I Jọn 1:3 - Edo Bible (E Baibol Ẹdo) Version 1996

³ Emwi ne aro mwa sẹe, kevbe ne ehọ mwa họẹn, ọre ima vbe tama uwa ne uwa miẹn ehe na ya egbe ba mwa vbe uwu ne ima na gu Evbavba mu obọ kevbe Ovbi ẹre ighẹ Jesu Kristi.

I Jọn 1:3 ပူးပေါင်းရင်းမြစ်များ

Job 13:1

“Ẹmwẹ ne u wa talọe hia, I ka họn ehia de yi. I rẹn otọ ehia. Mẹ vbe rẹn sẹ zẹ vbene uwa vbe rẹn. I i re ne ọ ma sẹ ihe uwa.

Psalm 2:7

Ọba khare wẹẹ, “Mẹ gha wewe ẹmwẹ ne Nọyaẹnmwa tama mwẹ. Rẹn khama mwẹ wẹẹ, ‘Wẹ ọrọre ovbi mwẹ, ẹrẹ ọ re imẹ khian erhaa.

Psalm 22:22

I gha na iyẹn emwi ne u ru mẹ, ma emwa mwẹ. I gha rho ruẹ vbe uwu ẹbu iran:

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Nọmbas 10:32

U gha lele ima gha dee, ma gha ghae ne uẹn vbe afiangbe hia ne Nọyaẹnmwa rhie ne ima.

Iyẹn ne ọ Maan Ọghe Jọn 17:11

Wanwanna nian, mẹ bu ruẹ dee, mẹ i ghi rre agbọn na sokpan iran ye rre agbọn na, Evbavba Ne Ọ Huanrẹn ya ẹtin eni ruẹn gbe ebe gue iran, eni ne u mu mẹ nii, ne iran miẹn ehe na gha re ọkpa zẹ vbe ne ima vbe ruẹ vbe re ọkpa.

Iyẹn ne ọ Maan Ọghe Jọn 17:21

I rinmwian ne iran hia gha re ọkpa. Evbavba, gie iran gha rre uwu ima ne agbọn miẹn ehe na yayi ighẹ wẹ ọre ọ gele gie mwẹ.

Iyẹn ne ọ Maan Ọghe Jọn 17:25

Erha ne ẹ i bu eku, agbọn na ma rẹn ruẹn, sokpan mẹ rẹn ruẹn, iran na vbe rẹn ighẹ, wẹ ọre ọ gele gie mwẹ.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 19:35

Ọmwa ne aro ẹre sẹ emwi na ọre ọ ta ẹe. Ma rẹnrẹn ighe ẹmwata ọre ọ ta ẹe, ne uwa miẹn ehe na yayi.)

Iwinna 13:32

Iyẹn Ne ọ maa nii ọre ima rhie bu uwa rre, emwi ne Osanobua ve avbe erha mwa odede e, ọre ọ ghi do ru ne ima na, ma ni re ivbi uniẹn iran, vbekpa ne ọ na huẹn Jesu kpaegbe ye agbọn. Zẹ vbe ne a gbẹn ọẹn ye ebe ne ogieva ọghe Psalm: “ ‘Wẹ ọrọre ovbi mwẹ. Ẹrẹna I khian Erha a.’

Iwinna 13:41

“ ‘Ghe, wa ne ọkpọzua, wa gie ẹe yan uwa aro ua ne uwa wulo! Rhunmwuda iwinna ne I winna vbe ẹghẹ rua na keghi re emwi ne uwa i ra yayi, a gha rhe miẹn ne ọ rhan otọ ẹre ma uwa!’ ”

Iwinna 2:42

Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.

Iwinna 20:27

Rhunmwuda, emwamwa Osanobua hia, ọkpa ne I ke ya ne I ma tama uwa ẹ i rrọọ.

Iwinna 4:20

Rhunmwuda, ẹ i gie ima ru wẹ emwi ne aro ima sẹe nẹ, ehọ mwa vbe họn ẹn nẹ, ne a ghẹ ghi ta ẹe ladian.”

Ebe ne Pọl gbẹẹn gie emwa Rom 15:27

Iran ọre ọ tobọ iran kha ighẹ iran ra ruẹe, sokpan ne a ta ẹmwata, te ọ bi ye iran egbe ne iran ye avbe ivbiogue nii obọ. Rhunmwuda avbe Ju ghae afiangbe ọghe orhiọn iran sẹ iran ne ẹ i re Ju obọ. Rhunmwuda ọnii, te ọ vbe kei ne iran ne ẹ i re Ju vbe ya emwi afiangbe ne ọ re ọghe egbe ne iran mwẹ, ga avbe Ju.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

I Kọrinti 1:9

Osanobua ne ọ tie uwa ne uwa do gha gu Jesu Kristi ne Ovbi ẹre mu obọ, ọmwa ne ọ kere ne a mu ẹtin yan nọ.

I Kọrinti 15:1

Etẹn mwẹ, I ho ni dọlegbe ye uwa ẹre rre ighẹ Iyẹn Ne ọ maa ne I kpe orhu ẹre ma uwa, ne uwa vbe rhan obọ miẹn nẹ, kevbe ne iyayi uwa mudia yan gbain.

Ẹfisọs 3:6

Nene oro ọ na khin wẹẹ, rhunmwuda iyẹn ne ọ maa, iran ne ẹ i re Ju, vbe gu iran ne Ju ghae vbe afiangbe Osanobua ina egbe ọkpa nii ọre iran hia khin, iran vbe mwẹ oghae vbe emwi ne Osanobua la ekpa Kristi Jesu ve.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

Filipai 2:1

Ẹdẹ agbọn ruẹn vbe uwu Kristi rhie iwegbe nuẹn ra? Wẹ gu nene Orhiọn mu obọ ra? Wa mwẹ itohan kevbe ẹnina egbe ra?

Filipai 3:10

Emwi ne I ghi ho ọrọre ne I rẹn Kristi, ne I vbe miẹn ẹtin arhiọkpaegbe ẹre vbe egbe mwẹ, ne I ghae vbe uwu oya ne ọ re, ne I vbe do gha ye vbe irẹn vbe uwu ne ọ wu.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

I Tẹsalonaika 1:10

Kevbe ne uwa do gha diakhẹ Ovbi ẹre ne ọ ke ẹrinmwi tuorre gha dee, Jesu ne Ovbi ẹre, ọmwa ne irẹn huẹn kpaegbe vbe orinmwi, ọmwa ne ọ miẹn ima fan vbe obọ ohu Osanobua ne ọ dee.

I Timoti 6:2

Eviẹn ọmwa ne arowa ẹre re ọmwa ne ọ yayi, wẹ ne iran ghẹ miẹn iran fo rhunmwuda ighẹ etẹn iran khin, sokpan te ọ kere ne iran gha ga iran sẹ ayọ, rhunmwuda emwa ne ọ rri ere iwinna ne iran winna keghi vbe re emwa ni yayi ne iran ho ẹmwẹ ọnrẹn. U ghi ye emwi na kpe orhu, u ghi vbe ya ẹe gha ma emwa emwi.

Hibru 2:12

Zẹ vbene ọ tae wẹẹ, “Osanobua I gha ta emwi ne u ru ma etẹn mwẹ, I gha so ihuan rho ruẹ, vbe ehe ne iran gbe ẹbu yi.”

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

II Pita 1:16

Rhunmwuda, ẹ i re umaranmwẹ ne a zẹ ta, ma mu ẹtin yan, vbe ima rhie urremwẹ ẹtin ọghe Nọyaẹnmwa Jesu Kristi ma uwa. Aro ima ọre ima ya miẹn ukpọlọmwẹ ọnrẹn.

I Jọn 1:1

Ẹmwẹ arrọọ ne ọ wa rrọọ ke omuhẹn gha dee, ọre ima gbẹn ebe ẹre gie uwa na. Ma họẹn nẹ, ma ye aro ima miẹn ọẹn, vbe ẹmwata, te ima miẹn ọẹn, ma na vbe ye obọ kan rẹn.

I Jọn 1:5

Ọna ọrọre ẹmwẹ ne ima họn vbe unu Ovbi ẹre, ne ima vbe do tama uwa: Uwanmwẹ ọre Osanobua khin, ebiebi i vbe rre uwu irẹn hiehiere.

I Jọn 1:7

Sokpan deghẹ ma rre uwu uwanmwẹ zẹ vbene irẹn vbe rre uwu uwanmwẹ, ẹghẹ nii, ọre ima na gu egbe mu obọ, esagiẹn Jesu ne Ovbi ẹre ghi ye ima khian ne ọ huanrẹn hin orukhọ hia rre.