I Jọn 2:18 - Edo Bible (E Baibol Ẹdo) Version 1996

¹⁸ Ivbi mwẹ, ufomwẹ sẹ otọ fo nẹ. A khama uwa wẹ, Oghian Kristi gha rre, banbanna nian, eghian Kristi ni bun rhie egbe ma nẹ, rhunmwuda ọnii, ma rẹnrẹn wẹ, ufomwẹ sẹ otọ fo nẹ.

I Jọn 2:18 ပူးပေါင်းရင်းမြစ်များ

Matiu 24:11

Ẹghẹ ni ọre akhasẹ ohoghe ni bun gha na ladian, iran ghi vbe rẹrẹ ọkhọngborrie re.

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 24:5

Rhunmwuda, emwa ni bun gha rre vbe eni mwẹ wẹẹ, ‘Mẹ ọrọre nene Mẹzaia,’ iran ghi vbe rẹrẹ emwa ni bun re.

Iyẹn ne ọ Maan Ọghe Mak 13:6

Emwa ni bun gha rre vbe eni mwẹ wẹ, ‘Mẹ ọre nọ,’ ọ ghi hiẹ emwa mwẹ mu ru.

Iyẹn ne ọ Maan Ọghe Jọn 21:5

Rẹn keghi tama iran wẹẹ, “Ivbi ikpia, obọ uwa vba emwi ra?” Iran wanniẹn wẹẹ, “Hiehie re.”

Ebe ne Pọl gbẹẹn gie emwa Rom 13:11

Ọ kere ne uwa gha ru vbenian, rhunmwuda, wa rẹn vbene ẹghẹ kha hẹ na, ẹghẹ sẹ ne uwa gha ya rhiọrre vbe ovbe. Rhunmwuda, ẹghẹ ne a gha ya miẹn ima fan, ẹghẹ na ọre ọ na sikẹ otọ sẹ vbene ọ ye ẹghẹ ne ima na da yayi.

Ebe ne Pọl gbẹẹn gie emwa Rom 13:12

Asọn ye egbe khian buan nẹ, te ẹdẹ ghi ra gbe. Wa gie ima viọ emwi igbinna ne a ya gbinna vbe uwu uwanmwẹ mwẹ obọ.

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

II Pita 3:3

Okaro, wa rẹnrẹn wẹ, ọ gha sẹ ẹdẹ okiekie, emwa eso gha rrọọ ne a gha miẹn wẹ, orriarria iran ọre ọ tama iran emwi ne iran gha ru vbe agbọn. Iran ghi gha ya uwa gbe ogiẹ.

I Jọn 2:22

Gha ọ ghi re nene ọhọn ohoghe khekherriọ? Rẹn nọ ighẹ ọmwa ne ọ khare ighẹ Jesu i re nene Kristi: Ọnọna ọrọre nene Oghian Kristi, ọ ma rhan obọ miẹn Erha kevbe Ọmọ.

I Jọn 4:1

Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.

I Jọn 4:3

Ọmwa ne ọ rhirhi kha ighẹ ohoghe ọna khin vbe ekpa ọghe Jesu, ẹ i mwẹ orhiọn ne ọ ke obọ Osanobua rre, Orhiọn nii, obọ Oghian Jesu ọre ọ ke rre, wa ka họn nẹ wẹ, ọ gha rre, wanwanna nian, ọ rre emwa na nẹ vbe agbọn na.

II Jọn 1:7

Avbe ọrẹrẹ ọmwa ni bun vẹ ku agbọn hia, emwa ni ma tae wẹ Jesu Kristi gele khian ọmwa ne ọ sẹtin wu. Egbe ọmwa vberriọ, ọrẹrẹ ọmwa nọ. Rẹn ọrọre oghian Kristi.

Ebe ne Jud gbẹẹn 1:18

Rhunmwuda iran khare wẹẹ, “Ọ gha ghi sẹ ẹdẹ okiekie, emwa eso gha rre, iran ni gha do gha ya uwa gbe ogiẹ, emwa ni gha ru emwi dan ni rre iran ekhọe.”