I Jọn 5:10 - Edo Bible (E Baibol Ẹdo) Version 1996

¹⁰ Rhunmwuda ọnii, ọmwaikọmwa ne ọ ya Ovbi Osanobua yi, mwẹ osẹe na vbe uwu ekhọe ẹre. Sokpan ọmwaikọmwa ne ọ ma ya Osanobua yi, ya ẹe khian ọhọn ohoghe nẹ, rhunmwuda osẹe ne Osanobua sẹe vbe ekpa Ovbi ẹre ọ ma yae yi.

I Jọn 5:10 ပူးပေါင်းရင်းမြစ်များ

Job 24:25

De ọmwa ne ọ gha sẹtin kha yi ighe ẹ i re erriọ ọ na gele ye? Ọmwa rhọkpa gha sẹtin rhie maa ra wẹ, ẹmwẹ ne I ta ẹe i re ẹmwata?”

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Itan 3:32

rhunmwuda, e Nọyaẹnmwa khuiwu iran ni ru emwi dan, sokpan, ọ mu iro ma emwa ẹmwata.

Aizaia 53:1

Emwa ni keghi wanniẹn wẹẹ, “De ọmwa ne ọ gha te ya iyẹn ne ima naẹn na yi yi? De ọmwa ne ọ gha te miẹn obọ e Nọyaẹnmwa vbe emwi na.

Jerimaia 15:18

De emwi ne I rrioya khian ba? Vbọzẹ ne ẹwẹn mwẹ i na mwẹ ukhunmwu? Vbọzẹ ne iran i na rrie? Te uwẹ ho ne u hiẹ mwẹ ra zẹ vbe ẹzẹ ne ọ kae vbe ẹghẹ uyunmwu?”

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Iyẹn ne ọ Maan Ọghe Jọn 3:18

Ọmwaikọmwa ne ọ ya ọmọ yi, a i ghi bu ohiẹn ọnrẹn sokpan ọmwaikọmwa ne ọ ma ya ẹe yi, a bu ohiẹn ọnrẹn nẹ rhunmwuda ọ ma ya ukpọmọkpa ọghe Osanobua yi.

Iyẹn ne ọ Maan Ọghe Jọn 3:33

Ọmwaikọmwa ne ọ rhirhi ya ẹmwẹ ọnrẹn yi gha la evba rhie ma ighe ẹmwata ọre Osanobua khin.

Iyẹn ne ọ Maan Ọghe Jọn 5:38

Rhunmwuda ọnii ẹmwẹ ọnrẹn i vbe rre uwu uwa, rhunmwuda wa i ra ya ọmwa ne irẹn gie yi.

Iwinna 8:37

Filip khama rẹn wẹẹ, “A sẹtin sa amẹ nuẹ a deghẹ u ya ekhọe ruẹ hia yayi?” Rẹn wanniẹn wẹ, “I yayi, I yayi ghe Ovbi Osanobua ọre Jesu Kristi khin.”]

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Galatia 4:1

Ne a ye tae khianmwu, ọmwa ne ọ ra yan owa erha ẹe, ọ gha rre ọvbokhan, obọ ne a ya mu ọviẹn ọre a vbe ya mu ẹn, a gha rhe miẹn ighẹ rẹn ọre ọ yan emwi hia.

Galatia 4:6

Ne ọ miẹn ehe na rhie maa ighẹ ivbi irẹn wa khin, Osanobua keghi gie Orhiọn Ovbi ẹre ye uwu ekhọe mwa, Orhiọn ne ọ datu wẹẹ, “Evbavba ne Evbavba.”

Kọlose 3:3

Rhunmwuda, wa wulo nẹ, a keghi vbe rhie arrọọ ọwua lẹre ba Kristi vbe uwu Osanobua.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.

I Jọn 1:10

Ma gha kha ighẹ ma ma ru orukhọ, ma ye Osanobua mwa khian ọhọn ohoghe, ẹmwẹ ọnrẹn i vbe re uwu ima.

I Jọn 5:1

Ọmwaikọmwa ne ọ yayi ighẹ Jesu ọrọre nene Mẹzaia, ovbi Osanobua nọ, ọmwa ne ọ hoẹmwẹ erha ne ọ biẹ ọmọ, te ọ vbe hoẹmwẹ ovbi ẹre ba ẹre.

Arhie Maan 12:17

Ẹghẹ nii ọre ohu okhuo ni na kakabọ mu Ugbogiorinmwi nii, ọ keghi ladian ya gha gu avbe uniẹn ọnrẹn ni dekẹe gbinna, avbe emwa hia ni ya uhi Osanobua ru emwi, iran keghi vbe rhie egbe mu avbe ẹmwata ne Kristi ta ladian.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.