I Kọrinti 11:2 - Edo Bible (E Baibol Ẹdo) Version 1996

² I tian uwa rhunmwuda ne uwa na ye mwẹ rre vbe ẹghẹ hia, ne uwa na vbe ru vbene I ma uwa ẹre.

I Kọrinti 11:2 ပူးပေါင်းရင်းမြစ်များ

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

I Kọrinti 11:17

Vbe igiodẹ ne I ra ru ne uwan na, I ma tian uwa hiehie, rhunmwuda esọsi ne uwa do i dọlọ emwi yi, te ọ rhia ua.

I Kọrinti 11:22

Wa i mwẹ owa obọ uwa ra, ehe ne uwa gha na gha re, ne uwa vbe gha daa? Ra te uwa zan esọsi Osanobua ne uwa vbe gha fa iran ne ẹ i mwẹ ruan? Vbe uwa we ne I gie uwa guan hẹ vbe emwi na yi? Ne I gha tian uwa ra? Hiehiere, I i zẹdẹ tian uwa.

I Kọrinti 15:2

Ọnii nọ wẹ iyẹn ne ọ maa, ẹmwẹ ne I kpe orhu ẹre ma uwa. Iyẹn Ne ọ maa na ọre a ya miẹn uwa fan, a deghẹ wa daeyi gbangbaangban, sokpan a ma gha kha ighẹ te uwa yayi kua kẹkan.

I Kọrinti 4:17

Rhunmwuda ọnii ọre I ra na gie Timoti bu uwa gha dee. Ọmọ ne ọ ghan kevbe ne ọ gie a mu ẹtin yan, ọre ọ khin mwẹ re vbe uwu Nọyaẹnmwa. Ọ gha ma uwa owẹ ne I vin ne I ru emwi lele vbe ẹdẹ agbọn mwẹ vbe uwu Kristi Jesu, ne I vbe ma emwa re vbe esọsi hia vbe ehe hia.

I Kọrinti 7:17

We ne dọmwadẹ ọghọe gha ru vbene Osanobua ya wẹẹ, kevbe zẹ vbene ọ ye vbe Osanobua tie ẹre. Emwi ne I ma emwa re vbe esọsi hia ọre ọnii khin.

I Tẹsalonaika 1:6

Wa keghi gha ghe ima kevbe Nọyaẹnmwa ru emwi, egbe ne a rhe ya miẹn ighẹ wa rri oya sẹ vberriọ, wa keghi ya oghọghọ ne ọ ke obọ Orhiọn Ne Ọ Huanrẹn rre miẹn rẹn.

I Tẹsalonaika 3:6

Banbanna nian, e Timoti ke ehe ne uwa ye rre do vba ima nẹ, ọ keghi vbe do na iyẹn esiesi ọghe iyayi kevbe aho ẹmwẹ ọmwa uwa. Ọ tama ima wẹ, ẹko ima wa ma uwa ẹghẹ hia, kevbe wẹ, vbene ima ho ne ima miẹn uwa, erriọ wa vbe ho ne uwa miẹn ima.

II Tẹsalonaika 2:15

Rhunmwuda ọnii nian etẹn mwẹ, wa mudia gbangbaangban, ne uwa gba ẹe mwẹ ighẹ avbe ẹmwata ne ima ye ikporhu mwa, kevbe ebe ne ima gbẹnnẹ, ma uwa ẹre.

II Tẹsalonaika 3:6

Ma ya eni Nọyaẹnmwa Jesu Kristi yi iyi ma uwa etẹn mwa, wa gha bi egbe ne avbe etẹn ni lo ẹdẹ iran hia ye oroho ne a si, iran ne ẹ i ya ẹmwẹ ne ima tama iran ru emwi.