I Jọn 2:9 - Edo Bible (E Baibol Ẹdo) Version 1996

⁹ Ọmwa ne ọ khare ighẹ uwu uwanmwẹ rẹn ye, ọ na gha khuiwu ọtiọnrẹn, uwu ebiebi ọre ọ ye, ye do sẹ wanwan na.

I Jọn 2:9 ပူးပေါင်းရင်းမြစ်များ

II Samuẹl 13:22

Absalọm ma vbe rhan unu ta ẹmwẹ ọkpa ma Amnọn. Ohu ẹre kegha mu Absalọm rhunmwuda, ọ ya ẹtin vbe iwegbe gu e Tama ne ovbiye ẹe ru emwi ọdọ vbe amwẹ.

Psalm 82:5

“Wa ma rẹn emwi rhọkpa hiehiere! A miẹn vbe uwa kọn hẹ! Te uwa wa kẹkẹ ua, a vbe ho ohiẹn ẹmwata bẹkun nẹ vbe agbọn.

Levitikọs 19:17

“Ghẹ mwẹ irhiaẹko ghe ọmwarhọkpa, sokpan guẹe dọlọ kugbe ne u ghẹ ya la ekpa ẹre mu orukhọ.

Iyẹn ne ọ Maan Ọghe Jọn 9:41

Jesu wanniẹn wẹẹ, “Akpawẹ te uwa rhu aro, wa ghẹ rria abe hiehie re, sokpan rhunmwuda ighẹ wa khare wẹẹ, ‘Ma bẹghe!’ irriabe nọkhua ọre uwa mwẹ.”

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

II Pita 1:9

Sokpan ọmwa ne ẹ i mwẹ enena, ẹ i ro iro dinmwi, sẹrriọ wẹ, ẹ i vbe bẹghe emwi ọ kevbe mianmian wẹ, a kpe orukhọ ẹre ni gberra kua nẹ.

I Jọn 1:6

Adeghẹ ma khare khekherriọ ighẹ rẹn ma gba mu obọ, ma na vbe gha ye rre uwu ebiebi, ọhọn ohoghe ma khin, vbe ẹmwẹ ne ima guan kevbe emwi ne ima ru.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.

I Jọn 2:4

A deghẹ orhunmwu ọkpa khare wẹ, “Mẹ rẹn ọnrẹn” ighẹ ẹ i vbe ya uhi ẹre ru emwi, ọmwa vberriọ, ọhọn ohoghe nọ, ẹmwata i vbe rre uwu ẹre.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 4:20

Adeghẹ ọmwa ọkpa khare wẹ, “Mẹ ho ẹmwẹ Osanobua,” ọ na gha khuiwu ọtiọnrẹn, ọhọn ohoghe nọ, rhunmwuda adeghẹ ọ ma ho ẹmwẹ ọtiọnrẹn ne ọ dẹghe, ẹ i ra sẹtin ho ẹmwẹ Osanobua ne irẹn i dẹghe.