Iwinna 9:41 - Edo Bible (E Baibol Ẹdo) Version 1996

⁴¹ Pita keghi nien obọ ya ru iyobọ nẹ ne ọ kpaegbe, ọ keghi tie emwa iyayi nii, kevbe avbe ẹgbẹe, ọ keghi rhie ẹre ne iran ke ẹe kevbe ẹmwẹ ne unu.

Iwinna 9:41 ပူးပေါင်းရင်းမြစ်များ

Gẹnẹsis 45:26

Iran tama rẹn wẹẹ, “E Josẹf ye rre agbọn! Rẹn ọ re ọ khaemwisẹ yan Igipt hia!” Ọ keghi yan e Jekọb unuan, ọ ma ya iran yi.

I Ọba 17:23

Elaija keghi mu ọmọ nii tuorre vbe egedege, bu iye ẹe gha khian, ọ tama rẹn wẹẹ, “Ghe ghẹ ovbi uẹ ye rre agbọn.”

II Ọba 6:7

Rẹn keghi kha wẹẹ, “Rhie ẹre,” okpia nii na ghughẹrre, ọ na rhie ẹre.

Job 29:13

Emwa ne ẹmwẹ agbọn hie ẹre uke kegha tian mwẹ, I keghi yi avbe ẹgbẹ obọ ne ẹkun sẹ iran otọ.

Psalm 146:9

Ọ degue avbe ọrriọvbe ni rre otọe mwa, ọ ru iyobọ ne avbe ẹgbẹe kevbe emọ ni i mwẹ erha, sokpan, ọ ghi zagha uma emwa dan an.

Iyẹn ne ọ Maan Ọghe Mak 1:31

Rẹn keghi bu ẹre gha khian, ọ keghi si ẹre obọ kpaegbe. Emwirraro ni na fo. Rẹn keghi do mu ọghọ ye iran egbe.

Iyẹn ne ọ Maan Ọghe Luk 7:12

Ugbẹn vbe ọ ghi wa sẹ onurho ẹvbo ni, emwa ni mu orinmwi khian kegha gbe usun ladian. Okpia ne ọ wu na kegha re ukpọmọkpa ne okhuo ni wa mwẹ, ẹgbẹ vbe nọ, iran ni bun keghi vẹ lele ẹe ke ore ẹvbo gha dee.

Iyẹn ne ọ Maan Ọghe Luk 7:15

Ọmwa ne ọ te wu ni keghi kpaegbe tota, ọ na gha guan. Jesu keghi dọlegbe rhie ẹre ne iye ẹe.

Iwinna 20:12

Iran keghi rhie igbama ni la owa, ọ ma wu, ekhọe iran keghi sẹ otọ.

Iwinna 3:7

Rẹn keghi rhie ẹre obọ erha ọmwa, ọ keghi si ẹe kpaegbe, vbe ọwarọkpa nii, owẹ ọre kevbe akhuẹn egbe ẹre hia keghi de ziẹn.

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 9:13

Ananaias keghi wanniẹn wẹẹ, “Ẹ i re avbiẹ ẹvbo ọ he ta ẹmwẹ ọmwa na ma mwẹ, uza ne ọ he zẹ vbe egbe emwa ruẹn ni rre Jerusalẹm.

Iwinna 9:32

Pita keghi wa gha khian lele ehe hia, ẹghẹ ọkpa, ọ keghi ya tuẹ emwa Nọyaẹnmwa ni rre Lida.

I Timoti 5:3

Gha ya oghẹ ne avbe ikhuo ni de ẹgbẹ ni re ẹgbẹ ne ẹgbẹ.

I Timoti 5:5

Okhuo ne ọ re ẹgbẹ ne ẹgbẹ, ne ẹ i mwẹ ọmwa ne ọ gbe aro ghe ẹre, aro Osanobua ọkpa ọre ọ ghi ghe, ọ ghi gha na erhunmwu, ọ ghi gha nọ iyobọ vbe obọ ẹre asọn kevbe avan.