I Jọn 1:8 - Edo Bible (E Baibol Ẹdo) Version 1996

⁸ Deghẹ ma khare ighẹ ma i mwẹ orukhọ, te ima rẹrẹ egbe mwa, ẹmwata i vbe rre uwu ima.

I Jọn 1:8 ပူးပေါင်းရင်းမြစ်များ

I Ọba 8:46

“A deghẹ emwa ruẹn ghi rukhọ ghe ruẹ, rhunmwuda a i miẹn ọmwa ne ẹ i ru orukhọ, ighẹ ohu mu ẹẹn, u na gie obọ eghian iran ke okhunmwu ne iran, iran na viọ iran oghunmwu gha rrie otọe ẹvbo ọvbehe, vbene ọ rhirhi rrei sẹ hẹ,

II Ọba 20:15

“De emwi ne iran miẹn vbe ẹguae?” Iran wa miẹn emwi hia, emwi ọkpa i vbe rre aza ne I ma rhie ma iran.

II Krọnikol 6:36

“Emwa ruẹn gha rukhọ ghe ruẹ, — a i miẹn ọmwa ne ẹ i ru orukhọ — ighẹ ohu na mu ẹẹn, u na gie obọ eghian iran ke okhunmwu, iran na vbe hẹ iran oghunmwu gha rrie ẹvbo ọvbehe, ọ gha khọn rẹn ne ẹvbo nii wa gha rrei.

Job 14:4

Emwi ọkpa ne ọ huanrẹn, ne ọ gha sẹtin ke uwu emwi ne ọ gbe iruẹn zẹ vbene ọmwa nagbọn ye rre, ẹ i rrọọ.

Job 15:14

“A gha miẹn ọmwa ne ọ gele wa huan fo ra? A gha miẹn ọmwa ne ọ wa gba na vbe odaro Osanobua ra?

Job 25:4

A gha miẹn ọmwa ne ọ re ọmwata kevbe ne ẹ i mwẹ iruẹn vbe odaro Osanobua ra?

Psalm 143:2

Ghẹ danmwẹ imẹ ne ọguọmwadia ruẹ ghe; a i miẹn ọmwa ne ọ fo na vbe odaro ruẹ.

Itan 20:9

A gha gele miẹn ọmwa ne ọ gha sẹtin kha wẹ ekhọe irẹn i gu irẹn gui hiehiere kevbe wẹ rẹn wa khọnmiotọ nẹ vbe uhunmwu orukhọ irẹn hia.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Jerimaia 2:35

Te uwa ye kha wẹẹ, ‘I ma rẹn okpa I ma rẹn eva, e Nọyaẹnmwa i ghi mu ohu mwẹ ọvbehe.’ Sokpan, mẹ ne Nọyaẹnmwa gha rri uwa oya, rhunmwuda ne uwa na siẹn ne uwa na tae na ighe wa ma rukhọ.

Levitikọs 13:12

A deghẹ emianmwẹ ikpakpa nii ghi vẹ, ọ na wa gba ọmwa nii egbe ke uhunmwu ya sẹ ikpinhianwẹ,

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Ebe ne Pọl gbẹẹn gie emwa Rom 3:10

Zẹ vbene Ebe kha re: “Ukpo orhiọnkpa ne ọ la ẹre ekhọe ẹ i rrọọ,

Ebe ne Pọl gbẹẹn gie emwa Rom 3:23

Rhunmwuda, emwa hia ru orukhọ nẹ, iran keghi vbe khian rrei ne uyi imiẹnfan Osanobua.

I Kọrinti 3:18

Ọmwa rhọkpa ghẹ rẹrẹ egbe. Deghẹ a miẹn ọmwa ọkpa vbe uwu uwa ne ọka egbe ẹre ye umẹwaẹn, zẹ vbene emwa ne agbọn ya kha ighẹ ọmwa wan, wẹ ne ọ heko khian akpa, ne ọ miẹn ehe na do gha wan vbe ẹmwata.

Galatia 6:3

A deghẹ orhiọnkpa tie egbe ẹre ọmwa kpataki, ugbẹn vbe ẹ i mwẹ emwi ne ọ khin, egbe ẹre ọre ọ rẹrẹ.

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.

II Pita 2:13

A gha vbe ye oya ne a re ha iran osa ye oya ne iran si ye emwa ọvbehe egbe. Emwi ne Ọ ya ẹko iran rhiẹnrhiẹn ọrọre ne iran gha ru avbe emwi nii, ni gha vuọn iran ẹko oregbe nii, vbe ogiavan, emwi ekhue kevbe ne ọ mu ọmwa eni rhia, ọre iran khin vbe iran a deba uwa gha rri evbare, sevba, iran ghi ye gha gbọgọlọbọ vbe odẹ erẹrẹ iran.

I Jọn 1:10

Ma gha kha ighẹ ma ma ru orukhọ, ma ye Osanobua mwa khian ọhọn ohoghe, ẹmwẹ ọnrẹn i vbe re uwu ima.

I Jọn 1:6

Adeghẹ ma khare khekherriọ ighẹ rẹn ma gba mu obọ, ma na vbe gha ye rre uwu ebiebi, ọhọn ohoghe ma khin, vbe ẹmwẹ ne ima guan kevbe emwi ne ima ru.

I Jọn 2:4

A deghẹ orhunmwu ọkpa khare wẹ, “Mẹ rẹn ọnrẹn” ighẹ ẹ i vbe ya uhi ẹre ru emwi, ọmwa vberriọ, ọhọn ohoghe nọ, ẹmwata i vbe rre uwu ẹre.

I Jọn 4:20

Adeghẹ ọmwa ọkpa khare wẹ, “Mẹ ho ẹmwẹ Osanobua,” ọ na gha khuiwu ọtiọnrẹn, ọhọn ohoghe nọ, rhunmwuda adeghẹ ọ ma ho ẹmwẹ ọtiọnrẹn ne ọ dẹghe, ẹ i ra sẹtin ho ẹmwẹ Osanobua ne irẹn i dẹghe.

II Jọn 1:2

Rhunmwuda wẹ, ẹmwata rre uwu ima nẹ, ọ gha vbe gu ima gha rrọọ rhinrin ẹdẹ.

III Jọn 1:3

Ẹko hia keghi rhiẹnrhiẹn mwẹ uan vbe etẹn eso rre, iran na do khama mwẹ vbene u rhie ekhọe lele ẹmwẹ ẹmwata ni hẹ zẹ vbene u gele ka wa ru dee vbe ẹmwata.