I Kọrinti 2:5 - Edo Bible (E Baibol Ẹdo) Version 1996

⁵ Rhunmwuda ọnii, ẹ i re ẹwaẹn ọmwa ne agbọn ọre iyayi uwa rhunmwuda ẹre mudia, vbe ẹ i re ẹtin ọghe Osanobua.

I Kọrinti 2:5 ပူးပေါင်းရင်းမြစ်များ

Iwinna 16:14

Ọkpa vbe uwu iran ni họn ẹmwẹ ima keghi re Lidia ne ovbi Tiatira, ukpọn ododo ọre ọ khiẹn. Rẹn keghi re okhuo ne ọ ga Osanobua, Nọyaẹnmwa keghi rhie ẹre ekhọe yọ ne ọ danmwehọ ẹmwẹ ne Pọl ta.

I Kọrinti 1:17

Kristi ma gie mwẹ ne I do gha sa amẹ ne emwa. Iyẹn Ne ọ maa ọre ọ wẹ ne I do kpe orhu ẹre, vbe ne a i na vbe ya aguẹmwẹ ẹwaẹn emwa ne agbọn tae, rhunmwuda emwi vberriọ gha ya uwu ne Kristi wu vbe uhunmwu ugbugbe khian nẹ i ghi mwẹ ẹtin hiehiere.

I Kọrinti 3:6

Me kọ emwiokọ, Apọlọs keghi gbe amẹ khakhae. Sokpan Osanobua ọre ọ ru ẹe ne ọ na zọọ.

II Kọrinti 12:9

Ewanniẹn ne ọ rhie mẹ ọrọre wẹ, “Ẹsọhẹ mwẹ ọkpa ọrọre emwi ne ọ khẹ ke ne u gha mwẹ, rhunmwuda ẹghẹ ne uwẹ ma na wo vbe egbe, ọre ẹtin imẹ na wo vbe egbe sẹ.” Rhunmwuda ọnii, te ọyẹnmwẹ ghi sẹ mwẹ ne I gha ye a ma wo vbe egbe rhuọ, ne I miẹn ehe na gha họn ẹmwẹ ifuẹn ne ẹtin Kristi tan gue mwẹ.

II Kọrinti 4:7

Sevba, ma ni mwẹ emwi ighobioye orhiọn na, te ima yevbe akhe kẹkan ne a ya obuẹ ma, ne a miẹn ehe na rhie ma wẹ, ẹtin ne ọ sẹ ehia, ọghe Osanobua nọ, ighẹ ẹ i re ọghe ọmwa.

II Kọrinti 6:7

Vbe ekpa ikpe orhu ẹmwata, vbe ekpa ẹtin Osanobua. Uyinmwẹ ẹmwata ọrọre emwi gbinna ne a ya gu emwa gbinna, kevbe ne a ya sinmwi egbe mwa.