I Kọrinti 15:3 - Edo Bible (E Baibol Ẹdo) Version 1996

³ Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.

I Kọrinti 15:3 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Ezikiẹl 3:17

“Ovbi ọmwa, I ra ya a ru abodẹ ne Izrẹl. U ghi tama iran emwi ne I ya bu iran ude khẹ ọ dee.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Matiu 26:24

Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Iyẹn ne ọ Maan Ọghe Luk 24:25

Jesu wanniẹn tama iran wẹẹ, “A miẹn vbe uwa kọn hẹẹ! A miẹn vbe ọ kpẹ uwa obọ hẹẹ ne uwa ya ẹmwẹ ne avbe akhasẹ tae yi!

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iwinna 17:2

Zẹ vbene ọ wa ru ẹe, Pọl kegha rrie nene Ọgua ediọn. Ẹdẹ Ikẹtin eha ọre ọ ya gu emwa gha muan ẹmwẹ ke uwu Ebe rre vbe evba.

Iwinna 3:18

Ọ kpẹre ẹsẹse ne Osanobua ghi la unu avbe akhasẹ ta ẹe ye otọ wẹ, te Mẹzaia gha rri oya, vbene ọ ghi ya mu ẹmwẹ ni sẹ ọre ọ na khin.

Iwinna 8:32

Ehe ne ọ gha tie vbe ebe ọre ọna khin: “Rẹn yevbe ohuan ne a mu ne a ra ya gbe ua, rẹn yevbe ovbiohuan ne ọ ma tu vbe a giagia re eto. Ọ ma ta ẹmwẹ ọkpa.

Ebe ne Pọl gbẹẹn gie emwa Rom 3:25

Te Osanobua yae ru ọmwa ẹse wẹ rhunmwuda uwu ẹre, ne irẹn do khian emwi ne a la ekpa ẹre ya orukhọ bọ emwa vbe iran a ya ẹe yi. Te Osanobua ye Kristi ru ẹse ne ọ ya ma emwa ẹre vbene irẹn ya ye emwa khian emwata vbe odaro ẹre hẹ. Vbe ẹghẹ ne ọ gberra, Osanobua keghi ziengbe, ọ ma vbe zẹ ye orukhọ ne emwa ne agbọn ru.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

I Kọrinti 11:2

I tian uwa rhunmwuda ne uwa na ye mwẹ rre vbe ẹghẹ hia, ne uwa na vbe ru vbene I ma uwa ẹre.

I Kọrinti 11:23

Rhunmwuda, obọ Nọyaẹnmwa ọre I na miẹn emwi ne I ma uwa re, wẹ, Nọyaẹnmwa Jesu, vbe asọn ne a rhie ẹre maa, ọ rhie ebrẹd.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Galatia 1:12

Ẹ i re obọ ọmwa rhọkpa ọre ọ ke rre, ọmwa rhọkpa ma vbe ma mwẹ ẹre, sokpan Jesu Kristi tobọ ẹre ọre ọ rhie ẹre ma mwẹ.

Galatia 1:4

Ne ọ miẹn ehe na fan ima vbe obọ orre dan na, Kristi keghi ye egbe ẹre miẹn orukhọ mwa, zẹ vbe iho ọghe Osanobua kevbe Erha mwa.

Galatia 3:13

Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Hibru 5:1

Ogie Ohẹn ke ogie ohẹn, ọkpa vbe uwu emwa nii, ọre a na zẹ ọe ne ọ do gha ga Osanobua ne iran hia. Rẹn ghi gha yo imuohan, ọ ghi vbe gha zọ ese ye orukhọ.

Hibru 5:3

Kevbe rhunmwuda ighẹ ọ ma vbe khia ne irẹn fo, ọ ghi gha zọ ese, ẹ i ghi re ọghe orukhọ avbe emwa nii ọkpa, sokpan kevbe ọghe irẹn tobọ ẹre.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.