I Jọn 3:15 - Edo Bible (E Baibol Ẹdo) Version 1996

¹⁵ Ọmwaikọmwa ne ọ khu iwu ọtiọnrẹn, izigha nọ, wa rẹnrẹn wẹ izigha i mwẹ arrọọ ne ẹ i fo vbe uwu irẹn.

I Jọn 3:15 ပူးပေါင်းရင်းမြစ်များ

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Matiu 5:28

Sokpan mẹ tama uwa nian, ọmwaikọmwa gha ghe okhuo sẹrriọ ighe te aro ẹre ghi viẹn yọ, ọ gu okhuo ni ru oghẹ nẹ usin vbe ekhọe ẹre.

Iyẹn ne ọ Maan Ọghe Mak 6:19

Rhunmwuda ọnii, Hẹrodias kegha kọn e Jọn, ọ te ho ne ọ gbẹe rua sokpan ohan Hẹrọd ma gi ẹe ru ẹe.

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Iwinna 23:14

Iran keghi bu avbe igie ohẹn gha khian, iran tama iran wẹẹ, “Ma vẹn ihẹn ne ọ wo vbe egbe wẹ ma i ra ye evbare kan unu, ma te gbe Pọl rua.

Diuteronomi 19:11

“Sokpan a deghẹ ọmwa ghi ba gbe ogieva ẹre ua, ọ na lẹ gha rrie ọkpa vbe uwu avbe ẹvbo na ne a miẹn rẹn yi hin obọ ẹre rre vboo?

Jems 1:15

Emwi dan ne ọ ho ghẹ ghi hanmwa nẹ, ọ ghi biẹ orukhọ, orukhọ ghẹ ghi wan nẹ, ọ ghi biẹ uwu.

I Pita 1:23

Rhunmwuda la ekpa ẹmwẹ Osanobua ne ọ rrọọ, kevbe ne ọ re ọghe ẹtẹbitẹ dọlọ uwa biẹlẹ nẹ, zẹ vbe ivbi evbibiẹ ọmwa ọkpa, ne ọ re ne ẹ i wu ighẹ ẹ i re ne ọ wu.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.

I Jọn 2:9

Ọmwa ne ọ khare ighẹ uwu uwanmwẹ rẹn ye, ọ na gha khuiwu ọtiọnrẹn, uwu ebiebi ọre ọ ye, ye do sẹ wanwan na.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”