I Jọn 3:11 - Edo Bible (E Baibol Ẹdo) Version 1996

¹¹ Rhunmwuda, ikporhu ne uwa họẹn ke omuhẹn gha dee ọre ọ na khin: Ọ kere ne ima gha ho ẹmwẹ egbe.

I Jọn 3:11 ပူးပေါင်းရင်းမြစ်များ

Iyẹn ne ọ Maan Ọghe Jọn 13:4

Rhunmwuda ọnii, Jesu kpaegbe vbe ehe ne iran na rri evbare, ọ kuọ agbada ẹwu ẹre mu ye efẹn ọkpa, ọ keghi rhie ukpọn ne a ya khiẹn egbe gba ẹkun.

Iyẹn ne ọ Maan Ọghe Jọn 15:12

Uhi ne imẹ yi ọna khin: Wa gha ho ẹmwẹ egbe zẹ vbene imẹ ho ẹmwẹ uwa.

Galatia 6:2

Wa gha kpa egbe ihẹ, odẹ vberriọ ọre uwa gha ya mu uhi Kristi sẹ.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

I Tẹsalonaika 4:9

Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

I Pita 4:8

Ke odaro emwi hia, wa gha ya ẹko ata ho ẹmwẹ egbe, rhunmwuda, aho ẹmwẹ ọmwa gbe ebe gue orukhọ ni bun.

I Jọn 1:5

Ọna ọrọre ẹmwẹ ne ima họn vbe unu Ovbi ẹre, ne ima vbe do tama uwa: Uwanmwẹ ọre Osanobua khin, ebiebi i vbe rre uwu irẹn hiehiere.

I Jọn 4:11

Ọse mwẹ ni ghaan, a deghẹ Osanobua ho ẹmwẹ mwa vbenian, ọ vbe kei khekherriọ ne ima gha ho ẹmwẹ egbe.

I Jọn 4:21

Rhunmwuda ọnii nian, iyi ne Kristi yi ne ima ọ na khin ọmwa ne ọ ho ẹmwẹ Osanobua, wẹ ne ovbe gha ho ẹmwẹ ọtiọnrẹn.

I Jọn 4:7

Ọse mwẹ ni ghaan, wa gie ima gha ho ẹmwẹ egbe rhunmwuda obọ Osanobua ọre aho ẹmwẹ ọmwa ke rre. Ọmwaikọmwa ne ọ mwẹ aho ẹmwẹ ọmwa, ovbi Osanobua nọ, ọ vbe rẹn Osanobua.

II Jọn 1:5

Rhunmwuda ọnii, ọre I na nọ ruẹn nian okpokhuo ne ọ ghaan, wẹ, ne uwa gie ima hia gha ho ẹmwẹ egbe. Ẹ i zẹdẹ re iyi ọgbọn ọre I gbẹn ebe ẹre guẹ, iyi ne a mu ye ima otọ ke omuhẹn wa gha dee ọre nọ.