I Kọrinti 13:3 - Edo Bible (E Baibol Ẹdo) Version 1996

³ Ọ gha khọn rẹn ne I ya emwi ne I mwẹ hia ru ẹse, uhin ya sẹ egbe ikinnegbe mwẹ ne aregbe, wẹ ne a giẹn uan vbe erhẹn, a deghẹ mẹ i mwẹ aho ẹmwẹ ọmwa, ere ọkpa ẹ i rrọọ mẹ.

I Kọrinti 13:3 ပူးပေါင်းရင်းမြစ်များ

Aizaia 57:12

Wa ro wẹ emwi ne uwa ru gbae, sokpan, I gha vẹ uwa uhe ua, avbe ẹbọ uwa i ra vbe sẹtin ru iyobọ ne uwa.

Jerimaia 7:8

Ghe, ẹmwẹ erẹrẹ ọ re uwa mu ẹtin yan.

Matiu 23:5

Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Iyẹn ne ọ Maan Ọghe Luk 18:22

Jesu ghi họn ẹmwẹ na, ọ tama rẹn wẹẹ, “Emwi ọkpa ọre ọ ghi kẹe nuẹn, ya khiẹn emwi ruẹn hia, viọ igho ẹre ne avbe ivbiogue, u gha mwẹ ẹfe vbe ẹrinmwi, u ghi gha dee ne u do gha lele mwẹ khian.”

Iyẹn ne ọ Maan Ọghe Luk 18:28

Pita wanniẹn tama rẹn wẹẹ, “Ghe, ma sẹ owa rae, ma lele uẹ khian.”

Iyẹn ne ọ Maan Ọghe Luk 19:8

Zakiọs keghi guakpao, ọ wẹẹ, “Danmwehọ mwẹ enọwanrẹn, I gha waa emwi ne I mwẹ ye ihe eva nẹ, I gha viọ obọkpa ne avbe ivbiogue. Adeghẹ I vbe gbe ọmwaikọmwa rhu, I gha ha ẹre werriegbe nẹẹn ukhukhu enẹ.”

Iyẹn ne ọ Maan Ọghe Jọn 12:43

Rhunmwuda utianmwẹ emwa ne agbọn ọre ọ yẹ iran sẹ utianmwẹ Osanobua.

Iyẹn ne ọ Maan Ọghe Jọn 13:37

Pita wanniẹn wẹ, “Nọyaẹnmwa, vbọzẹ ne I i ra na he sẹtin rre banbanna? Mẹ mu egbe ne I gha ya ye uhunmwu ye ẹmwẹ ruẹn!”

Iyẹn ne ọ Maan Ọghe Jọn 15:13

Ahoẹmwọmwa ne ọ ghi kpọlọ sẹ, ne ọmwa gha sẹtin mwẹ ghe avbe esiọre ọrọre ne ọ wu ba ẹmwẹ iran.

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Iwinna 21:13

Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”

Galatia 5:26

Ọ ma kei ne ima gha tọn egbe mu ra ne a gha ho egbe ẹmwẹ ra ne oya egbe gha da egbe.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.