Iwinna 9:36 - Edo Bible (E Baibol Ẹdo) Version 1996

³⁶ Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Iwinna 9:36 ပူးပေါင်းရင်းမြစ်များ

II Krọnikol 2:16

Ma gha giagia igẹdu sida ni rre uhunmwu oke Lebanọn zẹ vbe ne u ho, a ghi sele ehia kugbe, ma ghi gua ẹe la okun gha die Jopa. Wẹ sẹtin ke evba viọ iran gha rrie Jerusalẹm.”

Ẹzra 3:7

Emwa nii keghi zẹ igho ne a ha ne iran ni ya okuta bọ owa kevbe avbe owinna, iran keghi vbe ni evbare kevbe ayọn kevbe ofigbọn oliv, ne a viọ gha rrie Taia kevbe vbe Saidọn, ne a ya dẹlẹ erhan vbe ẹgbo e Lebanọn, kevbe ne a vbe guae la okun gha rrie Jopa. E Sairọs ne ọgbaisi ọghe Pẹsia kue yọ nẹ, a kegha ru avbe emwi na hia.

Itan 5:19

ne ọ mose kevbe ne lọgiọọ vbe ẹrhuẹ amwẹ. Gie ose ẹre gha ya ẹko rhiẹnrhiẹn uẹn gie irẹn vbe ya ahoẹmwọmwa ẹnrẹn hin uwẹ egbe.

Ihuan Ne Ọ Sọọ Ihuan Hia 2:9

Te enida mwẹ yevbe uzo Ọ yevbe oteghe ẹrhuẹ. Ya ghe vbe ọ mudia ye ọkpẹn ekẹn. Ọ fi aro la ewindo ghe uwu owa ọ rhie aro la uvun ẹkhu.

Ihuan Ne Ọ Sọọ Ihuan Hia 3:5

Wa yan ma mwẹ, wa ne ikhuo e Jerusalẹm wa ya ẹrhuẹ ne ọ vin kevbe uzo vẹn ihẹn. Wẹ wa i ra fi ukpe ye ẹmwẹ aho ẹmwẹ ọmwa ima.

Ihuan Ne Ọ Sọọ Ihuan Hia 8:14

Enida mwẹ bu mwẹ gha dee zevbe uzo, zẹ vbe ovbi ẹrhuẹ vbe avbe uhunmwu oke, ehe ne avbe emwi ni winhin na zọ.

Jona 1:3

Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.

Matiu 25:17

Erriọ zẹẹ, ne a mu enaira arriaisẹn eva na, keghi vbe miẹn enaira arriaisẹn eva vbe ere.

Iyẹn ne ọ Maan Ọghe Jọn 15:5

“Mẹ ọrọre erhan azara, wa ọrọre abọ. Ọmwa ne ọ rhirhi di uwu imẹ ya, mẹ na vbe di uwu ẹre ya, gha mọ ẹsẹse, rhunmwuda vbe ne imẹ i na rre evba, emwi ọkpa ne uwa gha sẹtin ru i rrọọ.

Iyẹn ne ọ Maan Ọghe Jọn 15:8

Odẹ vberriọ ọre a ya rhie uyi Erha mwẹ maa, wa ghi kakabọ mọ, wa ghi do gha re erhuanegbe mwẹ.

Iwinna 10:23

Pita keghi viọ emwa ni la owa iran na gbe asọn nii vbe evba. Ẹdẹ ghi gbe, rẹn keghi mu egbe, ọ na lele iran, eso vbe uwu avbe etẹn ni rre Jopa kevbe lele ẹe gha khian.

Iwinna 10:31

ọ wẹẹ, ‘Kọniliọs, Osanobua họn erhunmwu ruẹn nẹ, ọ vbe ye iwinna itohan ruẹn rre.

Iwinna 10:8

Ọ keghi ta emwi ne ọ sunu ma iran, ọ na gie iran gha rrie Jopa.

Iwinna 11:13

Ọ keghi tama ima vbene irẹn miẹn odibosa hẹ, vbene ọ mudia ye uwu owa irẹn hẹ, ọ na tama irẹn wẹẹ, ‘Gie ọmwa gha rrie Jopa ne u ya tie ọmwa ọkpa ne a tie eni ẹnrẹn Saimọn Pita.

Iwinna 11:5

“Jopa ọre I gha ye, ugbẹn vbe I ghi na erhunmwu, I keghi miẹn umian. I keghi miẹn emwi ọkpa ne ọ ye vbe ukpọn ne a taẹn, ne a de ẹre abọ enenẹ, a keghi mu ẹn tuorre ke odukhunmwu dee, ọ keghi mudia vbe odaro mwẹ.

Iwinna 9:38

Jopa ma rrei gbe vbe Lida. Avbe erhuanegbe ni rre Jopa ghi họn ighẹ Pita rre Lida, iran keghi gie arhunmwu eva bu ẹre wẹẹ, “Zẹgiẹ bu ima gha dee.”

Iwinna 9:42

Emwi na keghi wa gbigbi la Jopa hia, emwa ni bun keghi ya Nọyaẹnmwa yi.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

I Tẹsalonaika 4:10

Erriọ zẹẹ ọre uwa vbe gha yin ghe etẹn hia ni rre Masidonia. Te ima ghi rinmwian uwa na etẹn, ne uwa ru ne ọ sẹ ọnii.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Taitọs 2:7

Wẹ tobọ ruẹ gha re igiemwi vbe uwu iwinna esi hia. U ghi mu aro yọ ne u vbe gha ta ẹmwata vbe u a gha ma emwa emwi.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.

Jọsua 19:46

Mejakọn kevbe Rakọn deba otọ ne ọ mu aro da Jopa.