I Kọrinti 13:2 - Edo Bible (E Baibol Ẹdo) Version 1996

² Ọ gha khọn rẹn ne a ya we mwẹ wẹ I gha gu emwa guan, ọ ghi hin ehia uhunmwu, ọ gha khọn rẹn ne I rẹn emwi hia kevbe ne I rẹn otọ oro hia, ọ gha khọn rẹn ne I gha mwẹ iyayi hia ne ọ gha sẹ ọmwa ya vu oke mu fua, a deghẹ mẹ i mwẹ aho ẹmwẹ ọmwa, kẹkan ọre I khin.

I Kọrinti 13:2 ပူးပေါင်းရင်းမြစ်များ

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Matiu 17:20

Jesu wanniẹn iran ẹmwẹ wẹẹ, “Rhunmwuda ighe iyayi uwa ma sẹ. Deghẹ wa gele mwẹ iyayi ne ọ kpọlọ sẹ vbe ikpẹ itaba, wa gha sẹtin tama oke na wẹẹ, ‘Kpao vbe emwa gha rrie odọ.’ Ọ ghi gele kpao. A i miẹn emwi ne ẹ i gie uwa ru.

Matiu 21:19

Rẹn keghi bẹghe erhan ohọ ọkpa vbe ọkpẹn odẹ. Sokpan ọ ma miẹn emwi rhọkpa vbe uhunmwu ẹnrẹn gberra ebe. Rhunmwuda ọnii Jesu tama erhan ohọ nii wẹẹ, “U i ghi dọlegbe mọ ọvbehe.” Erhan ohọ ni keghi kaka ọwarọkpa nii.

Matiu 21:21

Jesu wanniẹn tama iran wẹẹ, “Ne I tama uwa, a deghẹ uwa yayi vbe ne a i na biro eva, wa gha sẹtin ru egbe emwi ne I ru erhan ohọ na re, vbe ẹmwata wa gha sẹtin khama oke wẹẹ, ‘Vbọ uhe ne u ya werriẹ fi uwu okun,’ ọ ghi gha ye erriọ.

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 15:14

Etẹn mwẹ, mẹ rẹnrẹn wẹ te emwi ni maa hia wa gba uwa obọ, kevbe wẹ wa rẹn emwi ẹsẹse, ighẹ wa gha sẹtin gha ma egbe uwa emwi.

Ebe ne Pọl gbẹẹn gie emwa Rom 16:25

Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

I Kọrinti 11:4

Rhunmwuda ọnii, okpia ne ọ na erhunmwu ra ne ọ kpe orhu Osanobua vbe uwu ẹbu ugamwẹ, ọ na rhie emwi gue uhunmwu ẹnrẹn, te ọ yagha e Kristi.

I Kọrinti 12:28

Rhunmwuda ọnii khekherriọ, te Osanobua rhie ihe edọmwadẹ ọghọe nẹẹn vbe uwu esọsi, okaro avbe ukọ, vbe ukpo ne ogieva, avbe akhasẹ, vbe ukpo ne ogieha avbe ọmamwaemwi, vbe iyeke ọnii, iran ni winna iwinna ọyunnuan, iran ne a rhie ẹtin ne a ya sinmwi ọmwa na ghi lele ẹe, ra iran ni ye emwa ọvbehe obọ, ra ne ọ dia iran ye odẹ, ra ne iran gha ye urhu ne a ma rẹn guan.

I Kọrinti 13:1

Ọ gha khọn rẹn ne I gua ra gha zẹ ẹvbo ne emwa ne agbọn zẹ kevbe ne avbe odibosa zẹ, a deghẹ mẹ i mwẹ aho ẹmwẹ ọmwa, ẹmwẹ ne unu mwẹ ma maa sẹ ẹgogo ne ọ kpe gbẹin ra ighẹnghẹn ne ọ tu gbanghanghanghan.

I Kọrinti 13:3

Ọ gha khọn rẹn ne I ya emwi ne I mwẹ hia ru ẹse, uhin ya sẹ egbe ikinnegbe mwẹ ne aregbe, wẹ ne a giẹn uan vbe erhẹn, a deghẹ mẹ i mwẹ aho ẹmwẹ ọmwa, ere ọkpa ẹ i rrọọ mẹ.

I Kọrinti 13:8

Aho ẹmwẹ ọmwa, etẹbitẹghori nọ, ẹmwẹ ne a guan ne ọ la ọmwa uhunmwu rrọọ, sokpan ẹghẹ kherhe ọre ọ ya vbe otọ. A vbe ya ẹmwẹ ne a guan we ọmwa sokpan, ọ gha vbe dobọ yi, irẹnmwi rrọọ sokpan, ọ gha ru ọghọe gberra.

I Kọrinti 14:29

Eva ra eha ne a rhie ẹmwẹ Osanobua nẹẹn ta, ghi gha guan, emwa nekpa ghi gha danmwehọ vbene ẹmwẹ ne iran ta ye hẹ.

I Kọrinti 14:39

Rhunmwuda ọnii nian wa ne etẹn mwẹ, wa rhie ekhọe ye ẹmwẹ ikporhu Osanobua, sokpan wa ghẹ gbe ukhu urhu na ma rẹn ne a ya guan rua.

I Kọrinti 14:4

Ọmwa ne ọ ye urhu ne a ma rẹn guan, egbe ẹre ọkpa ọre ọ ru iyobọ na, sokpan ọmwa ne ọ kpe orhu Osanobua ghi ru iyobọ ne esọsi hia.

I Kọrinti 15:51

Wa danmwehọ oro ọkpa: ma hia i ra wulo fo, sokpan, vbe udomwurri, a gha fi ima werriẹ.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

I Kọrinti 4:1

Wa ghi gha ghe ima zẹ vbe eguọmwadia Kristi ne a viọ ẹmwata ne ọ rre oro Osanobua nẹẹn hẹmwẹ.

I Kọrinti 7:19

Rhunmwuda, a rhuẹre ra a ma rhuẹ i mwẹ esa ne ọ khin, emwi ne a kha ọrọre ne a gha họn ẹmwẹ Osanobua.

I Kọrinti 8:4

Vbe ekpa ọghe wẹ deghẹ ọ kere ne a gha rri emwi ne a ya ru ẹbọ, ma rẹnrẹn wẹ, emwi ne ẹbọ mudia ye ihe ẹre keghi re emwi ne ẹ i zẹdẹ rrọọ hiehiere. Ma rẹnrẹn wẹ, Osanobua ọkpa kẹkan ọre ọ rrọọ.

II Kọrinti 12:11

Te I ghi ru emwi vbe akpa, sokpan wa ọre ọ si ẹe yọmwẹ egbe. Wa ọre ọ te kei ne ọ gha so igie ye ẹmwẹ ne egbe mwẹ. Rhunmwuda, gie a kha I gele zẹdẹ mwẹ esa ne I ye, emwi ne avbe “Ogiete” ukọ uwa ni ya sẹmwẹ ẹ i rrọ.

Galatia 5:16

Ẹmwẹ ne I ta ọna khin wẹ, wa gie Orhiọn Ne Ọ Huanrẹn gha dia ẹdẹ agbọn uwa ye odẹ, ne uwa ghẹ gha ru emwi ne ikinnegbe uwa rriarria yi.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Galatia 6:3

A deghẹ orhiọnkpa tie egbe ẹre ọmwa kpataki, ugbẹn vbe ẹ i mwẹ emwi ne ọ khin, egbe ẹre ọre ọ rẹrẹ.

Ẹfisọs 3:4

a deghẹ wa gha vbe tie emwi ne I gbẹn na, wa gha rẹn vbe ne I rẹn otọ oro Kristi sẹ hẹ.)

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Kọlose 1:26

Ọna ọrọre emwi oro ne ọ rhie lẹre ne agbọn ke ne ẹkpo i mwẹ arria gha dee, sokpan ọ keghi do wẹ rua ma emwa irẹn vbe ẹghẹ na nian.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

I Jọn 4:8

Ọmwaikọmwa ne ẹ i mwẹ aho ẹmwẹ ọmwa, ọ ma rẹn Osanobua rhunmwuda aho ẹmwẹ ọmwa ọre Osanobua khin.