I Kọrinti 1:1 - Edo Bible (E Baibol Ẹdo) Version 1996

¹ E Pọl ne a la ekpa iho Osanobua tie ne ọ do gha re Ukọ ọghe Jesu Kristi, kevbe Sọstenes, ọtẹn mwẹ ne okpia, ọre ọ gbẹn ebe na,

I Kọrinti 1:1 ပူးပေါင်းရင်းမြစ်များ

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Ẹfisọs 1:1

E Pọl, ọmwa ne ọ re ukọ Osanobua ne ọ winna ne Kristi Jesu vbe ekpa iho Osanobua, ọre ọ gbẹn ebe na gie emwa Osanobua ni rre Ẹfisọs, iran ni mudia ẹse vbe uwu ẹdẹ agbọn iran vbe uwu Kristi Jesu.

II Kọrinti 1:1

E Pọl ne ukọ vbene Osanobua ho ẹre yi, kevbe ọtẹn mwa ighẹ Timoti, ọre ọ gbẹn ebe na, gie esọsi Osanobua ne ọ rre Kọrinti kevbe emwa Osanobua hia ni rre Gris.

Kọlose 1:1

E Pọl, ọmwa ne ọre ukọ ọghe Kristi vbe ekpa iho ọghe Osanobua, kevbe Timoti, ọre ọ gbẹn ebe na.

Iwinna 18:17

Iran keghi de obọ mu Sọstenes ne ọka Ọgua ediọn iran keghi gbe ẹe vbe odaro iko. Sokpan Galio ma zẹdẹ zẹ yọ.

II Timoti 1:1

E Pọl ne ukọ Kristi Jesu vbe ekpa iho ọghe Osanobua, ọmwa ne a gie ne ọ ya kpe orhu arrọọ ne a ve ima re, ne ima mwẹ vbe uwu a ya egbe ba Kristi Jesu.

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

I Timoti 1:1

E Pọl ọmwa ne ọre ukọ Kristi Jesu, la ekpa iyi Osanobua ne Ọmiọnmwafan mwa, kevbe Kristi Jesu ne ọre idaehọ mwa, ọre ọ gbẹn ebe na.

Ẹfisọs 4:11

Rọẹn nii ọre ọ ya emwi ne emwa, ọ keghi zẹ eso ne iran gha re ukọ, eso, akhasẹ, eso iran ni kpe orhu iyẹn ne ọ maa, eso avbe ohẹn, kevbe avbe ọmamwaemwi.

Galatia 1:1

E Pọl, ọmwa ne a miẹn wẹ, ẹ i re obọ ọmwa ọre ọ ke rre, ẹ i re ọmwa ọre a gie vbe a tie ẹre ne ọ do gha re ukọ, vbe ẹ i re Jesu Kristi kevbe Osanobua ne Evbavba, ne ọ huẹn ọnrẹn kpaegbe vbe idin, ọre ọ gbẹn ebe na rre.

Iwinna 22:21

Nọyaẹnmwa keghi tama mwẹ wẹ, ‘Gha khian, rhunmwuda mẹ gha gie uwẹ gha rrie odẹ ne ọ rrei, bu avbe iran ne ẹ i re Ju.’ ”

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

II Kọrinti 12:12

Avbe emwi ni rhie maa ighẹ ukọ ọre I khin, i ziengbe ọre a ya winnaẹn vbe uwu ẹbu uwa avbe ama ọyunnuan kevbe iwinna ọyunnuan.

II Kọrinti 11:5

Mẹ ma yayi wẹ odẹ ọkpa rrọ ne imẹ ma ya vba avbe “Ogiete Ukọ” ọghe uwa nii.

I Kọrinti 15:9

Rhunmwuda mẹ ọre ọ ghi re ne ọ kanmwa sẹ vbe uwu avbe ukọ hia, sẹrriọ wẹẹ, ọ ma te khẹke ne a gha tie mwẹ ukọ, rhunmwuda, te imẹ gha zẹ esọsi Osanobua kpokpo.

I Kọrinti 3:9

Rhunmwuda otu ne ima gba winna ne Osanobua ma khin. Wa ọrọre ugbo Osanobua. Owa ne Osanobua bọ ẹe ọre uwa khin.

Ebe ne Pọl gbẹẹn gie emwa Rom 1:5

Obọ ẹre ọre Osanobua la ru mwẹ ẹse wẹ ne I gha re Ukọ Osanobua vbekpa Kristi, ne I sẹtin ye emwa hia ni rre uhunmwu ẹvbo hia yayi kevbe ne iran vbe gha họn ẹmwẹ.

Iwinna 1:2

Ya sẹ ẹdẹ ne a tọn ẹn mu gha rrie odukhunmwu, ọ keghi ya ẹtin Orhiọn Ne Ọ Huanrẹn yi iyi ne avbe emwa ne irẹn hannọ zẹ ya ru ukọ ẹre.

Iyẹn ne ọ Maan Ọghe Jọn 20:21

Jesu keghi vbe dọlegbe tama iran wẹẹ, “Ọfumwegbe gu uwa rrọọ. zẹ vbene Evbavba gie mwẹ, erriọ mẹ vbe gie uwa.”

Iyẹn ne ọ Maan Ọghe Luk 6:13

Ẹdẹ ghi gbe, ọ keghi tie avbe erhuanegbe ẹre rrie egbe, ọ keghi zẹ iweva vbọ, ọ na tie iran na avbe ukọ.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Ebe ne Pọl gbẹẹn gie emwa Rom 1:10

I na erhunmwu ghe Osanobua wẹ, vbe iho ne ọ maa ọghọe, ne ọ mwẹ uhunmwu mẹ ẹghẹ na ighẹ otuẹ ne I ra do tuẹ uwa re.

II Kọrinti 8:5

Ọ keghi gberra vbene ima te rhie aro yi! Okaro, iran rhie egbe iran ne Nọyaẹnmwa, vbe iyeke ọnii, vbe ekpa iho Osanobua, iran keghi vbe do rhie egbe iran ne ima ba ẹre.