Iwinna 9:39 - Edo Bible (E Baibol Ẹdo) Version 1996

³⁹ Rhunmwuda ọnii, Pita mu egbe ọ keghi lele iran gha khian. Ọ ghi sẹ evba, iran keghi rhie ẹre gha rrie nene ughugha vbe egedege. Avbe ẹgbẹe hia keghi mama rhuẹe, iran gha viẹ, iran kegha viọ ẹwu ọkotọ kevbe ọkodukhunmwu ne a sele vbe ẹghẹ ne ọ na rre agbọn ma emwa.

Iwinna 9:39 ပူးပေါင်းရင်းမြစ်များ

II Samuẹl 1:24

Ikhuo ni rre Izrẹl, wa khiẹ e Sọl. Rẹn ọ re ọ rhuan uwa ukpọn ododo esiesi, ọ keghi ya ikpẹrọnmwọ kevbe igoru mu uwa egbe.

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Matiu 17:17

Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

Matiu 26:11

Ẹghẹ hia ọre avbe ivbiogue gha ya gu wa gha rrọọ, sokpan mẹ i ra gha gu wa rrọọ ẹghẹ hia.

Iyẹn ne ọ Maan Ọghe Mak 14:8

Ọ ru emwi ne ọ gha sẹtin ru nẹ, ọ tue ori ne ọ winhin na yan mwẹ egbe ne ọ ya dọlọ ẹe ye otọ khẹ ẹghẹ irorinmwi.

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 12:8

Avbe ivbiogue gu uwa rrọọ ve ẹghẹ hia, mẹ i ra gu uwa gha rrọ ẹghẹ hia.”

Iyẹn ne ọ Maan Ọghe Jọn 17:12

Ẹghẹ ne I na gha gu iran rrọ, ẹtin eni ruẹn ọre I ya tan ifuẹn gue iran, eni ne u mu mẹ nii, I gele tan ifuẹn gue iran, a ma miẹn ne ọ fuan vbọ, gberra ọkpa nii ne a wẹ te ọ ra fuan, ne ẹmwẹ ne ebe ne ọ huanrẹn ta ẹe miẹn ehe na sẹ.

Iwinna 1:13

Iran la Jerusalẹm, iran kegha rrie owa ne iran dia: Pita, Jọn, Jems, kevbe Andru, Filip kevbe Tọmọs kevbe Batolomiu kevbe Matiu, Jems ne ovbi Alfiọs, Saimọn, ne ọya a ya sinmwi ẹvbo ọmwa, kevbe Judas ne ovbi e Jems.

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 8:2

Emwa ni ya ekhọe ga eso keghi ya re Stivin, iran na keghi kakabọ viẹ ọe ẹsẹse.

Iwinna 9:41

Pita keghi nien obọ ya ru iyobọ nẹ ne ọ kpaegbe, ọ keghi tie emwa iyayi nii, kevbe avbe ẹgbẹe, ọ keghi rhie ẹre ne iran ke ẹe kevbe ẹmwẹ ne unu.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

I Tẹsalonaika 4:13

Etẹn mwẹ, ma ho ne uwa rẹn ẹmwata ne ọ rre ẹmwẹ emwa ni wulo nẹ, ne uwa ghẹ gha mwẹ irhiaẹko zẹ vbe emwa ne ẹ i mwẹ idaehọ.

I Timoti 5:3

Gha ya oghẹ ne avbe ikhuo ni de ẹgbẹ ni re ẹgbẹ ne ẹgbẹ.

I Timoti 5:5

Okhuo ne ọ re ẹgbẹ ne ẹgbẹ, ne ẹ i mwẹ ọmwa ne ọ gbe aro ghe ẹre, aro Osanobua ọkpa ọre ọ ghi ghe, ọ ghi gha na erhunmwu, ọ ghi gha nọ iyobọ vbe obọ ẹre asọn kevbe avan.

I Jọn 3:18

Ivbi mwẹ, ọma kei ne aho ẹmwẹ ọmwa ima gha re ọghe ẹmwẹ unu kevbe etalọ, ọ kere ne ọ gha re aho ẹmwẹ ọmwa ẹmwata, ne a la ekpa uyinmwẹ rẹn.