I Jọn 3:2 - Edo Bible (E Baibol Ẹdo) Version 1996

² Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.

I Jọn 3:2 ပူးပေါင်းရင်းမြစ်များ

Job 19:26

Uhin vbe iyeke vbe emianmwẹ a ghi rri ikpakpa egbe mwẹ na an nẹ,

Psalm 16:11

Wẹ gha ma mwẹ odẹ ne ọ rriẹ arrọọ, I vuọn ne ọyẹnmwẹ rhunmwuda ighe u rre emwa na, u vbe rhie oghọghọ mẹ ẹdẹdẹmwẹdẹ.

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 31:19

Umiẹn vbe ehia mose hẹ ighe avbe emwi esi ne u hẹ ye otọ, khẹ iran ni ya ọghọ ne uẹn. Agbọn hia rẹnrẹn vbene u ma hẹ. A miẹn vbe u viọ iran ni mu ẹtin yan ruẹn lẹre hẹ khuankhuan an khuan.

Aizaia 56:5

ẹghẹ nii, a gha ye eni ruẹn rre vbe Ọgua Osa mwẹ kevbe uwu ẹbu avbe emwa mwẹ kpẹe vbotọ ẹsẹse sẹẹ akpawẹ te u biẹlẹ emọ ikpia kevbe emọ ikhuo. A i mianmian an ẹdẹdẹmwẹdẹ.”

Malakai 3:2

Sokpan, de ọmwa ne egbe ẹre gha rrọ ẹdẹ ne ọ ra rre? De ọmwa ne ọ gha miẹn uhunmwu vbe ọ gha ya gbe ladian? Te irẹn ra ye vbe evbakhuẹ ne ọ wegbe, zẹ vbe erhẹn ne ọ kpe ematọn huan.

Matiu 5:8

Ọ maa ne iran ne ekhọe ẹre hianrẹn, iran gha miẹn Osanobua aro!

Iyẹn ne ọ Maan Ọghe Luk 17:30

Erriọ ọ gha ye ẹdẹ ne Ovbi Ọmwa gha ye egbe ladian.

Iyẹn ne ọ Maan Ọghe Luk 20:36

Iran ye vbe avbe odibosa, iran i wulo. Ivbi Osanobua iran khin, rhunmwuda a huẹn iran kpaegbe vbe orinmwi nẹ.

Iyẹn ne ọ Maan Ọghe Jọn 1:12

Vbene ọ rhirhi gha ye hẹ, eso vbọ rhan obọ miẹn rẹn, iran keghi yaeyi, rhunmwuda ọnii, rẹn keghi rhie ẹtin ne iran ne iran khian ivbi Osanobua.

Iyẹn ne ọ Maan Ọghe Jọn 11:52

Sokpan ẹ i re ne iran ọkpa, sokpan ne ọ vbe si ivbi Osanobua ni zagha kua koko ye otu ọkpa.)

Iyẹn ne ọ Maan Ọghe Jọn 17:24

“Evbavba, u viọ iran mẹ nẹ, I ho ne iran gun mwẹ gha rre ehe ne imẹ ye ne iran miẹn ehe na ya aro iran miẹn uyi mwẹ, uyi ne u rhie mẹ, rhunmwuda, vbe a te do yi agbọn na wẹ ka gha ho ẹmwẹ mwẹ nẹ.

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Ebe ne Pọl gbẹẹn gie emwa Rom 8:18

Mẹ ghe ẹre wẹ oya ne ima re ẹghẹ na ma sẹ ne a gha ya gie uyi ne a gha rhie ma mwa hiehie re.

Ebe ne Pọl gbẹẹn gie emwa Rom 8:19

Te emwi ne a yi hia heko ziengbe gha khẹ wẹ ne Osanobua viọ ivbi ẹre ladian ne a miẹn.

Ebe ne Pọl gbẹẹn gie emwa Rom 8:29

Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.

I Kọrinti 13:12

Emwi ne ima ghe ama rẹn vbirrivbirri zẹ vbe uwu ughegbe na, ẹghẹ nii, a gha bẹghe ehia vbe ghe aro mwẹ ghe aro uẹ. Emwi ne I rẹnrẹn nian, ukhiọnmwẹ nọ, ẹghẹ nii, I gha rẹn ọnrẹn fo zẹ vbe ne Osanobua rẹn mwẹ fo.

I Kọrinti 15:49

Zẹ vbene ima te ka gha ye vbe ama ọghe ọnii ne a ya ekẹn ma, erriọ ma ghi mu akpa ọghe ọmwa ne ọ ke ẹrinmwi rre yọ.

I Kọrinti 2:9

Sokpan vbene ebe kha re: “Emwi ne ehọ ma he họn, ne aro ma he miẹn, emwi ne a ma ro ighẹ ọ gha sẹtin sunu ẹdẹ, ọre Osanobua mwamwa ye otọ khẹ iran ni họ ẹmwẹ ọnrẹn.”

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

Galatia 3:26

Rhunmwuda, vbe ekpa iyayi, ọre uwa hia na re ivbi Osanobua, vbe uwu a ya egbe ba Kristi Jesu.

Galatia 4:6

Ne ọ miẹn ehe na rhie maa ighẹ ivbi irẹn wa khin, Osanobua keghi gie Orhiọn Ovbi ẹre ye uwu ekhọe mwa, Orhiọn ne ọ datu wẹẹ, “Evbavba ne Evbavba.”

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

Kọlose 3:4

Arrọọ ọghe ẹmwata ne uwa mwẹ, ọrọre Kristi, rẹn gha ghi ye egbe ladian, wa ghi vbe deba ẹre ladian, wa ghi vbe ghae vbe uyi ẹre.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

II Pita 1:4

Odẹ vbe nian ọre ọ na ve ima emwi ighobioye ne ọ maa ẹsẹse, wẹ emwi ne ọ ve uwa ẹre gha ghi sẹ uwa obọ nẹ, wa ghi lẹfe vbe obọ Orriarria ne ọre ọghe ọmwa ne ọ rre agbọn na, wa ghi vbe do ghae vbe ama emwi ne a yi ne ọ huanrẹn.

I Jọn 2:28

Erriọ nọ, wa ne ivbi mwẹ, wa mudia vbe uwu irẹn, ne afianma ghẹ fian ima vbe ẹdẹ ne ọ gha ya egbe ladian, ne ima ghẹ ya ya ekhọe lẹre hin ehe ne ọ ye rre, vbe Ẹdẹ ne ọ gha rre.

I Jọn 2:7

Wa ne ọse mwẹ, iyi ne i gbẹn gie uwa na i re ọghọgbọn, iyi nẹdẹ nii nọ, ne uwa ka mwẹ ke omuhẹn gha dee. Iyi nẹdẹ na ọrọre ikporhu ne uwa ka họn nẹ.

I Jọn 3:1

Wa ghe vbene Evbavba ho ẹmwẹ ina hẹ! Ọ ho ẹmwẹ mwa sẹrriọ wẹ, te a ghi tie ima ivbi Osanobua, ẹmwata, ivbi ẹre ọre ima gele khin. Ọna ọre ọ si ẹe ne agbọn ma na rẹn ima, ọ ma rẹn Osanobua.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:21

Rhunmwuda ọnii, wa ne ọse mwẹ ni ghaan, a deghẹ orhiọn mwa ma bu abe gbe mwa, ẹtin ghi gha rre ima iwu vbe odaro Osanobua.

I Jọn 5:1

Ọmwaikọmwa ne ọ yayi ighẹ Jesu ọrọre nene Mẹzaia, ovbi Osanobua nọ, ọmwa ne ọ hoẹmwẹ erha ne ọ biẹ ọmọ, te ọ vbe hoẹmwẹ ovbi ẹre ba ẹre.

Arhie Maan 22:4

Iran gha bẹghe ẹre ugbaro, a ghi vbe gbẹnnẹ eni ẹnrẹn ye iran uharo.