I Jọn 2:8 - Edo Bible (E Baibol Ẹdo) Version 1996

⁸ Vbene ọ rhirhi gha ye hẹ, iyi ne I gbẹn gie uwa, ọghọgbọn nọ, a miẹn ẹmwata ne ọ rrọọ vbe uwu Kristi nẹ, uwanmwẹ ọre ọ ghi wa ladian nian.

I Jọn 2:8 ပူးပေါင်းရင်းမြစ်များ

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 36:9

Ehe ne u ye ọ re arrọọ hia ke rre, uwanmwẹ ruẹn ọ re ima ya bẹghe.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Aizaia 9:2

Iran ni te ka khian vbe uwu ebiebi miẹn uwanmwẹ nọkhua otọe aghọnghọn ọ re iran te ye usin banbanna nian, uwanmwẹ wan yan iran.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Matiu 4:16

Iran ni rre uwu ebiebi, gha miẹn uwanmwẹ nọkhua. Uwanmwẹ gha wan yan iran, ni rre otọe uwu ne ọ so ebiebi.”

Iyẹn ne ọ Maan Ọghe Luk 1:79

Rẹn wan uwanmwẹ ke ẹrinmwi rre, yan emwa hia ni rre ebiebi aghọnghọn uwu ne ọ dia owẹ mwa lele uro odẹ ọfumwegbe.”

Iyẹn ne ọ Maan Ọghe Jọn 1:9

Ọnọna ọrọre uwanmwẹ ne uwanmwẹ, uwanmwẹ ne ọ rrie agbọn do wan mu emwa hia.

Iyẹn ne ọ Maan Ọghe Jọn 12:35

Jesu tama iran wẹẹ, “Uwanmwẹ gha ye gu uwa mudia kpẹe kherhe. Wa yin uyinmwẹ ẹdẹ agbọn uwa vbene uwa na mwẹ uwanmwẹ, ne ebiebi ighe do hẹ rhu uwa rhunmwuda, ọmwa ne ọ khian vbe ebiebi ma rẹn ehe ne ọ rrie.

Iyẹn ne ọ Maan Ọghe Jọn 12:46

Te imẹ rrie agbọn zẹ vbe uwanmwẹ, ne ọmwaikọmwa ne ọ ya mwẹ yi ghẹ gha rre ebiebi.

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Iwinna 17:30

Osanobua ma ghi zẹ ye ẹmwẹ ẹghẹ ne emwa ne agbọn ma na rẹn nii, sokpan ẹghẹ na nian, ọ yi ẹre iyi ne emwa hia ni rre ehe hia wẹ ne iran lahin odẹ dan iran rre.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 13:12

Asọn ye egbe khian buan nẹ, te ẹdẹ ghi ra gbe. Wa gie ima viọ emwi igbinna ne a ya gbinna vbe uwu uwanmwẹ mwẹ obọ.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

II Timoti 1:10

Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Jọn 3:23

Emwi ne ọ khare ọrọre wẹ ne ima ya eni Ovbi ẹre Jesu Kristi yi, ne ima vbe gha ho ẹmwẹ egbe, zẹ vbene Kristi tama ima.

I Jọn 4:11

Ọse mwẹ ni ghaan, a deghẹ Osanobua ho ẹmwẹ mwa vbenian, ọ vbe kei khekherriọ ne ima gha ho ẹmwẹ egbe.

I Jọn 4:21

Rhunmwuda ọnii nian, iyi ne Kristi yi ne ima ọ na khin ọmwa ne ọ ho ẹmwẹ Osanobua, wẹ ne ovbe gha ho ẹmwẹ ọtiọnrẹn.