I Jọn 5:19 - Edo Bible (E Baibol Ẹdo) Version 1996

¹⁹ Ma rẹnrẹn wẹ ọghe Osanobua ma khin kevbe wẹ Ọmwa Dan ni ọre ọ kha yan agbọn na hia.

I Jọn 5:19 ပူးပေါင်းရင်းမြစ်များ

Iyẹn ne ọ Maan Ọghe Luk 4:6

Esu Tama rẹn wẹẹ, “A viọ ena hia mẹ nẹ, mẹ sẹtin vbe viọ iran ne ọmwa ne ọ yẹ mwẹ, Mẹ gha viọ ẹfe kevbe ẹtin na hia nuẹn.

Iyẹn ne ọ Maan Ọghe Jọn 12:31

Eban ọre ọse ẹghẹ ne a gha ya bu ohiẹn agbọn na nian, eban nian, a ra ya ọre owẹ ye otọ ighe nọkhaemwisẹ yan agbọn na.

Iyẹn ne ọ Maan Ọghe Jọn 14:30

Mẹ i ra ghi gu uwa guan kpẹe sẹ ọna, rhunmwuda, ne ọ kha yan agbọn na dee.

Iyẹn ne ọ Maan Ọghe Jọn 16:11

Vbekpa ọghe ibuohiẹn, rhunmwuda a bu ohiẹn ne ọ khaemwisẹ yan agbọn na nẹ.

Iyẹn ne ọ Maan Ọghe Jọn 17:15

I ma wẹ ne u viọ iran hin agbọn na rre, sokpan ne u viọ iran lẹre ne Ọmwa dan nii.

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

II Kọrinti 5:1

Rhunmwuda, ma rẹnrẹn wẹ, okhogbo ne ima ye na ọnii ọre egbe ne ima mwẹ vbe agbọn na — a gha sin ẹnrẹn kua nẹ, Osanobua gha rhie owa ne ima gha ye vbe ẹrinmwi, ne irẹn tobọ ẹre bọe, owa ne ọ gha rrọọ rhinrin ẹdẹdẹmwẹdẹ.

Galatia 1:4

Ne ọ miẹn ehe na fan ima vbe obọ orre dan na, Kristi keghi ye egbe ẹre miẹn orukhọ mwa, zẹ vbe iho ọghe Osanobua kevbe Erha mwa.

Ẹfisọs 2:2

Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

I Jọn 3:14

Ma rẹnrẹn wẹ, ma lẹ uwu fe nẹ, ma keghi la uwu ẹfe. Ma rẹn ọna ye vberriọ rhunmwuda, ma ho ẹmwẹ etẹn mwa. Ọmwaikọmwa ne ẹ i mwẹ aho ẹmwẹ ọmwa, uwu uwu ọre ọ ye ye.

I Jọn 3:24

Ọmwa ne ọ rhirhi ye ẹmwẹ Osanobua ru emwi, Osanobua rre uwu irẹn, rẹn vbe rre uwu Osanobua, vbene ima ya rẹn ighẹ Osanobua rre uwu ima ọre ọre ọna khin: ma rẹnrẹn rhunmwuda Orhiọn ne ọ rhie ne ima.

I Jọn 5:10

Rhunmwuda ọnii, ọmwaikọmwa ne ọ ya Ovbi Osanobua yi, mwẹ osẹe na vbe uwu ekhọe ẹre. Sokpan ọmwaikọmwa ne ọ ma ya Osanobua yi, ya ẹe khian ọhọn ohoghe nẹ, rhunmwuda osẹe ne Osanobua sẹe vbe ekpa Ovbi ẹre ọ ma yae yi.

I Jọn 5:13

I gbẹn ebe na gie uwa ne uwa miẹn ehe na rẹn ighẹ uwa mwẹ ẹfe ne ẹ i fo, wa ni ya eni Ovbi Osanobua yi.

I Jọn 5:15

Ẹghẹikẹghẹ ne ima ya nọ rẹn emwi, ọ wa họn, ugbẹn vbe ima ghi rẹn nẹ wẹ, ẹmwata ọ na khin, ma rẹnrẹn wẹ emwi ne ima nọ rẹn ọre ọ rhie ne ima.

I Jọn 5:18

Ma rẹnrẹn wẹ ovbi Osanobua ne ọ gha wa gha ru orukhọ khian, ẹ i rrọọ, rhunmwuda, Ovbi Osanobua ọre ọ rhie ẹre mwẹ vbe ne a i na mwẹ ẹbe. Ọmwa Dan ni, i sẹtin kuan rẹn.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 20:3

Nene odibosa keghi fi ẹe fi uwu uvun ne ẹ i mwẹ otọ nii, ọ keghi ya isanhẹn khui ẹre, ọ keghi khiọ ẹre gbua, ne ọ ghẹ ghi sẹtin mu agbọn rẹrẹ ọvbehe, ọ te ya sẹ ukpo arriaisẹn nii, vbe iyeke ọnii, a ghi vbe fan ẹn fua vbe ẹghẹ kherhe.