I Jọn 4:6 - Edo Bible (E Baibol Ẹdo) Version 1996

⁶ Sokpan ọghe Osanobua ọre ima khin. Ọmwaikọmwa ne ọ rẹn Osanobua ghi vbe gha rhie ẹmwẹ ima ye ehọ. Ọmwaikọmwa ne ẹ i re ọghe Osanobua, ẹ i vbe rhie ẹmwẹ ima ye ehọ. Rhunmwuda ọnii, vbe nian, ọre ima gha ya rẹn alughaẹn ne ọ rre Orhiọn ne ọre ọghe ẹmwata, kevbe orhiọn ne ọ re ọghe ebiebi.

I Jọn 4:6 ပူးပေါင်းရင်းမြစ်များ

II Krọnikol 18:21

Orhiọn nii wanniẹn wẹẹ, ‘I gha ya ru ẹe ne avbe akhasẹ Ehab hia gha ta ohoghe.’ E Nọyan wanniẹn wẹẹ, ‘Gha khian ya rẹrọe, u gha sẹtin!’ ”

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Maika 3:8

Sokpan, zẹ vbe ọghomwẹ e Nọyaẹnmwa ya orhiọn rẹn kevbe ẹtin ẹnrẹn vuọn mwẹ ọ vbe rhie mwẹ ne I gha rẹn emwi ne ọ re ohiẹn ẹmwata, kevbe udinmwẹ ne I gha ya gha tama ivbi Izrẹl orukhọ ne iran ru.

Iyẹn ne ọ Maan Ọghe Luk 10:22

“Erha mwẹ viọ emwi hia mẹ nẹ. Ọmwa ne ọ rẹn ọmwa ne ọmọ khin i rrọọ, sokpan Evbavba, ọmwa ne ọ vbe rẹn ọmwa ne Evbavba khin ẹ i rrọọ, sokpan Ọmọ kevbe iran ne Ọmọ ho ne ọ rhie ẹre maa.”

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Iyẹn ne ọ Maan Ọghe Jọn 10:27

Avbe ohuan mwẹ danmwehọ urhu mwẹ. Mẹ rẹn iran, iran vbe lele mwẹ.

Iyẹn ne ọ Maan Ọghe Jọn 10:3

Ukọ onurho ghi kie nẹ, avbe ohuan rẹn ghi họn urhu ẹre vbe ọ gha tie iran, ọ ghi viọ iran ladian.

Iyẹn ne ọ Maan Ọghe Jọn 13:20

Ẹmwata ọre I tama uwa. Ọmwa ne ọ rhirhi rhan obọ miẹn ọmwa ne imẹ gie, ọ vbe rhan obọ miẹn mwẹ. Ọmwa ne ọ rhirhi rhan obọ miẹn mwẹ vbe rhan obọ miẹn ọmwa ne ọ gie mwẹ.”

Iyẹn ne ọ Maan Ọghe Jọn 14:17

Agbọn i sẹtin rhan obọ miẹn ẹnrẹn rhunmwuda ighẹ agbọn i sẹtin dẹghe ẹre amawẹ, ọ gha rẹn ọnrẹn. Sokpan wa rẹn ọnrẹn, rhunmwuda, ọ gu uwa ọ vbe rre uwu uwa.

Iyẹn ne ọ Maan Ọghe Jọn 15:26

“Ne ọ yọ ọmwa obọ gha rre — Orhiọn Ẹmwata ne ọ ke ehe ne Evbavba ye gha dee, I gha giee ke ọghe Evbavba gha dee, ọ gha ta ẹmwẹ mwẹ.

Iyẹn ne ọ Maan Ọghe Jọn 16:13

Sokpan Orhiọn ẹmwata ni gha ghi rre, ọ gha gban uwa ghe ehe ne ẹmwata ye.

Iyẹn ne ọ Maan Ọghe Jọn 18:37

Rhunmwuda ọnii, Pailet nọ rẹn wee, “Ọnii rhie ma ighe ọba we gele khin?” Jesu wanniẹn wẹẹ, “Wa ọre ọ khare ighe ọba mẹ khin. Emwi ne ọ si ẹe ne I na gha dee, ne a na vbe biẹ mwẹ vbe agbọn na ọrọre ne I do ta ẹmwẹ ẹmwata, ọmwa ne ọ ghi re ọghe ẹmwata nẹ gha danmwehọ mwẹ.”

Iyẹn ne ọ Maan Ọghe Jọn 20:21

Jesu keghi vbe dọlegbe tama iran wẹẹ, “Ọfumwegbe gu uwa rrọọ. zẹ vbene Evbavba gie mwẹ, erriọ mẹ vbe gie uwa.”

Iyẹn ne ọ Maan Ọghe Jọn 8:19

Iran nọ rẹn wẹẹ, “De ehe ne erhaa ye yi?” Jesu wanniẹn wẹ, “Wa ma rẹn mwẹ amawẹ Erha mwẹ. Akpawẹ te uwa rẹn mwẹ, wa gha vbe rẹn Erha mwẹ.”

Iyẹn ne ọ Maan Ọghe Jọn 8:23

Jesu wanniẹn wẹẹ, “Ototọ vbe emwana ọre uwa ke rre, sokpan, odukhunmwu mẹ ke rre. Agbọn na ọre uwa ke rre, sokpan, ẹ i re agbọn na mẹ ke rre.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Ebe ne Pọl gbẹẹn gie emwa Rom 11:8

Zẹ vbene ebe tae, “Osanobua keghi gbin iran orhiọn kevbe ekhọe ẹwaẹn, do sẹ ẹdẹnẹrẹ na, iran i sẹtin ye aro iran dẹghe odẹ, iran i sẹtin he ehọ iran họn ẹmwẹ.”

I Kọrinti 14:37

Deghẹ ọmwaikọmwa ro ighẹ odibo Osanobua rẹn khin ra ighẹ a ya emwi ẹmwẹ orhiọn we irẹn, we ne a gi ẹe rẹn wẹ emwi ne I gbẹnnẹ na, iyi ọghe Nọyaẹnmwa tobọ ẹre nọ.

II Kọrinti 10:7

Vbene emwi hia ye vbe ikinnegbe ọre uwa ghe. Arhiọnkpa rrọ vbe uwu uwa, ne ọ ka egbe ẹre ye ọghe Kristi ra? Wẹ ne ọ dọlegbe mu ẹmwẹ enegbe ẹre roro, rhunmwuda vbene irẹn re ọghe Kristi ọre ima vbe re ọre.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

I Timoti 4:1

Te Orhiọn wa ta ẹe gbe ẹe ẹre ẹho rua wẹ, ọ gha sẹ ẹdẹ okiekie, emwa ni bun gha mu iyayi fua, iran ghi gha ru ne orhiọn ohoghe khare kevbe iruẹmwi esu.

II Pita 3:2

I ho ne uwa ye avbe ẹmwẹ ne avbe akhasẹ tae ẹghẹ ne ọ kpẹe fua kevbe avbe iyi ni ke obọ Nọyaẹnmwa kevbe Ọmiọnmwafan mwa rre, zẹ vbene a vbe ukọ tae ma uwa.

I Jọn 4:1

Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.

I Jọn 4:4

Sokpan, wa ne ivbi mwẹ, ọ ghe Osanobua ọre uwa khin, wa vbe munọ avbe akhasẹ ohoghe gbe otọ nẹ, rhunmwuda Orhiọn ne ọ rre uwu uwa wo vbe egbe sẹ orhiọn ne ọ rre uwu iran ni re ọ ghe agbọn na.

I Jọn 4:8

Ọmwaikọmwa ne ẹ i mwẹ aho ẹmwẹ ọmwa, ọ ma rẹn Osanobua rhunmwuda aho ẹmwẹ ọmwa ọre Osanobua khin.

I Jọn 5:19

Ma rẹnrẹn wẹ ọghe Osanobua ma khin kevbe wẹ Ọmwa Dan ni ọre ọ kha yan agbọn na hia.

Ebe ne Jud gbẹẹn 1:17

Sokpan, wa ne ọse mwẹ, wa ghi ye rre o. Wa ye avbe emwi ne avbe ukọ Nọyaẹnmwa Jesu Kristi tama uwa ẹghẹ ne ọ gberra.