I Jọn 2:5 - Edo Bible (E Baibol Ẹdo) Version 1996

⁵ Sokpan ọmwa ne ọ ya ẹmwẹ ọnrẹn ru emwi, ọrọre ọmwa ne a ye aho ne ọ mwẹ ghe Osanobua khian ne ọ gbae. vbenian ọre ima gha ya rẹn ighẹ uwu Osanobua ọre ima ye.

I Jọn 2:5 ပူးပေါင်းရင်းမြစ်များ

Psalm 105:45

Ne avbe emwa rẹn, miẹn ehe na gha ya uhi ẹre ru emwi ne iran vbe rhie iyi ẹre hia mwẹ. Wa rho e Nọyaẹnmwa!

Psalm 106:3

Afiangbe ọrọre ọghe iran, ni mu iyi ẹre sẹ, iran ni ru emwi ne ọgbae vbe ẹghẹ hia.

Psalm 119:146

Mẹ da tie ruẹ, miẹn mwẹ fan, I gha rhie uhi ruẹ mwẹ.

Psalm 119:2

Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.

Psalm 119:4

Nọyaẹnmwa, wẹ rhie uhi ruẹ ne ima nẹ, u na wẹ ne ima gha ya ẹe ru emwi ekhọe kekhọe.

Itan 28:7

Igbama ne ọ lele uhi ru emwi, umẹwaẹn nọ. Ọmọ ne ọ lele avbe emọ ni kẹkua khian, efaa ọ re ọ khin erha ẹe re.

Itan 8:32

“Banbanna nian, wa danmwehọ mwẹ, wa ne igbama, wa gha ru vbene I khare, wa gha miẹn oghọghọ.

Asan-Ibo 8:5

U gha ni zẹ vbene ọ khare, emwi rhọkpa i ru uẹ, ọmwa ne ọ wan rẹn ẹghẹ ne ọ kere kevbe vbene ọ gha ru ẹe hẹ.

Ezikiẹl 36:27

I gha rhie orhiọn mwẹ ye uwu uwa, I ghi vbe miẹn wẹ wa ya uhi kevbe iyi mwẹ ru emwi.

Iyẹn ne ọ Maan Ọghe Luk 11:28

Sokpan Jesu wanniẹn wẹẹ, “Gie ta ẹe vbe nian wẹẹ, umiẹn egie ne iran ye ighe iran ni họn ẹmwẹ Osanobua iran na vbe ya ẹe ru emwi.”

Iyẹn ne ọ Maan Ọghe Jọn 14:21

Ọmwa ne ọ rhirhi rhan obọ miẹn uhi mwẹ, ọ na vbe ya ẹe gha ru emwi, rẹn ọrọre ọmwa ne ọ ho ẹmwẹ mwẹ. Ọmwa ne ọ ho ẹmwẹ mwẹ, Erha mwẹ gha vbe ho ẹmwẹ ọnrẹn. Mẹ tobọ mwẹ gha ye egbe mwẹ naẹn miẹn.”

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Iyẹn ne ọ Maan Ọghe Jọn 15:5

“Mẹ ọrọre erhan azara, wa ọrọre abọ. Ọmwa ne ọ rhirhi di uwu imẹ ya, mẹ na vbe di uwu ẹre ya, gha mọ ẹsẹse, rhunmwuda vbe ne imẹ i na rre evba, emwi ọkpa ne uwa gha sẹtin ru i rrọọ.

Iyẹn ne ọ Maan Ọghe Jọn 6:56

Ọmwa ne ọ rri efun egbe mwẹ, ọ na vbe wọn esagiẹn mwẹ, rre uwu imẹ, mẹ vbe rre uwu irẹn.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

II Kọrinti 5:17

Ọmwaikọmwa gha yegbe ba Kristi nẹ, ọmwa ọgbọn ghi nọ, emwi nẹdẹ hia rrie, emwi ọgbọn rre nẹ.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Jems 2:22

A deghẹ u miẹn ọẹn? Iyayi ẹre, kevbe iwinna rẹn keghi ku obọ gbe, iwinna rẹn ọre a ya ya iyayi ẹre khian ne ọ gbae.

I Jọn 3:24

Ọmwa ne ọ rhirhi ye ẹmwẹ Osanobua ru emwi, Osanobua rre uwu irẹn, rẹn vbe rre uwu Osanobua, vbene ima ya rẹn ighẹ Osanobua rre uwu ima ọre ọre ọna khin: ma rẹnrẹn rhunmwuda Orhiọn ne ọ rhie ne ima.

I Jọn 4:17

Ọnọna ọrọre otọe ne a na ya aho ẹmwẹ ọmwa khian ne ọ gbae vbe uwu ima, ọnii nọ wẹẹ, ne afianma ghẹ fian mwẹ, vbe Ẹdẹ Ibuohiẹn, rhunmwuda vbene ẹdẹ agbọn Kristi ye vbe agbọn na ọre ọghomwa vbe ye.

I Jọn 4:18

Ohan i rre aho ẹmwẹ ọmwa, aho ẹmwẹ ọmwa ne ọ gbae, te ọ khu ohan hia kua. Rhunmwuda ọnii, ọmwa ne afianma fian, aho ẹmwẹ ọmwa rẹn, a ma he ya ẹe khian ne ọ gbae, rhunmwuda, ọnii a gha rri ọmwa oya ọre ọ mu ohan khian.

I Jọn 5:2

Vbenian ọre ima na rẹn ighẹ ma ho ẹmwẹ ivbi Osanobua, vbe ekpa ne a na hoẹmwẹ ọnrẹn kevbe ne a na vbe ru vbene iyi ẹre kha re.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

II Jọn 1:6

Aho ẹmwẹ ọmwa ne I ta ẹmwẹ ọnrẹn na ọrọre, wẹ ne ima gha ya avbe iyi ne Osanobua yi ru emwi. Nene iyi, zẹ vbene uwa họẹn ke omuhẹn gha dee ọrọre wẹ: wa hia gha rrọọ vbe uwu aho ẹmwẹ ọmwa.

Arhie Maan 12:17

Ẹghẹ nii ọre ohu okhuo ni na kakabọ mu Ugbogiorinmwi nii, ọ keghi ladian ya gha gu avbe uniẹn ọnrẹn ni dekẹe gbinna, avbe emwa hia ni ya uhi Osanobua ru emwi, iran keghi vbe rhie egbe mu avbe ẹmwata ne Kristi ta ladian.

Arhie Maan 14:12

I ziengbe ọre ọna nọ rẹn vbe obọ emwa Osanobua, iran ni lele uhi Osanobua ru emwi, ne iran na rhie gbe mu Jesu.