I Jọn 2:26 - Edo Bible (E Baibol Ẹdo) Version 1996

²⁶ I gbẹn ebe na gie uwa vbe ekpa iran ni ho ne iran gha mu uwa rẹrẹ.

I Jọn 2:26 ပူးပေါင်းရင်းမြစ်များ

Itan 12:26

Arọndẹ ọ re ọmwa esi khin ne avbe esiọre, sokpan, obẹlẹ ọmwa dan ghi de iran odẹ.

Ezikiẹl 13:10

“Avbe akhasẹ ọ re ọ de avbe emwa mwẹ odẹ vbekpa ne iran na bọ ọma ọma ne iran. Ẹ i zẹdẹ ye ẹse hiehiere. Avbe emwa mwẹ ye okuta ne wẹghẹwẹghẹ gbe ekẹn ọlẹga ẹvbo nẹ, avbe akhasẹ na do ya orhue dọlọ ẹe.

Iyẹn ne ọ Maan Ọghe Mak 13:22

Rhunmwuda Mẹzaia ohoghe kevbe akhasẹ ohoghe ni bun gha rre. Iran gha winna iwinna ọyunnuan, a deghẹ ọ gie iran ru ne iran ya hiẹ emwa ne Osanobua hannọ zẹ mu ru.

Kọlose 2:18

Ghẹ gie ọmwaikọmwa ne ọ wẹ irẹn sẹ ruẹ, rhunmwuda ighẹ rẹn miẹn umian suẹ gọọ, ne ọ gba ẹmwẹ imuegberriotọ ọghe abawẹ mu unu, deba avbe odibosa ne a ghoo. Egbe ọre ọ mu emwa vberriọ, vbe. ne ẹ i na vbe mwẹ emwi ne ọ si ẹe, rhunmwuda, erriọ iro ekhọe ẹre la ghe, zẹ vbe ọmwa kẹkan.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

I Timoti 4:1

Te Orhiọn wa ta ẹe gbe ẹe ẹre ẹho rua wẹ, ọ gha sẹ ẹdẹ okiekie, emwa ni bun gha mu iyayi fua, iran ghi gha ru ne orhiọn ohoghe khare kevbe iruẹmwi esu.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

I Jọn 3:7

Emọ, wa ghẹ gie ọmwaikọmwa mu uwa rẹrẹ, ọmwaikọmwa ne ọ ru emwi ne ọ kere, ọmwa ẹmwata nọ zẹ vbene Kristi vbe re ọmwa ẹmwata.

II Jọn 1:7

Avbe ọrẹrẹ ọmwa ni bun vẹ ku agbọn hia, emwa ni ma tae wẹ Jesu Kristi gele khian ọmwa ne ọ sẹtin wu. Egbe ọmwa vberriọ, ọrẹrẹ ọmwa nọ. Rẹn ọrọre oghian Kristi.