I Jọn 4:11 - Edo Bible (E Baibol Ẹdo) Version 1996

¹¹ Ọse mwẹ ni ghaan, a deghẹ Osanobua ho ẹmwẹ mwa vbenian, ọ vbe kei khekherriọ ne ima gha ho ẹmwẹ egbe.

I Jọn 4:11 ပူးပေါင်းရင်းမြစ်များ

Iyẹn ne ọ Maan Ọghe Luk 10:37

Ọmamwaemwi uhi keghi wanniẹn wẹẹ, “Ne ọ tohan rẹn.” Jesu wanniẹn wẹẹ, “Wẹ vbe ya gha ru vberriọ khekherriọ.”

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

Ẹfisọs 4:31

Wa gbe ukhu ẹre ua ighẹ ẹkorriaramwẹ, owowo, kevbe ohu, wa ghẹ ghi vannọ okan, ra ne a gha tie ihẹn, wa gie ẹkokhọmwẹ fo, ke ẹe kevbe emwi ni ye rriọ hia.

Kọlose 3:13

Wa gha ye egbe obọ, wa gha ya bọ egbe, deghẹ ọmwaikọmwa kevbe ogieva ẹre gba muan egbe ẹmwẹ, wa ghi gha ya bọ egbe, zẹ vbene Kristi vbe ya bọ uwa.

I Jọn 2:7

Wa ne ọse mwẹ, iyi ne i gbẹn gie uwa na i re ọghọgbọn, iyi nẹdẹ nii nọ, ne uwa ka mwẹ ke omuhẹn gha dee. Iyi nẹdẹ na ọrọre ikporhu ne uwa ka họn nẹ.

I Jọn 3:11

Rhunmwuda, ikporhu ne uwa họẹn ke omuhẹn gha dee ọre ọ na khin: Ọ kere ne ima gha ho ẹmwẹ egbe.

I Jọn 3:23

Emwi ne ọ khare ọrọre wẹ ne ima ya eni Ovbi ẹre Jesu Kristi yi, ne ima vbe gha ho ẹmwẹ egbe, zẹ vbene Kristi tama ima.

I Jọn 4:7

Ọse mwẹ ni ghaan, wa gie ima gha ho ẹmwẹ egbe rhunmwuda obọ Osanobua ọre aho ẹmwẹ ọmwa ke rre. Ọmwaikọmwa ne ọ mwẹ aho ẹmwẹ ọmwa, ovbi Osanobua nọ, ọ vbe rẹn Osanobua.

II Jọn 1:5

Rhunmwuda ọnii, ọre I na nọ ruẹn nian okpokhuo ne ọ ghaan, wẹ, ne uwa gie ima hia gha ho ẹmwẹ egbe. Ẹ i zẹdẹ re iyi ọgbọn ọre I gbẹn ebe ẹre guẹ, iyi ne a mu ye ima otọ ke omuhẹn wa gha dee ọre nọ.