I Jọn 1:10 - Edo Bible (E Baibol Ẹdo) Version 1996

¹⁰ Ma gha kha ighẹ ma ma ru orukhọ, ma ye Osanobua mwa khian ọhọn ohoghe, ẹmwẹ ọnrẹn i vbe re uwu ima.

I Jọn 1:10 ပူးပေါင်းရင်းမြစ်များ

Job 15:14

“A gha miẹn ọmwa ne ọ gele wa huan fo ra? A gha miẹn ọmwa ne ọ wa gba na vbe odaro Osanobua ra?

Job 24:25

De ọmwa ne ọ gha sẹtin kha yi ighe ẹ i re erriọ ọ na gele ye? Ọmwa rhọkpa gha sẹtin rhie maa ra wẹ, ẹmwẹ ne I ta ẹe i re ẹmwata?”

Psalm 130:3

Wẹ gha wẹ ne u ka orukhọ mwa ye ima owẹ, de ọmwa okpa ne ai ra bu abe gbe?

Jerimaia 2:35

Te uwa ye kha wẹẹ, ‘I ma rẹn okpa I ma rẹn eva, e Nọyaẹnmwa i ghi mu ohu mwẹ ọvbehe.’ Sokpan, mẹ ne Nọyaẹnmwa gha rri uwa oya, rhunmwuda ne uwa na siẹn ne uwa na tae na ighe wa ma rukhọ.

Iyẹn ne ọ Maan Ọghe Jọn 3:33

Ọmwaikọmwa ne ọ rhirhi ya ẹmwẹ ọnrẹn yi gha la evba rhie ma ighe ẹmwata ọre Osanobua khin.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

I Jọn 1:8

Deghẹ ma khare ighẹ ma i mwẹ orukhọ, te ima rẹrẹ egbe mwa, ẹmwata i vbe rre uwu ima.

I Jọn 2:14

I gbẹn ebe gie uwa, wa ne ibiẹka, rhunmwuda, wa rẹn Evbavba. I gbẹn gie uwa, wa ne Erha, rhunmwuda, wa rẹn irẹn ne ọ wa rrọọ ke omuhẹn gha dee. I gbẹn gie uwa, wa ne igbama, rhunmwuda, wa wo vbe egbe, ẹmwẹ Osanobua rre uwu uwa, wa vbe maẹn Ọmwa Dan ni.

I Jọn 2:4

A deghẹ orhunmwu ọkpa khare wẹ, “Mẹ rẹn ọnrẹn” ighẹ ẹ i vbe ya uhi ẹre ru emwi, ọmwa vberriọ, ọhọn ohoghe nọ, ẹmwata i vbe rre uwu ẹre.

I Jọn 4:4

Sokpan, wa ne ivbi mwẹ, ọ ghe Osanobua ọre uwa khin, wa vbe munọ avbe akhasẹ ohoghe gbe otọ nẹ, rhunmwuda Orhiọn ne ọ rre uwu uwa wo vbe egbe sẹ orhiọn ne ọ rre uwu iran ni re ọ ghe agbọn na.

I Jọn 5:10

Rhunmwuda ọnii, ọmwaikọmwa ne ọ ya Ovbi Osanobua yi, mwẹ osẹe na vbe uwu ekhọe ẹre. Sokpan ọmwaikọmwa ne ọ ma ya Osanobua yi, ya ẹe khian ọhọn ohoghe nẹ, rhunmwuda osẹe ne Osanobua sẹe vbe ekpa Ovbi ẹre ọ ma yae yi.

II Jọn 1:2

Rhunmwuda wẹ, ẹmwata rre uwu ima nẹ, ọ gha vbe gu ima gha rrọọ rhinrin ẹdẹ.