I Jọn 4:4 - Edo Bible (E Baibol Ẹdo) Version 1996

⁴ Sokpan, wa ne ivbi mwẹ, ọ ghe Osanobua ọre uwa khin, wa vbe munọ avbe akhasẹ ohoghe gbe otọ nẹ, rhunmwuda Orhiọn ne ọ rre uwu uwa wo vbe egbe sẹ orhiọn ne ọ rre uwu iran ni re ọ ghe agbọn na.

I Jọn 4:4 ပူးပေါင်းရင်းမြစ်များ

Iyẹn ne ọ Maan Ọghe Jọn 12:31

Eban ọre ọse ẹghẹ ne a gha ya bu ohiẹn agbọn na nian, eban nian, a ra ya ọre owẹ ye otọ ighe nọkhaemwisẹ yan agbọn na.

Iyẹn ne ọ Maan Ọghe Jọn 14:30

Mẹ i ra ghi gu uwa guan kpẹe sẹ ọna, rhunmwuda, ne ọ kha yan agbọn na dee.

Iyẹn ne ọ Maan Ọghe Jọn 16:11

Vbekpa ọghe ibuohiẹn, rhunmwuda a bu ohiẹn ne ọ khaemwisẹ yan agbọn na nẹ.

Iyẹn ne ọ Maan Ọghe Jọn 17:23

Mẹ vbe uwu iran, wẹ vbe uwu imẹ, ne iran miẹn ehe na wa gha re ọkpa, ne agbọn miẹn ehe na rẹn ighẹ wẹ ọre ọ gele gie mwẹ, kevbe wẹ zẹ vbene u ho ẹmwẹ mwẹ, erriọ ọre u vbe ho ẹmwẹ iran.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

Ebe ne Pọl gbẹẹn gie emwa Rom 8:37

Awua, vbe uwu avbe emwi na hia, ma khọn miotọ nẹ fẹẹrẹ vbe ẹtin irẹn ni ne ọ ho ẹmwẹ mwa.

I Kọrinti 2:12

Ẹ i re ekhọe agbọn na ọre a rhie ne ima, Orhiọn ne Osanobua rhie ne ima.

I Kọrinti 6:13

Ọmwa ọvbehe sẹtin kha wẹẹ, “Ẹko ọ yan evbare, evbare ọ yan ẹko.” Ẹmwata nọ, sokpan Osanobua gha rhie ufomwẹ ye e eva. A ma rhie egbe ne ọmwa ne ọ yagha gbe alama oghẹ, sokpan ne ọ gha ga Nọyaẹnmwa. Nọyaẹnmwa vbe kpehe ne egbe.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Ẹfisọs 2:2

Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

Ẹfisọs 3:17

Kevbe, wẹ ne Kristi la ekpa iyayi bọ owa ẹre ye uwu uwa, I vbe na erhunmwu wẹ, ne uwa gbe inian, kevbe ne uwa gbe ẹyotọ uwa yan aho ẹmwẹ ọmwa.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

I Jọn 2:1

Ivbi mwẹ, te I gbẹn ebe na gie uwa ne uwa ghẹ miẹn ehe na rukhọ, sokpan, a deghẹ ọmwaikọmwa ghi vbe ru orukhọ, ma mwẹ ọmwa ne ọ rinmwian ne ima vbe ehe ne Evbavba ye, ọnii ọre Jesu Kristi ne ọmwata.

I Jọn 2:13

I gbẹn ebe gie uwa, wa ne avbe erha emọ, rhunmwuda, wa rẹn ne ọ rrọọ ke omuhẹn gha dee, I gbẹn ebe gie igbama, rhunmwuda wa mu ẹn gbe otọ nẹ ighẹ Ọmwa Dan ni.

I Jọn 3:20

Rhunmwuda, deghẹ orhiọn mwa bu abe gbe mwa, ma rẹnrẹn wẹ Osanobua kpọlọ sẹ orhiọn mwa, rẹn vbe rẹn emwi hia.

I Jọn 3:24

Ọmwa ne ọ rhirhi ye ẹmwẹ Osanobua ru emwi, Osanobua rre uwu irẹn, rẹn vbe rre uwu Osanobua, vbene ima ya rẹn ighẹ Osanobua rre uwu ima ọre ọre ọna khin: ma rẹnrẹn rhunmwuda Orhiọn ne ọ rhie ne ima.

I Jọn 4:13

Ọnọna ọre ọ ye aro ima dae wẹ ma rre uwu Osanobua kevbe wẹ rẹn vbe rre uwu ima, ọ rhie Orhiọn ẹnrẹn ne ima.

I Jọn 4:16

Ma tobọ mwa rẹnrẹn, ma keghi vbe yae yi ighẹ aho ẹmwẹ ọmwa ne Osanobua mwẹ ghe mwa. Aho ẹmwẹ ọmwa ọre Osanobua khin, ọmwaikọmwa ne ọ rre uwu aho ẹmwẹ ọmwa ọ rre uwu Osanobua, Osanobua vbe rre uwu irẹn.

I Jọn 4:6

Sokpan ọghe Osanobua ọre ima khin. Ọmwaikọmwa ne ọ rẹn Osanobua ghi vbe gha rhie ẹmwẹ ima ye ehọ. Ọmwaikọmwa ne ẹ i re ọghe Osanobua, ẹ i vbe rhie ẹmwẹ ima ye ehọ. Rhunmwuda ọnii, vbe nian, ọre ima gha ya rẹn alughaẹn ne ọ rre Orhiọn ne ọre ọghe ẹmwata, kevbe orhiọn ne ọ re ọghe ebiebi.

I Jọn 5:19

Ma rẹnrẹn wẹ ọghe Osanobua ma khin kevbe wẹ Ọmwa Dan ni ọre ọ kha yan agbọn na hia.

I Jọn 5:4

Rhunmwuda, ọmwaikọmwa ne ọ ghi re ovbi Osanobua nẹ, te ọ sẹtin mu agbọn gbe otọ, vbenian ọre ima ya khọn agbọn miotọ, iyayi ọre a ya ruẹe.

Arhie Maan 12:11

Esagiẹn Oteghe Ohuan nii kevbe orhu ẹmwata ne iran kpee, ọre avbe etẹn mwa ya khọn miẹn ẹre otọ, iran te wa vbe mu egbe ne iran rhie ẹdẹ agbọn iran ye otọ, ne iran vbe wulo.