I Jọn 4:9 - Edo Bible (E Baibol Ẹdo) Version 1996

⁹ Vbenian ọre Osanobua ya rhie ma vbene irẹn ho ẹmwẹ mwa hẹ: ọ keghi gie Ovbi ẹre ukpọmọkpa gha die agbọn ne ima sẹtin la ekpa ẹre gha mwẹ arrọọ.

I Jọn 4:9 ပူးပေါင်းရင်းမြစ်များ

Gẹnẹsis 22:2

Osanobua keghi kha wẹẹ, “Rhie ovbuẹ, ovbuẹ ne ukpọmọkpa ighẹ Aizik ne u ho ẹmwẹ ọnrẹn, ne u gha rrie otọ Moraia. U ghi ya yae zọ ese na giuan, vbe uhunmwu oke ne I gha rhie ma ruẹn.”

Psalm 2:7

Ọba khare wẹẹ, “Mẹ gha wewe ẹmwẹ ne Nọyaẹnmwa tama mwẹ. Rẹn khama mwẹ wẹẹ, ‘Wẹ ọrọre ovbi mwẹ, ẹrẹ ọ re imẹ khian erhaa.

Iyẹn ne ọ Maan Ọghe Mak 12:6

Ọmwa ọkpa ne ọ ma ghi he gie keghi re ovbi ẹre ukpọmọkpa. Vbe okiekie, ọ keghi gie ovbi ẹre ukpọmọkpa ni bu iran ni gbe aro ghe ugbo ni agbeghae, ọ wẹẹ, ‘Mẹ yayi ighẹ iran gha lohan ovbi mwẹ.’

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Jọn 10:10

Oyi gha rre, te ọ do rha, te ọ do gbe ua kevbe ne ọ do murhia. Sokpan mẹ rrọ ne iran miẹn ehe na gha rre agbọn, ne iran gha rrọọ vbe ne emwi hia na gba ne iran.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Iyẹn ne ọ Maan Ọghe Jọn 3:18

Ọmwaikọmwa ne ọ ya ọmọ yi, a i ghi bu ohiẹn ọnrẹn sokpan ọmwaikọmwa ne ọ ma ya ẹe yi, a bu ohiẹn ọnrẹn nẹ rhunmwuda ọ ma ya ukpọmọkpa ọghe Osanobua yi.

Iyẹn ne ọ Maan Ọghe Jọn 5:23

Ne emwa hia miẹn ehe na gha ye ọghọ ne Ọmọ zẹ vbene avbe ya ọghọ ne Erha. Ọmwa ne ọ ma ye ọghọ ne Ọmọ ọ ma ya ọghọ ne Erha ne ọ gie ẹe.

Iyẹn ne ọ Maan Ọghe Jọn 6:29

Jesu wanniẹn wẹẹ, “Emwi ne Osanobua wẹ ne uwa ru ọ na khin: wa ya ọmwa ne ọ gie yi.”

Iyẹn ne ọ Maan Ọghe Jọn 6:51

Mẹ ọrọre evbare ẹfe ne ọ ke ẹrinmwi rre: ọmwa ne ọ rhirhi rri evbare na, ọ gha rre agbọn ẹdẹdẹmwẹdẹ. Nene evbare ne I khian rhie nẹẹn ọrọre efun egbe mwẹ ne imẹ ya fi ohan, ne agbọn miẹn ehe na miẹn uhunmwu.”

Iyẹn ne ọ Maan Ọghe Jọn 6:57

Erha ne ọ rrọọ, ọre ọ gie mwẹ, rhunmwuda ẹre ọre imẹ na vbe rrọọ. Erriọ vbe nọ zẹẹ, ọmwa ne ọ rri egbe mwẹ gha vbe gha rrọọ rhunmwuda mwẹ.

Iyẹn ne ọ Maan Ọghe Jọn 8:29

Ọmwa ne ọ gie mwẹ gun mwẹ rrọọ, ọ ma sẹ imẹ ọkpa rae rhunmwuda emwi ne ọ yẹ ọre, ọre I ru vbe ẹghẹ hia.”

Iyẹn ne ọ Maan Ọghe Jọn 8:42

Jesu tama iran wẹẹ, “Akpawẹ Osanobua ọre ọ gele re erha uwa, wa ghẹ gha ho ẹmwẹ mwẹ, rhunmwuda ehe ne Osanobua ye ọre I ke gha dee, wanwan na nian, I rre emwa na. Ẹ i re ẹtin obọ mwẹ ọre I ya rre, sokpan rẹn ọre ọ gie mwẹ.

Iyẹn ne ọ Maan Ọghe Jọn 9:3

Jesu wanniẹn tama iran wẹẹ, “Ne ọna rhu aro ma dekan ẹmwẹ orukhọ ọghọe ra ọghe evbibiẹ ọe. Ọ rhu aro ne a miẹn ehe na rhie ẹtin Osanobua ma vbe iwinna ne egbe ẹre.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

Hibru 1:5

Rhunmwuda, ọkpa i rrọ vbe uwu avbe odibosa ẹre ne Osanobua tama wẹẹ, “Wẹ ọrọre Ovbi mwẹ, ẹdẹnẹrẹ na, I khian Erha a.” Ra ne ọ vbe kha vbekpa odibosa rhọkpa, “I gha khian Erha ẹe, rẹn ghi vbe gha re Ovbi mwẹ.”

I Jọn 3:16

Vbene ima ya rẹn emwi ne aho ẹmwẹ ọmwa khin ọre ọ na khin: Kristi ya ẹdẹ agbọn rẹn fi ohan ne ima. Rhunmwuda ọnii, ọ te vbe kei khekherriọ ne ima gha ya ẹdẹ agbọn mwa fi ohan ne etẹn mwa.

I Jọn 4:10

Emwi ne aho ẹmwẹ ọmwa khin ọre ọ na khin, ẹ i re wẹ, ma ka hoẹmwẹ Osanobua nẹ, sokpan wẹ, rẹn ọre ọ hoẹmwẹ mwa, ọ keghi gie Ovbi ẹre ne ọ do gha re emwi ne a gha la ekpa ẹre ya orukhọ mwa bọ mwa.

I Jọn 4:16

Ma tobọ mwa rẹnrẹn, ma keghi vbe yae yi ighẹ aho ẹmwẹ ọmwa ne Osanobua mwẹ ghe mwa. Aho ẹmwẹ ọmwa ọre Osanobua khin, ọmwaikọmwa ne ọ rre uwu aho ẹmwẹ ọmwa ọ rre uwu Osanobua, Osanobua vbe rre uwu irẹn.

I Jọn 5:11

Nene osẹe ọre ọna khin: Osanobua rhie arrọọ ne ẹ i fo ne ima nẹ, nene arrọọ na keghi re ọghomwa vbe uwu Ovbi ẹre.

I Jọn 5:13

I gbẹn ebe na gie uwa ne uwa miẹn ehe na rẹn ighẹ uwa mwẹ ẹfe ne ẹ i fo, wa ni ya eni Ovbi Osanobua yi.