I Kọrinti 2:1 - Edo Bible (E Baibol Ẹdo) Version 1996

¹ Etẹn mwẹ, ẹghẹ ne I na bu uwa gha dee do kpe orhu oro ẹmwata Osanobua ma uwa, I ma ta ẹre ọghe iguẹsẹ ra okpọta ne a fian.

I Kọrinti 2:1 ပူးပေါင်းရင်းမြစ်များ

Ẹksọdọs 4:10

Sokpan, e Mosis keghi tama Nọyaẹnmwa wẹẹ, “Lahọ ghẹ gie mwẹ, Nọyaẹnmwa, mẹ ma he guara guan vbe ẹbu ẹdẹ, kevbe ne u vbe ya suẹn gha gu mwẹ guan gha dee, I ma he vbe ye guẹ, Nọyaẹnmwa. I i gua ra guan, te I ta ẹe lọkọlọkọ, I ghi vbe gha ba ẹmwẹ.”

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Iwinna 22:18

Vbe uwu ẹre, I keghi bẹghe Nọyaẹnmwa ne ọ tama mwẹ wẹẹ, ‘Zẹgiẹ kpao hin Jerusalẹm rre rhunmwuda iran ni rre emwa i ra rhan obọ miẹn osẹe ne u gha sẹ mẹ.’

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

Ebe ne Pọl gbẹẹn gie emwa Rom 16:25

Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

I Kọrinti 1:17

Kristi ma gie mwẹ ne I do gha sa amẹ ne emwa. Iyẹn Ne ọ maa ọre ọ wẹ ne I do kpe orhu ẹre, vbe ne a i na vbe ya aguẹmwẹ ẹwaẹn emwa ne agbọn tae, rhunmwuda emwi vberriọ gha ya uwu ne Kristi wu vbe uhunmwu ugbugbe khian nẹ i ghi mwẹ ẹtin hiehiere.

I Kọrinti 1:6

Ikpẹ orhu ẹmwẹ Kristi wa gbinna nẹ vbe uwu uwa sẹrriọ.

I Kọrinti 2:13

Rhunmwuda ọnii, ẹ i re ẹmwẹ ẹwaẹn ne agbọn na ma emwa ẹre ọre ima ya guan, vbe ima a gha rhan otọ ẹmwata orhiọn ma iran ni mwẹ nene Orhiọn Ne Ọ Huranrẹn.

I Kọrinti 2:4

Ikpẹ orhu mwẹ kevbe ẹmwẹ ne I ta ẹe, I ma ya ẹmwẹ umẹwaẹn ne ọ guẹ ẹmwẹ ta ẹe, vbe ẹ i re ẹmwẹ ne ọ mu ọmwa ekhọe ọghe ẹtin Orhiọn Osanobua.

I Kọrinti 2:7

Ẹmwẹ ẹwaẹn ne I guan keghi re ẹmwẹ oro ẹwaẹn Osanobua, ne a rhie lẹre ne emwa ne agbọn, ne Osanobua mwamwaẹn, ne ọ ya mu uyi ye ima egbe, uhin vbe a te do yi agbọn na.

II Kọrinti 10:10

Emwa eso gha kha wẹẹ, “Ebe ne Pọl gbẹnnẹ khua, ọ keghi vbe wo vbe egbe, sokpan ọ gha gu ọmwa mudia, ọ ghi ye vburriẹ, ẹmwẹ ọnrẹn i vbe gbe emwi.”

II Kọrinti 11:6

Ọ gha kẹe, I ma he guẹ ẹmwẹ ne a guan, sokpan, ẹ i yerriọ vbe ọghe irẹnmwi, ma wa rhie ọna ma uwa nẹ vbe ẹghẹ hia kevbe ihe hia.

II Tẹsalonaika 1:10

Ẹdẹ ne ọ gha rre nii, ne ọ do rhan obọ miẹn uyi vbe obọ emwa rẹn, kevbe ọghọ vbe obọ iran ni yayi, wa tobọ uwa gha vbe gha rre evba, rhunmwuda, wa ya ikporhu ne ima kpe ma uwa yi.

I Timoti 1:11

Ọnii nọ wẹ, iruẹmwi ne ọ rre uwu Iyẹn Ne ọ maa ne a mu yọ mwẹ obọ ne I gha kpe orhu ẹre khian, Iyẹn Ne ọ maa nii ne ọ ke obọ Osanobua ne ọ mwẹ uyi kevbe ne a fiangbe rre.

II Timoti 1:8

Rhunmwuda ọnii, ghẹ gie ekhue ẹmwẹ Nọyaẹnmwa ne a ta mu uẹn, erriọ, ghẹ vbe gie ekhue imẹ ne oleghan rẹn mu uẹn, sokpan vbe ghae vbe uwu oya ne a re ba ẹmwẹ nene Iyẹn Ne ọ maa zẹ vbene Osanobua rhie ẹtin nuẹn sẹ ya rriọe.

I Jọn 4:14

Ma miẹn ọẹn nẹ, ma keghi vbe tama emwa ọvbehe wẹ, Evbavba gie Ovbi ẹre gha dee ne ọ do gha re Ọmiọnmwafan agbọn.

Arhie Maan 1:2

Jọn vbe ta emwi ne ọ miẹn hia ladian nẹ. Iyẹn ne ọ naẹn vbe ekpa uhunmwu ne Osanobua gie rre ọre ọ na khin, ke ẹe kevbe emwi ne Jesu Kristi rhie ladian ne ọ miẹn.

Arhie Maan 1:9

Mẹ ọrọre Jọn ne ọtẹn uwa ne okpia, ọmwa ne ọ kugbe ba Kristi, ọ na vbe gu uwa gha ghae vbe uwu oya uwa kevbe Arriọba ẹre, kevbe uwu iziengbe. Iran keghi ya mu mwẹ fi otọe ne amẹ lẹga ne a tie ẹre Patmọs, rhunmwuda ighẹ I ta ẹmwẹ Osanobua kevbe ẹmwata ne Jesu rhie ladian ne a miẹn.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.