I Jọn 2:25 - Edo Bible (E Baibol Ẹdo) Version 1996

²⁵ Ọnọna ọrọre emwi ne Kristi vbe kha ighẹ, rẹn gha rhie ne ima, ọnii nọ wẹẹ, arrọọ ne ẹ i mwẹ ọfo.

I Jọn 2:25 ပူးပေါင်းရင်းမြစ်များ

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Iyẹn ne ọ Maan Ọghe Luk 18:30

gha mwẹ ni bun sẹ ọnii ẹsẹse vbe agbọn na. Ọ ghi vbe gha mwẹ ẹfe ne ẹ i mwẹ ọfo vbe agbọn ne ọ dee.”

Iyẹn ne ọ Maan Ọghe Jọn 10:28

Mẹ rhie arrọọ etẹbitẹ ne iran nẹ, iran i ghi wu ẹdẹ, ọmwa ne ọ gha sẹtin sanmwẹ iran rhie vbe obọ mwẹ i rrọọ.

Iyẹn ne ọ Maan Ọghe Jọn 12:50

Mẹ rẹnrẹn wẹ arrọọ etẹbitẹ ọre ẹmwẹ ọnrẹn rhie rre. Rhunmwuda ọnii, ẹmwẹ ne I guan, Erha mwẹ, ọre ọ gie mwẹ ne I kha vberriọ.”

Iyẹn ne ọ Maan Ọghe Jọn 3:15

Ne ọmwa ne ọ rhirhi yae yi miẹn ehe na gha mwẹ ẹfe ne ẹ i mwẹ ọfo.

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iyẹn ne ọ Maan Ọghe Jọn 6:40

Rhunmwuda emwi ne Erha mwẹ ho ọrọre wẹẹ avbe emwa hia ni miẹn Ọmọ, iran na vbe yae yi, ne iran gha mwẹ arrọọ ne ẹ i fo, mẹ ghi vbe huẹn iran hia kpaegbe vbe ẹdẹ okiekie.”

Iyẹn ne ọ Maan Ọghe Jọn 6:47

Ne I ta ẹmwata ma uwa, ọmwa ne ọ yayi, mwẹ arrọọ ne ẹ i mwẹ ọfo.

Iyẹn ne ọ Maan Ọghe Jọn 6:54

Ọmwaikọmwa ne ọ rri efun egbe mwẹ, ọ na vbe wọn esagiẹn mwẹ, mwẹ arrọọ ne ẹ i fo, mẹ gha vbe huẹn ọnrẹn kpaegbe vbe ẹdẹ okiekie.

Iyẹn ne ọ Maan Ọghe Jọn 6:68

Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Galatia 6:8

Ọ gha kọ emwi ne egbe ho ye ugbo, evba ọre ọ ra na ya rhọ emwiorhọ uwu, a deghẹ ọ vbe kọ emwi ne ọre ọghe Orhiọn, ke uwu Orhiọn ni rre, ọre ọ gha na rhọ emwiorhọ ẹfe ne ẹ i mwẹ ọfo.

I Timoti 1:16

Sokpan, ọna ọre ọ si ẹe ne Osanobua na tohan mwẹ, ne Kristi Jesu miẹn ehe na rhie maa vbe ne ọ mwẹ izin egbe hẹ vbe obọ ne ọ ya gha mu mwẹ, ighẹ mẹ ne ọ ka ẹrhia, ne ọ ya ru igiemwi ma emwa ni gha ghi do yayi hia, ne iran vbe miẹn arrọọ ne ẹ i mwẹ ọfo rhie.

I Timoti 6:12

Ye ẹtin ruẹn hia rhulẹ vbe ulẹ iyayi na, ne u ya obọ ruẹ khọn mu ẹfe etẹbitẹ, rhunmwuda, arrọọ vberriọ ọre Osanobua tie ruẹ yi, vbe ẹghẹ ne u na tobọ ruẹ ye unu miẹn kue, vbe sirra osẹe ni bun.

I Timoti 6:19

Odẹ vbenian ọre iran gha na si koko ne egbe iran, emwi ewe ne ọ gha re ẹyotọ ne ọ deziẹn, ne iran ẹdẹ ne akhuẹ. Ẹghẹ nii, iran gha sẹtin khọn miẹn arrọọ ọghe ẹmwata.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Taitọs 3:7

Ne a sẹtin la ekpa ẹsọhẹ ọghe ọe dọlọ ima kugbe ba Osanobua, ne ẹfe ẹtẹbitẹ ne ima danmwehọ ẹre miẹn ehe na sẹ ima obọ.

I Jọn 1:2

Ugbẹn vbe arọọ na ghi khian ne a ye aro bẹghe nẹ, ma tobọ mwa miẹn ọẹn, rhunmwuda ọnii, ma keghi ta ẹmwẹ ọnrẹn, ma keghi ta ẹmwẹ arrọọ etẹbitẹ nii, ne ọ gha gu Evbavba rrọọ, ne a vbe do rhie ma ima, ma uwa.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

Ebe ne Jud gbẹẹn 1:21

Wa ghi vbe mudia vbe uwu aho ẹmwẹ ọmwa Osanobua, zẹ vbene uwa mudia khẹ Nọyaẹnmwa Jesu Kristi ne ọ gha la ekpa itohan rẹn rhie ẹfe ne ẹ i fo ne uwa.