Iwinna 9:8 - Edo Bible (E Baibol Ẹdo) Version 1996

⁸ Sọl keghi kpaegbe vbe otọ, ọ na rhan aro a, sokpan ọ ma bẹghe emwi rhọkpa. Rhunmwuda ọnii, iran keghi rhie ẹre obọ, iran na rhie ẹre la Damaskọs.

Iwinna 9:8 ပူးပေါင်းရင်းမြစ်များ

Gẹnẹsis 14:15

Rẹn vbe emwa rẹn keghi ghae ye otu vbe evba, iran keghi dekun iran vbe odẹ ekẹn ọghe Damaskọs.

Gẹnẹsis 19:11

Iran na rhu ikpia hia ni rre ore aro vbe ne iran ma na ghi rẹn onurho.

Ẹksọdọs 4:11

E Nọyaẹnmwa keghi tama rẹn wẹẹ, “De ọmwa ne ọ rhie unu ọmwa nẹẹn yi? Gha ọ ya ẹe khian odin ra ayin ehọ? Gha ọ rhie adẹghe nẹẹn ra ne ọ ya ẹe rhu aro? Mẹ ne Nọyaẹnmwa nọ.

Iwinna 13:11

Obọ Nọyaẹnmwa ra vba ruẹ nian, u gha rhu aro, u i ghi ra bẹghe uwanmwẹ ẹdẹ ọ te sẹ ẹghẹ eso.” Vbe ọwarọkpa nii, Elimas ghi ghe ighogho amẹ nekhui rhu gue irẹn aro, ọ na gha bibi yo bibi rre gualọ ọmwa ne ọ gha rhie irẹn obọ.

Iwinna 22:11

I keghi rhu aro rhunmwuda awanwan nii, rhunmwuda ọnii, avbe iho mwa keghi rhie mwẹ obọ, iran na rhie mwẹ gha rrie Damaskọs.

Iwinna 9:18

Vbe ọwarọkpa nii, emwi eso ne Ọ yevbe erhuan ehẹn keghi dele hiẹn aro e Sọl rre, ọ keghi dọlegbe gha dẹghe. Ọ keghi kpaegbe, a na sa amẹ nẹẹn.

Iwinna 9:9

Vbe ikpedẹ eha vbọ ọ ma sẹtin bẹghe, vbe uwu ẹghẹ nii, ọ ma re ọ ma da.

II Kọrinti 11:32

Ẹghẹ ne I na gha rre Damaskọs, enọkhaemwisẹ vbe ototọ Aretas ne ọba, keghi gie emwa ya gha khẹ onurho ẹvbo nii wẹ ne iran mu mwẹ.

Galatia 1:17

I ma vbe ye Jerusalẹm ya miẹn avbe iran ni ka gha re ukọ khẹ mwẹ. Sokpan, I na mwa gha rrie Arebia, vbe iyeke ọnii, I na vbe dọlegbe gha die Damaskọs.