I Jọn 4:14 - Edo Bible (E Baibol Ẹdo) Version 1996

¹⁴ Ma miẹn ọẹn nẹ, ma keghi vbe tama emwa ọvbehe wẹ, Evbavba gie Ovbi ẹre gha dee ne ọ do gha re Ọmiọnmwafan agbọn.

I Jọn 4:14 ပူးပေါင်းရင်းမြစ်များ

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 10:36

Zẹ vbe ọghomwẹ, Evbavba ọre ọ zẹ mwẹ, ọ na gie mwẹ gha die agbọn. Vbe uwa a ghi na tama mwẹ hẹ ighe te I kpa unu ghe Osanobua vbe I khare wẹẹ Ovbi Osanobua ọre I khin?

Iyẹn ne ọ Maan Ọghe Jọn 12:47

Ọmwa ne ọ họn ẹmwẹ mwẹ ighẹ ọma vbe ya ẹe ru emwi, mẹ i ra bu ohiẹn ọnrẹn. Mẹ ma rre do bu ohiẹn agbọn, sokpan te I do miẹn rẹn fan.

Iyẹn ne ọ Maan Ọghe Jọn 3:11

Ẹmwata ne ẹmwata ọre I tama ruẹn, emwi ne ima rẹnrẹn ọre ima guan yan, emwi ne aro mwa sẹ ọ re ima ta, sevba, ne ọ ho ne ọ rhie ẹmwẹ mwa, ẹ i rre uwu uwa.

Iyẹn ne ọ Maan Ọghe Jọn 3:32

Emwi ne aro ẹre sẹe kevbe ne ehọ ẹre họn ẹn ọre ọ ta sokpan a ma miẹn ne ọ rhie ẹmwẹ ọnrẹn.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iyẹn ne ọ Maan Ọghe Jọn 4:42

Iran tama okhuo nii wẹẹ, “Ẹ i re rhunmwuda ẹmwẹ ne u tae ọre ima na ghi yayi nian, emwi ne ọ ya ima yayi ọrọre wẹ ma tobọ mwa họn ẹmwẹ ne unu ẹnrẹn, ma rẹnrẹn vbe ẹmwata wẹ, rẹn ọrọre Ọmiọnmwafan agbọn.”

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.

I Jọn 4:10

Emwi ne aho ẹmwẹ ọmwa khin ọre ọ na khin, ẹ i re wẹ, ma ka hoẹmwẹ Osanobua nẹ, sokpan wẹ, rẹn ọre ọ hoẹmwẹ mwa, ọ keghi gie Ovbi ẹre ne ọ do gha re emwi ne a gha la ekpa ẹre ya orukhọ mwa bọ mwa.

I Jọn 5:9

Emwa ne agbọn gha se ọsẹe ma ya ẹe yi, osẹe ne Osanobua sẹe ọre ọ diae sẹ ẹsẹse, ọna ọrọre osẹe ne Osanobua sẹe vbe ekpa Ọmọ.