I Jọn 4:7 - Edo Bible (E Baibol Ẹdo) Version 1996

⁷ Ọse mwẹ ni ghaan, wa gie ima gha ho ẹmwẹ egbe rhunmwuda obọ Osanobua ọre aho ẹmwẹ ọmwa ke rre. Ọmwaikọmwa ne ọ mwẹ aho ẹmwẹ ọmwa, ovbi Osanobua nọ, ọ vbe rẹn Osanobua.

I Jọn 4:7 ပူးပေါင်းရင်းမြစ်များ

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

I Kọrinti 8:3

Sokpan ọmwa ne ọ ho ẹmwẹ Osanobua, Osanobua rẹn ọnrẹn.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Galatia 4:9

Sokpan wanwan na nian, vbene uwa ghi na rẹn Osanobua nẹ, ra ne I wa kha wẹ, vbene Osanobua ghi na rẹn uwa nẹ, vbe ọ zẹ ne uwa na ho ne uwa dọlegbe bu avbe orhiọn ẹwobi ne vburriẹ, ni khaemwisẹ ni, gha khian yi? Vbe ọ zẹ ne uwa na dọlegbe ho ne uwa gha re eviẹn iran?

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

II Timoti 1:7

Rhunmwuda, Orhiọn ne Osanobua rhie ne ima, ẹ i re ne ọ ya ima vbiẹre sokpan, te Orhiọn rẹn ya ẹtin vuọn ima kevbe aho ẹmwẹ ọmwa kevbe i ziengbe.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Jọn 2:10

Ọmwa ne ọ ho ẹmwẹ ọtiọnrẹn, uwu uwanmwẹ ọre ọ ye, rhunmwuda ọnii, emwi ọkpa i vbe rre uwu irẹn ne ọ gha si ọmwa ọvbehe fi orukhọ.

I Jọn 2:29

Wa rẹnrẹn wẹ, ọmwata ọre Kristi khin, rhunmwuda ọnii, ọ kere ne uwa rẹn khekherriọ wẹ, ọmwaikọmwa ne ọ ru emwi emwata, ovbi Osanobua nọ.

I Jọn 2:3

Ma gha lele uhi ne Osanobua yi ru emwi, ẹghẹ nii ọre aro mwa gha na dae ighẹ ma gele rẹn ọnrẹn.

I Jọn 2:4

A deghẹ orhunmwu ọkpa khare wẹ, “Mẹ rẹn ọnrẹn” ighẹ ẹ i vbe ya uhi ẹre ru emwi, ọmwa vberriọ, ọhọn ohoghe nọ, ẹmwata i vbe rre uwu ẹre.

I Jọn 2:7

Wa ne ọse mwẹ, iyi ne i gbẹn gie uwa na i re ọghọgbọn, iyi nẹdẹ nii nọ, ne uwa ka mwẹ ke omuhẹn gha dee. Iyi nẹdẹ na ọrọre ikporhu ne uwa ka họn nẹ.

I Jọn 3:9

Ọmwaikọmwa ne ọre ovbi Osanobua, ẹ i sẹtin gha ru orukhọ khian, rhunmwuda, akpa ọghe Osanobua tobọ ẹre rre uwu ẹre, kevbe wẹ rhunmwuda ighẹ Osanobua ọrọre Erhae, rẹn i sẹtin gha ru orukhọ khian.

I Jọn 4:11

Ọse mwẹ ni ghaan, a deghẹ Osanobua ho ẹmwẹ mwa vbenian, ọ vbe kei khekherriọ ne ima gha ho ẹmwẹ egbe.

I Jọn 4:12

Ọmwa ọkpa ne ọ he miẹn Osanobua aro ẹdẹ, ẹ i rrọọ, a deghẹ ma ho ẹmwẹ egbe, Osanobua rre uwu ima, a keghi vbe ya aho ẹmwẹ ọmwa rẹn khian ne ọ gbae vbe uwu ima.

I Jọn 4:16

Ma tobọ mwa rẹnrẹn, ma keghi vbe yae yi ighẹ aho ẹmwẹ ọmwa ne Osanobua mwẹ ghe mwa. Aho ẹmwẹ ọmwa ọre Osanobua khin, ọmwaikọmwa ne ọ rre uwu aho ẹmwẹ ọmwa ọ rre uwu Osanobua, Osanobua vbe rre uwu irẹn.

I Jọn 4:20

Adeghẹ ọmwa ọkpa khare wẹ, “Mẹ ho ẹmwẹ Osanobua,” ọ na gha khuiwu ọtiọnrẹn, ọhọn ohoghe nọ, rhunmwuda adeghẹ ọ ma ho ẹmwẹ ọtiọnrẹn ne ọ dẹghe, ẹ i ra sẹtin ho ẹmwẹ Osanobua ne irẹn i dẹghe.

I Jọn 4:8

Ọmwaikọmwa ne ẹ i mwẹ aho ẹmwẹ ọmwa, ọ ma rẹn Osanobua rhunmwuda aho ẹmwẹ ọmwa ọre Osanobua khin.

I Jọn 5:1

Ọmwaikọmwa ne ọ yayi ighẹ Jesu ọrọre nene Mẹzaia, ovbi Osanobua nọ, ọmwa ne ọ hoẹmwẹ erha ne ọ biẹ ọmọ, te ọ vbe hoẹmwẹ ovbi ẹre ba ẹre.

II Jọn 1:5

Rhunmwuda ọnii, ọre I na nọ ruẹn nian okpokhuo ne ọ ghaan, wẹ, ne uwa gie ima hia gha ho ẹmwẹ egbe. Ẹ i zẹdẹ re iyi ọgbọn ọre I gbẹn ebe ẹre guẹ, iyi ne a mu ye ima otọ ke omuhẹn wa gha dee ọre nọ.