edo Bible (E Baibol Ẹdo) Version 1996

⁸ Ọkpa vbe uwu iran ni rre ọdakha vbe agbọn na, ne ọ rẹn ẹwaẹn na, ẹ i rrọọ. Akpawẹ te iran rẹn ọnrẹn, iran i ghẹ kan Nọyan uyi mu ugbugbe.

I Kọrinti 2:8 ပူးပေါင်းရင်းမြစ်များ

Matiu 11:25

Vbe ẹghẹ ọkpa ni, Jesu keghi kha wẹẹ, “Evbavba Nọyaẹnmwa ẹrinmwi kevbe agbọn, I kpọnmwẹ ọn rhunmwuda, emwi ne uwẹ rhie lẹre ne iran ne umẹwaẹn kevbe ni rẹn emwi, u keghi rhie ẹre ma iran ni ma rẹn emwirhọkpa.

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

Iyẹn ne ọ Maan Ọghe Luk 23:34

Jesu keghi kha wẹẹ, “Evbavba yabọ iran rhunmwuda iran ma rẹn emwi ne iran ru.” Iran keghi yan uta ye ukpọn rẹn, iran na gha ẹre ne egbe.

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Iyẹn ne ọ Maan Ọghe Jọn 7:48

Wa he họn ọkpa vbe uwu avbe olotu ra avbe Farisi ne ọ ya ẹe yi ra?

Iyẹn ne ọ Maan Ọghe Jọn 8:19

Iran nọ rẹn wẹẹ, “De ehe ne erhaa ye yi?” Jesu wanniẹn wẹ, “Wa ma rẹn mwẹ amawẹ Erha mwẹ. Akpawẹ te uwa rẹn mwẹ, wa gha vbe rẹn Erha mwẹ.”

Iwinna 13:27

Rhunmwuda, iran ni rre Jerusalẹm kevbe avbe ọkaolotu iran, ma rẹn wẹ rẹn ọrọre ọmiọnmwafan, vberriọ, ẹmwẹ avbe akhasẹ ne a tie vbe Ẹdẹ Ikẹtin hia ma gie iran rẹn otọ ẹre. Levba Sevba, iran keghi gie ẹmwẹ avbe akhasẹ nii sẹ vbe ne iran na bu abe uwu gbe Jesu.

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

I Kọrinti 1:20

De ehe ne avbe umẹwaẹn ghi ye vbọ khekherriọ ra iran ni rẹn emwi? Ra iran ni guara muan ẹmwẹ vbe agbọn na. Osanobua rhie maa nẹ ighẹ ẹwaẹn agbọn na, ukọnmwẹ nọ.

I Kọrinti 2:6

Vbene ọ rhirhi gha ye hẹẹ, I vbe ye ẹmwẹ ne ọ dinmwi gu iran ni dido nẹ vbe ẹmwẹ emwi ni re ọghe orhiọn guan. Sokpan ẹ i re ẹwaẹn ẹmwẹ agbọn na, ra ọghe avbe ẹtin ni rre ọdakha vbe agbọn na, avbe ẹtin iran ra fafaa.

II Kọrinti 3:14

Vbe ẹmwata, te a rhie emwi rhu iran ekhọe, ye do sẹ ẹdẹ nẹ rẹ na, te a ye rhie ukpọn nii rhu iran ekhọe vbe iran a gha tie ehe ile nẹdẹ. Ọmwa gha ghi ya egbe ba Kristi nẹ ọkpa, ọre a ghi na rhie ukpọn nii hin rre.

Ẹfisọs 1:17

I keghi vbe rinmwian Osanobua ọghe Nọyaẹnmwa Jesu Kristi, Erha Nọ mwẹ uyi, ne ọ rhie nene Orhiọn ne uwa, ne ọ gha ya uwa gha wan, ọ ghi vbe rhie Osanobua ma uwa, ne uwa miẹn ehe na rẹn ọnrẹn.

Ẹfisọs 4:18

Ekhọe iran keghi vbe rre uwu ebiebi. Iran i mwẹ oghae vbe ẹdẹ agbọn ne Osanobua ya ru ọmwa ẹse, rhunmwuda iran ma zẹdẹ rẹn ne a ye, iran keghi vbe ze vbe udu.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

Jems 2:1

Etẹn mwẹ, vbe ẹdẹ agbọn uwa zẹ vbe emwa ni ya Nọyaẹnmwa Jesu Kristi yi, ọmwa ne ọre Nọyan uyi, wa ghẹ gha ya okpan ughughan mwa ne emwa, rhunmwuda vbene iran ye vbe ikinnegbe.