I Jọn 2:6 - Edo Bible (E Baibol Ẹdo) Version 1996

⁶ Ọmwa ne ọ kha re ighẹ uwu Osanobua ọre irẹn ye, we ne ọ gha yin zẹ vbene Jesu Kristi yinrin.

I Jọn 2:6 ပူးပေါင်းရင်းမြစ်များ

Psalm 85:13

Ẹmwata gha ke odaro ne Nọyaẹnmwa ọ gha ya dọlọ odẹ yi khẹ ọre.

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Iyẹn ne ọ Maan Ọghe Jọn 13:15

Igiemwi ọre I rhie ne uwa, wa ghi gha ru vbene I ruẹe ma uwa na.

Iyẹn ne ọ Maan Ọghe Jọn 15:10

Wa gha da uhi mwẹ yi, wa ghi gha rre uwu ahoẹmwọmwa mwẹ zẹ vbene imẹ da uhi Erha mwẹ yi ne imẹ na vbe gha rre uwu ahoẹmwọmwa rẹn.

I Kọrinti 11:1

Rhunmwuda ọnii, wa gha ru emwi khọ mwẹ zẹ vbene imẹ ru emwi khọ Kristi.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

I Pita 2:21

Ọna ọre Osanobua rhunmwuda ẹre tie uwa, rhunmwuda wẹ, Kristi tobọ ẹre rri oya, ọ keghi rhie igiemwi ne uwa wẹẹ, ne uwa gha lele ukpowẹ irẹn.

I Jọn 2:28

Erriọ nọ, wa ne ivbi mwẹ, wa mudia vbe uwu irẹn, ne afianma ghẹ fian ima vbe ẹdẹ ne ọ gha ya egbe ladian, ne ima ghẹ ya ya ekhọe lẹre hin ehe ne ọ ye rre, vbe Ẹdẹ ne ọ gha rre.

I Jọn 2:4

A deghẹ orhunmwu ọkpa khare wẹ, “Mẹ rẹn ọnrẹn” ighẹ ẹ i vbe ya uhi ẹre ru emwi, ọmwa vberriọ, ọhọn ohoghe nọ, ẹmwata i vbe rre uwu ẹre.

I Jọn 3:24

Ọmwa ne ọ rhirhi ye ẹmwẹ Osanobua ru emwi, Osanobua rre uwu irẹn, rẹn vbe rre uwu Osanobua, vbene ima ya rẹn ighẹ Osanobua rre uwu ima ọre ọre ọna khin: ma rẹnrẹn rhunmwuda Orhiọn ne ọ rhie ne ima.

I Jọn 3:6

Rhunmwuda ọnii, ọmwaikọmwa ne ọ rre uwu Kristi, ẹ i ghe sẹtin gha rrọọ khian vbe uwu orukhọ ne a ru. Ọmwaikọmwa ne ọ wa gha ru orukhọ khian, ọ ma he miẹn ọen, ọma he vbe rẹn ọnrẹn ẹdẹ.

I Jọn 4:17

Ọnọna ọrọre otọe ne a na ya aho ẹmwẹ ọmwa khian ne ọ gbae vbe uwu ima, ọnii nọ wẹẹ, ne afianma ghẹ fian mwẹ, vbe Ẹdẹ Ibuohiẹn, rhunmwuda vbene ẹdẹ agbọn Kristi ye vbe agbọn na ọre ọghomwa vbe ye.