I Jọn 5:16 - Edo Bible (E Baibol Ẹdo) Version 1996

¹⁶ A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.

I Jọn 5:16 ပူးပေါင်းရင်းမြစ်များ

Gẹnẹsis 20:17

Nọyaẹnmwa keghi ruẹe ne okhuoikokhuo ghe miẹn ọmọ biẹ vbe owa Abimẹlẹk rhunmwuda emwi ne ọ sunu vbe egbe Sera ne amwẹ Ebraham. Ebraham keghi na erhunmwu ne Abimẹlẹk, Osanobua keghi mu ẹre egbe rran. Ọ kevbe mu amwẹ ọnrẹn ke avbe eviẹn ọnrẹn nikhuo ne iran sẹtin gha biẹlẹ.

Gẹnẹsis 20:7

Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Jerimaia 11:14

E Jerusalẹm i ghi na erhunmwu ghe mwẹ ra ne iran vbe rinmwian mwẹ ne emwa nii ọvbehe. Iran gha rre uwu ibaro, iran na tu bu mwẹ rre do nọ iyobọ, I i zẹ ye iran ẹre.”

Jerimaia 14:11

E Nọyaẹnmwa keghi tama mwẹ wẹẹ, “Ghẹ tama mwẹ ne I ye emwa na obọ.

Jerimaia 7:16

E Nọyaẹnmwa keghi kha wẹẹ, “Jerimaia, ghẹ na erhunmwu ne iran na, ghẹ viẹ ra ne u na erhunmwu ne iran, ghẹ rinmwian mwẹ rhunmwuda, mẹ i ra zẹ ye uẹ ẹre.

Ezikiẹl 22:30

I gualọ ọmwa ne ọ gha sẹtin gbe ekẹn, iran ni gha sẹtin mudia ye ehe ne ekẹn na de, ne ọ gbinna ne ẹvbo nii vbe ohu mwẹ a ra fuẹn ọnrẹn uan sokpan, I ma miẹn ọmwa rhọkpa Rhunmwuda ọnii, I hihiẹ ohu mwẹ yan iran,

Nọmbas 12:13

Ẹre Mosis na datu tie Nọyaẹnmwa wẹẹ, “Osanobua, mu ẹre egbe rran.”

Nọmbas 15:30

Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Iyẹn ne ọ Maan Ọghe Luk 12:10

“Ọmwaikọmwa ne ọ ye ukpẹ sakan Ovbi Ọmwa, a gha ya bọe, sokpan ọmwa ne ọ rhirhi ya ukpẹ sakan Orhiọn Ne ọ huanrẹn, a i ra ya bọe.

Iyẹn ne ọ Maan Ọghe Jọn 17:9

“Te I mẹ ghi na erhunmwu ne iran nian, I ma na erhunmwu ne agbọn, iran ne u viọ mẹ ọkpa ọre I na erhunmwu na rhunmwuda ọghuẹ iran khin.

II Timoti 4:14

Emwi ne ọ ru mwẹ re ima ighẹ Alẹkzanda ne ogun ẹrọnmwọ. E Nọyaẹnmwa gha vbe ha ẹre osa emwi ne ọ ru.

I Jọn 5:17

Emwi ne a baku ru hia, orukhọ iran hia khin, sokpan orukhọ ne ẹ i si uwu rrọọ.

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”

I Samuẹl 2:25

Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.