Iwinna 9:6 - Edo Bible (E Baibol Ẹdo) Version 1996

⁶ Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Iwinna 9:6 ပူးပေါင်းရင်းမြစ်များ

Psalm 25:12

Iran ni họn ẹmwẹ ne Nọyaẹnmwa, gha ruẹ emwi vbe ehe ne ọ ye odẹ ne ọ kere ne iran lele.

Psalm 94:12

Nọyaẹnmwa, afiangbe nọ ne ọmwa ne uwẹ ma ẹre emwi, ọmwa ne uwẹ ma ẹre uhi ruẹ!

Aizaia 57:18

“I miẹn vbene iran ru hẹ nẹ, sokpan, I gha mu iran egbe rran, I gha su iran gha khian I ghi ru iyobọ ne iran, I gha vbe fu iran ni khiẹ ẹko rre.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Ezikiẹl 2:1

“Ovbi ọmwa, kpaegbe mudia ighe I ra guẹ guan.”

Ezikiẹl 3:22

I keghi wa gha hẹnmwẹ ẹtin nọkhua ọghe Nọyaẹnmwa vbe egbe, I keghi họn vbe ọ tama mwẹ wẹẹ, “Kpaegbe ne u ladian gha rrie uwu iya, I gha guẹ guan vbe evba.”

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Matiu 19:30

Sokpan ni bun vbe uwu iran ni ke aro nian gha do khian ni ke iyeke, iran ni te ke iyeke ghi do ke odaro.

Iyẹn ne ọ Maan Ọghe Luk 3:10

Avbe emwa ni keghi nọ rẹn wẹ, “Vbe ua wẹ ne ima ru?”

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Iwinna 10:32

Gie emwa gha rrie Jopa ne u ya tie ọmwa ọkpa ne a tie eni ẹnrẹn Saimọn Pita. Owa Saimọn ne Ọsohian ne ọ rre ọkpẹn ẹzẹ ọre ọ dia.’

Iwinna 10:6

Owa Ọsohian Saimọn ne ọ rre ọkpẹn ẹzẹ ọre ọ ye.”

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

Iwinna 22:10

Mẹ keghi nọ wẹẹ, ‘Vbe i a gha ru yi Nọyaẹnmwa?’ Nọyaẹnmwa keghi tama mwẹ wẹ, ‘Kpaegbe ne u gha rrie Damaskọs, odọ nii a gha na tama ruẹn emwi ne Nọyaẹnmwa mwamwa ye otọ khẹ ruẹ ne u gha ru.’

Iwinna 26:16

Sokpan kpaegbe ne u ya owẹ ruẹ mudia. Te I rhie egbe ma ruẹn ne I miẹn ehe na rhie ruẹ ya ru ọguọmwadia mwẹ. U ghi ya gha tama emwa ọvbehe emwi ne aro ruẹ sẹe vbe egbe mwẹ ẹrẹna, kevbe avbe ọvbehe ni bun ne I gha he viọ ma ruẹn.

Iwinna 9:5

Rẹn keghi nọọn wẹ, “Gha nọ yi Nọyaẹnmwa?” Urhu nii keghi wanniẹn wẹẹ, “Mẹ ne Jesu ne u zọ ẹre owẹ nọ.

Ebe ne Pọl gbẹẹn gie emwa Rom 10:20

Aizaia ọre ọ ghi wa din sẹ, ọ keghi kha wẹẹ, “Emwa ni ma zẹdẹ gualọ mwẹ, miẹn mwẹ, I keghi rhie egbe maa emwa ne ẹ i nọ ẹmwẹ mwẹ.”

Ebe ne Pọl gbẹẹn gie emwa Rom 10:3

Rhunmwuda iran ma rẹn vbene Osanobua ya dọlọ ọmwa kugbe be egbe ẹre hẹ, iran keghi rhunmwuda ọnii gha bẹlẹ odẹ ọghe egbe iran, rhunmwuda ọnii, iran ma ghi ye obọ ye Osanobua re vbekpa ọghe vbene ọ ho ne ọ ya dọlọ iran kugbe ba egbe irẹn hẹẹ.

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

Ebe ne Pọl gbẹẹn gie emwa Rom 7:9

Mẹ tobọ mwẹ ka gha rre agbọn yi vbe ne uhi i na rre evba, sokpan, a ghi yi uhi nẹ nian, orukhọ keghi rhiọrre, mẹ na ghi wu.

Filipai 2:12

Rhunmwuda ọnii, ọse mwẹ ni ghan, vbene uwa wa gha họn ẹmwẹ mẹ ẹghẹ ne I na rre ehe ne uwa ye, ẹghẹ na ọre ọ na mobọ ke nian ne uwa gha họn ẹmwẹ mẹ vbe ne a ghi na miẹn na ighẹ I i ghi rre ehe ne uwa ye. Wa gha ya ohan kevbe uguọmwẹ winna khian, ne uwa miẹn ehe na ru ẹmwẹ imiẹnfan uwa fo,

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”

I Samuẹl 16:3

Tie Jese ye izọ ese na, I gha tama ruẹn emwi ne u gha ru. Ọmwa ne I ghi tama ruẹn, u ghi ma ẹre ọba.”

I Samuẹl 28:5

E Sọl ghi miẹn ivbiyokuo e Filistin, ohan keghi mu ẹẹn.