I Jọn 4:15 - Edo Bible (E Baibol Ẹdo) Version 1996

¹⁵ Ọmwaikọmwa ne ọ khare ighẹ Ovbi Osanobua ọre Jesu khin, Osanobua rre uwu ẹre, rẹn keghi vbe re uwu Osanobua.

I Jọn 4:15 ပူးပေါင်းရင်းမြစ်များ

Matiu 10:32

“Ọmwa ne ọ rhirhi miẹn kue vbe azagba ighe ọghomwẹ rẹn khin, erriọ mẹ gha vbe miẹn rẹn kue vbe odaro Erha mwẹ ne ọ rre ẹrinmwi.

Iyẹn ne ọ Maan Ọghe Luk 12:8

“Ne I tama uwa, ọmwaikọmwa ne ọ ladian azagba tae ighe ọghomwẹ rẹn ikhin. Ovbi Ọmwa gha vbe ru vberriọ ne irẹn vbe odaro avbe odibo Osanobua.

Iyẹn ne ọ Maan Ọghe Jọn 6:56

Ọmwa ne ọ rri efun egbe mwẹ, ọ na vbe wọn esagiẹn mwẹ, rre uwu imẹ, mẹ vbe rre uwu irẹn.

Iwinna 8:37

Filip khama rẹn wẹẹ, “A sẹtin sa amẹ nuẹ a deghẹ u ya ekhọe ruẹ hia yayi?” Rẹn wanniẹn wẹ, “I yayi, I yayi ghe Ovbi Osanobua ọre Jesu Kristi khin.”]

Ebe ne Pọl gbẹẹn gie emwa Rom 10:9

Deghẹ wẹ ye akhuarhamwunu ruẹn tae wẹẹ, “Nọyaẹnmwa ọre Jesu khin,” U na vbe yayi vbe ekhọe ruẹ wẹ, Osanobua huẹn ọnrẹn hin idin rre, U gha re ne amiẹnfan.

Filipai 2:11

Ehia ghi vbe yae go vbe azagba wẹ, Jesu Kristi ọrọre Nọyaẹnmwa ne uyi ọghe Osanobua e Evbavba.

I Jọn 2:23

Rhunmwuda, ọmwa ne ọ ma rhan obọ miẹn Ọmọ, ọ ma rhan obọ miẹn Erha, ọmwa ne ọ rhan obọ miẹn Ọmọ, Erha wa vbe guẹe rrọọ ba re.

I Jọn 2:24

Rhunmwuda ọnii, gie a miẹn ighẹ u rhie ẹre ye ekhọe ẹmwẹ ne uwa họẹn vbe omuhẹn. A deghẹ emwi ne u họẹn vbe omuhẹn mudia vbe ekhọe ruẹ, ẹghẹ nii, u gha gu Ọmọ kevbe Erha mu otu kugbe vbe ẹghẹ hia.

I Jọn 3:23

Emwi ne ọ khare ọrọre wẹ ne ima ya eni Ovbi ẹre Jesu Kristi yi, ne ima vbe gha ho ẹmwẹ egbe, zẹ vbene Kristi tama ima.

I Jọn 3:24

Ọmwa ne ọ rhirhi ye ẹmwẹ Osanobua ru emwi, Osanobua rre uwu irẹn, rẹn vbe rre uwu Osanobua, vbene ima ya rẹn ighẹ Osanobua rre uwu ima ọre ọre ọna khin: ma rẹnrẹn rhunmwuda Orhiọn ne ọ rhie ne ima.

I Jọn 4:12

Ọmwa ọkpa ne ọ he miẹn Osanobua aro ẹdẹ, ẹ i rrọọ, a deghẹ ma ho ẹmwẹ egbe, Osanobua rre uwu ima, a keghi vbe ya aho ẹmwẹ ọmwa rẹn khian ne ọ gbae vbe uwu ima.

I Jọn 4:2

Vbene uwa gha ya rẹn hẹ a deghẹ Orhiọn Osanobua nọ ọre ọna khin: Ọmwaikọmwa ne ọ sẹtin kha wẹ Jesu Kristi do khian ọmwa ne ọ sẹtin wu, ọ mwẹ Orhiọn ne ọ ke obọ Osanobua ree.

I Jọn 5:1

Ọmwaikọmwa ne ọ yayi ighẹ Jesu ọrọre nene Mẹzaia, ovbi Osanobua nọ, ọmwa ne ọ hoẹmwẹ erha ne ọ biẹ ọmọ, te ọ vbe hoẹmwẹ ovbi ẹre ba ẹre.

I Jọn 5:5

De ọmwa ne ọ gha sẹtin khọn agbọn miotọ yi? Rẹn ni nọ ighẹ ọmwa ne ọ yayi wẹ Ovbi Osanobua ọre Jesu Kristi khin.

II Jọn 1:7

Avbe ọrẹrẹ ọmwa ni bun vẹ ku agbọn hia, emwa ni ma tae wẹ Jesu Kristi gele khian ọmwa ne ọ sẹtin wu. Egbe ọmwa vberriọ, ọrẹrẹ ọmwa nọ. Rẹn ọrọre oghian Kristi.