Iwinna 9:4 - Edo Bible (E Baibol Ẹdo) Version 1996

⁴ Rẹn keghi de gbe otọ, ọ keghi họn vbe urhu ọkpa tama rẹn wẹẹ, “Sọl, Sọl, vbọzẹ ne u na zọ mwẹ owẹ?”

Iwinna 9:4 ပူးပေါင်းရင်းမြစ်များ

Gẹnẹsis 16:8

Ọ na kha wẹẹ, “Hega ne ọviẹn Serai, vbua rrie vbua ke dee?” Ọ keghi kha wẹẹ, “Te I lẹ kpa sẹ arowa mwẹ nokhuo rae.”

Gẹnẹsis 22:11

Sokpan, odibo Nọyaẹnmwa keghi datie ẹre ke ẹrinmwi rre, “Ebraham, Ebraham!” Rẹn keghi wanniẹn wẹẹ, “Ee, ghe mwẹ mwa.”

Gẹnẹsis 3:9

Sokpan e Nọyaẹnmwa Osanobua keghi datie okpia nii wẹẹ, “Wẹ vbo?”

Ẹksọdọs 3:4

E Nọyaẹnmwa ghi miẹn ighẹ e Mosis hẹko sikẹ ọre, Osanobua keghi datie ẹre ke uwu erhẹn nii rre, ọ wẹẹ, “Mosis! Mosis!” Rẹn na wanniẹn wẹẹ, “Ghe mwẹ vbe emwa na.”

Aizaia 6:8

Iyekọnii, mẹ keghi họn vbe Nọyaẹnmwa khare wẹẹ, “De ọmwa ne I gha gie? De ọmwa ne ọ gha yo ukọ ne ima?” Mẹ keghi wanniẹn wẹẹ, “I gha yo! Gie mwẹ.”

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Iyẹn ne ọ Maan Ọghe Luk 10:41

Nọyaẹnmwa wanniẹn tama rẹn wẹẹ. “Mata, Mata, emwi ne u si osi kpokpo egbe baa bun gbe.

Iyẹn ne ọ Maan Ọghe Jọn 18:6

Ugbẹn vbe Jesu ghi tama iran wẹẹ, “Mẹ ọna khin.” Iran bi ghe iyeke, iran keghi dele gbe otọ.

Iyẹn ne ọ Maan Ọghe Jọn 20:16

Jesu tama rẹn wẹ, “Meri!” Rẹn keghi fi egbe werriẹ ghe odẹ ne ọ ye, ọ keghi zẹ Hibru ọ wẹẹ, “Rabbọni!” (ọnii nọ wẹ “Ọmamwaemwi.”)

Iyẹn ne ọ Maan Ọghe Jọn 21:15

Iran ghi rri evbare nẹ, Jesu tama Saimọn Pita wẹẹ, “Saimọn ne ovbi e Jọn, wẹ ho ẹmwẹ mwẹ sẹ avbe emwi na ra?” Rẹn wanniẹn wẹẹ, “Ẹsẹse Nọyaẹnmwa, U rẹnrẹn ighẹ I ho ẹmwẹ ruẹn.” Jesu tama rẹn wẹ, “Gha gbe aro ghe ivbi ohuan mwẹ.”

Iwinna 5:10

Vbe ọwarọkpa nii, ọ keghi de gbe otọ vbe akharha ẹre, ọ na wu. Avbe igbama nii ghi la owa, iran do vba ighe ọ wu nẹ, iran keghi mu ẹn ladian, iran na ya tọn ẹn ye otọ diake ọdafọn ọnrẹn.

Iwinna 9:5

Rẹn keghi nọọn wẹ, “Gha nọ yi Nọyaẹnmwa?” Urhu nii keghi wanniẹn wẹẹ, “Mẹ ne Jesu ne u zọ ẹre owẹ nọ.

Ebe ne Pọl gbẹẹn gie emwa Rom 11:22

Emwa na ọre ima na rẹn vbene Osanobua fu hẹẹ kevbe vbene ọ vbe khọ hẹẹ, ọ keghi khọ mu iran ni dele, ọ keghi fu ne uwa a deghẹ uwa gba ọghọ ufumwẹ ọnrẹn ginna egbe, sokpan deghẹ wa ma ru vberriọ, a gha vbe giagia uwa kua.

I Kọrinti 12:12

Rhunmwuda te Kristi ye vbe egbe ọkpa ne ọ mwẹ ina ughughan, egbe ọkpa ye nọ, a gha rhe miẹn ighẹ ina ughughan ọ re ọ rrọọ.

I Kọrinti 4:7

Gha ọ tama ruẹn yi ighẹ u maa sẹ emwa ọvbehe? Ẹre Osanobua ọre ọ viọ emwi ne u mwẹ hia nuẹn? A deghẹ erriọ nọ, de ne a ghi ghagha baa vbọ, vbene a miẹn wẹẹ ẹ i re te a ya ẹe ru ọmwa ẹse.

Ẹfisọs 5:30

Rhunmwuda egbe ẹre ọre ima khin.)