Iwinna 9:35 - Edo Bible (E Baibol Ẹdo) Version 1996

³⁵ Emwa hia ni rre Lida kevbe Siarọn ghi miẹn ọẹn, iran keghi do ya Nọyaẹnmwa yi.

Iwinna 9:35 ပူးပေါင်းရင်းမြစ်များ

I Krọnikol 5:16

Iran kegha rre otọ e Basian kevbe Giliad vbe ẹvbo ni lele ehe ne aranmwẹ na rria vbe Sairọn.

I Krọnikol 8:12

Elpal kegha mwẹ emọ ikpia eha, ena ọ re Ebẹ, Misiam kevbe Siẹmẹd. E Siẹmẹd ọ re ọ bu avbe ẹvbo na a tie ẹre Ono kevbe Lọd deba igue ni lẹga iran.

Nehimaia 11:35

e Lọd kevbe Ono, deba Iya avbe Owinna.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Aizaia 31:6

Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Aizaia 33:9

Otọe khian ne a i ghi na gbe ugbo, emwa lẹ hin ehia rre. Ẹgbo e Lebanọn luẹluẹe. Iya e Sairọn ne ọ te maa emwiokọ khian ne ọ ghi yevbe ato, ebe khakha kua vbe erhan ni rre Basian kevbe Oke Kamẹl.

Aizaia 35:2

Ato gha so ihuan, ọ ghi vbe gha wee ne oghọghọ; ọ ghi do gha mose zẹ vbe avbe Oke Lebanọn ọ ghi do gha ma emwiokọ zẹ vbe otọ e Kamẹl kevbe Siarọn. Agbọn hia gha miẹn ose e Nọyaẹnmwa iran gha miẹn ukpọlọmwẹ kevbe ẹtin ẹnrẹn.

Aizaia 65:10

Iran gha ga mwẹ, iran ghi vbe gha viọ ohuan kevbe ẹmila iran ya gha rria vbe Otọe Nọrriẹe ọghe Siarọn vbe odẹ orrie kevbe vbe Iya Orueghe vbe odẹ ahọ.

Aizaia 66:8

Wa he họn egbe ọre ẹdẹ ra, wa he miẹn egbe ọre ẹdẹ? Wa he miẹn uhunmwu ẹvbo ne a wa ya ẹdẹ ọkpa mu gbọọ? E Zaiọn i ra susẹ kpẹe a ke do mu uhunmwu ẹvbo ni gbọọ.

Eve Orriara 3:40

Wa gie ima ghe vbene ima yin hẹ, ne a fiwerriẹ bu e Nọyaẹnmwa.

Hozia 12:6

Rhunmwuda ọnii nian, wa ne ivbi uniẹn e Jekọb wa mu ẹtin yan Osanobua uwa ne uwa vbe hu ẹre gha dee. Wa mudia ẹse, wa gha ru emwi ẹmwata ne uwa ya i ziengbe mudia khẹ Osanobua uwa ne ọ guan yọ.

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Iwinna 11:21

Ẹtin Nọyaẹnmwa kegha gu iran rrọọ, emwa ni bun ẹsẹse keghi yayi, iran na fiwerriẹ bu Nọyaẹnmwa gha dee.

Iwinna 15:19

Jems keghi kha wẹ, “Emwi ne ọ rre imẹ ekhọe ọrọre wẹ, ne a ghẹ kpokpo iran ne ẹ i re Ju ni bu Osanobua rre na.

Iwinna 19:10

Ukpo eva ọre a ya gha ru ọna sẹrriọ wẹ emwa hia ni rre ikinkin Esia, kevbe avbe Ju kevbe ni i re Ju keghi họn ẹmwẹ Nọyaẹnmwa.

Iwinna 19:20

Vbe nian ọre ẹmwẹ Nọyaẹnmwa na gha mu otọ yọ vbe odẹ ne ọ wo vbe egbe, ọ na vbe gha gba otọ khian.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

Iwinna 6:7

Rhunmwuda ọnii, ẹmwẹ Osanobua kegha vẹ khian. Avbe erhuanegbe ni rre Jerusalẹm kegha muan yọ, nibun vbe uwu avbe ohẹn keghi vbe do yayi.

Iwinna 9:34

Pita keghi khama rẹn wẹẹ, “Aeneas, Jesu Kristi muẹn egbe rran. Kpaegbe ne u dọlọ ukpo ruẹ yi.” Ọwarọkpa nii, Aeneas keghi guakpao.

Iwinna 9:42

Emwi na keghi wa gbigbi la Jopa hia, emwa ni bun keghi ya Nọyaẹnmwa yi.

II Kọrinti 3:16

Sokpan, a rhie ẹre hin rre zẹ vbene ebe kha re, “Mosis gha werriẹ aro ghe ehe ne Nọyaẹnmwa ye, a ghi rhie ukpọn nii hin rre.”

Diuteronomi 4:30

Sokpan, deghẹ ọlọghọmwa ghi vba uwa, ighẹ te emwi na hia ghi sunu vbe egbe uwa, ẹghẹ nii wa ghi werriegbe bu e Nọyaẹnmwa gha dee, wa ghi do gha ya ẹmwẹ ọnrẹn ru emwi.