Iwinna 9:40 - Edo Bible (E Baibol Ẹdo) Version 1996

⁴⁰ Pita keghi viọ iran hia ladian vbe ughugha nii, ọ keghi diguẹ, ọ na na erhunmwu, ọ mu aro da ikun ẹnrẹn nii, ọ wẹẹ, “Tabita, kpaegbe!” Rẹn keghi rhan aro ua, ọ ghi bẹghe Pita, ọ keghi kpaegbe tota.

Iwinna 9:40 ပူးပေါင်းရင်းမြစ်များ

II Ọba 20:11

Aizaia keghi na erhunmwu ghe Nọyaẹnmwa, rẹn keghi ruẹe ne aghọnghọn ni ye ibata igbe kanmwa sẹ ayọ vbe ikpawẹ Ehaz ne ọba.

Matiu 6:6

Sokpan wẹ gha ra na erhunmwu, la ughugha ruẹ, khui urho, na erhunmwu ghe Erhaa ne a i bẹghe. Erhaa ne ọ bẹghe emwi ne u ru vbe ẹkhokho, gha san ruẹn ẹse.

Matiu 9:25

Ọ ghi khulo iran hia ladian nẹ, Jesu keghi la ughugha ne ọmọ ni ye, ọ keghi si ẹre obọ, ọmọ ni keghi kpaegbe.

Iyẹn ne ọ Maan Ọghe Mak 9:25

Jesu ghi ghee, emwa ni gbe ẹbu ye evba hẹko do lẹga iran, ọ keghi gu orhiọn dan ni guan wẹẹ, “Wẹ ne orhiọn odin ne ọ vbe yin ehọ, I tama ruẹn nian ne u ladian vbe egbe ọmọ na, ghẹ ghi dọlegbe la uwu ẹre ọvbehe.”

Iyẹn ne ọ Maan Ọghe Luk 22:41

Ọ keghi sẹ iran rae, ọ na la omwa umọdia kherhe sikẹ odaro, ọ keghi diguẹ ọ na na erhunmwu.

Iyẹn ne ọ Maan Ọghe Luk 8:54

Sokpan Jesu keghi rhie ẹre obọ, ọ wẹẹ, “Kpaegbe ọmọ ne ọmọ!”

Iwinna 20:36

Pọl ghi guan fo nẹ, ọ keghi deba iran diguẹ, ọ na na erhunmwu.

Iwinna 21:5

Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Iwinna 28:8

Erha Publiọs keghi lovbiẹ, egbe ma rran rẹn, ọ keghi họn ẹmwẹ emwirraro kevbe ezẹginzẹgin. Pọl keghi la ughugha ẹre, ọ na erhunmwu, ọ keghi viọ obọ yan rẹn, ọ na mu ẹre egbe rran.

Iwinna 7:60

Rẹn keghi de fie iguẹ, ọ na datu wẹ, “Nọyaẹnmwa ghẹ ka orukhọ na ye iran owẹ.” Ọ ghi tae nẹ, ọ keghi wu.