I Jọn 3:23 - Edo Bible (E Baibol Ẹdo) Version 1996

²³ Emwi ne ọ khare ọrọre wẹ ne ima ya eni Ovbi ẹre Jesu Kristi yi, ne ima vbe gha ho ẹmwẹ egbe, zẹ vbene Kristi tama ima.

I Jọn 3:23 ပူးပေါင်းရင်းမြစ်များ

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Matiu 22:39

Ne ogieva ne ọ ghi vbe kpọlọ sẹẹ vbe ye vbe ọre: ‘Gha ho ẹmwẹ ogieva ruẹ zẹ vbe egbe ruẹ.’

Iyẹn ne ọ Maan Ọghe Mak 9:7

Okuku keghi ladian, ọ na mu aghọnghọn gue iran, urhu ọkpa keghi ke uwu okuku ni ladian wẹẹ, “Ọnọna ọre ovbi mwẹ ni ho ẹmwẹ ọnrẹn, wa họn ọghe ọe.”

Iyẹn ne ọ Maan Ọghe Jọn 1:12

Vbene ọ rhirhi gha ye hẹ, eso vbọ rhan obọ miẹn rẹn, iran keghi yaeyi, rhunmwuda ọnii, rẹn keghi rhie ẹtin ne iran ne iran khian ivbi Osanobua.

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

Iyẹn ne ọ Maan Ọghe Jọn 14:1

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

Iyẹn ne ọ Maan Ọghe Jọn 15:12

Uhi ne imẹ yi ọna khin: Wa gha ho ẹmwẹ egbe zẹ vbene imẹ ho ẹmwẹ uwa.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 2:23

Ẹghẹ ne Jesu na gha rre Jerusalẹm vbe ẹghẹ Emwiukpo Alagberra, emwa ni bun keghi wa ya ẹe yi vbe iran miẹn iwinna ọyunnuan ni bun ne ọ winnaẹn.

Iyẹn ne ọ Maan Ọghe Jọn 3:18

Ọmwaikọmwa ne ọ ya ọmọ yi, a i ghi bu ohiẹn ọnrẹn sokpan ọmwaikọmwa ne ọ ma ya ẹe yi, a bu ohiẹn ọnrẹn nẹ rhunmwuda ọ ma ya ukpọmọkpa ọghe Osanobua yi.

Iyẹn ne ọ Maan Ọghe Jọn 6:29

Jesu wanniẹn wẹẹ, “Emwi ne Osanobua wẹ ne uwa ru ọ na khin: wa ya ọmwa ne ọ gie yi.”

Iwinna 16:31

Iran tama rẹn wẹ, “Ya Nọyaẹnmwa Jesu Kristi yi, u gha fe, wẹ kevbe ẹgbẹe ruẹ.”

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

I Tẹsalonaika 4:9

Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

I Timoti 1:15

Ẹmwẹ ẹmwata ne ọ re ne a gha wa rhan obọ miẹn, ne avbe yae ẹe yi nọ wẹẹ: Te Kristi Jesu rrie agbọn, ne ọ do miẹn emwa oru khọ fan: Mẹ ọrọre ọka ẹrhia ne ọ rrọọ.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 4:8

Ke odaro emwi hia, wa gha ya ẹko ata ho ẹmwẹ egbe, rhunmwuda, aho ẹmwẹ ọmwa gbe ebe gue orukhọ ni bun.

I Jọn 2:7

Wa ne ọse mwẹ, iyi ne i gbẹn gie uwa na i re ọghọgbọn, iyi nẹdẹ nii nọ, ne uwa ka mwẹ ke omuhẹn gha dee. Iyi nẹdẹ na ọrọre ikporhu ne uwa ka họn nẹ.

I Jọn 3:11

Rhunmwuda, ikporhu ne uwa họẹn ke omuhẹn gha dee ọre ọ na khin: Ọ kere ne ima gha ho ẹmwẹ egbe.

I Jọn 4:15

Ọmwaikọmwa ne ọ khare ighẹ Ovbi Osanobua ọre Jesu khin, Osanobua rre uwu ẹre, rẹn keghi vbe re uwu Osanobua.

I Jọn 4:21

Rhunmwuda ọnii nian, iyi ne Kristi yi ne ima ọ na khin ọmwa ne ọ ho ẹmwẹ Osanobua, wẹ ne ovbe gha ho ẹmwẹ ọtiọnrẹn.

I Jọn 5:13

I gbẹn ebe na gie uwa ne uwa miẹn ehe na rẹn ighẹ uwa mwẹ ẹfe ne ẹ i fo, wa ni ya eni Ovbi Osanobua yi.